CHARLOTTE EL BUBUU
 
Llecheklel: E. B. White
Oidel: Romana Anastacio
Milekiti t a omengiuel: Masaharu Tmodrang
 Uluusunga: Joselita Imetuker
 
ACKNOWLEDGMENT
 
CHARLOTTE EL BUBUU is a translation of the book 
CHARLOTTE’S WEB, written by E. B. White, copyright 1952 by 
Harper and Row, Publishers. It was translated with their 
permission.
 
Produced in cooperation with the Bilingual Education Project for 
Micronesia (BEPM) and the Palauan Department of Education, 
Koror, Palau WCI 96940.
 
Translated by Romana Anastacio in 1980.  Restored and digitized 
by tekinged.com volunteers in 2015.  This and many other Palauan 
books freely available for download as ePubs and PDFs at: 
http://tekinged.com/books/books.php
 
 
 
Table of Contents
Title Page
2
I TUTAU
4
II WILBUR
10
III CHIIS
13
IV CHAMIRENG
22
V CHARLOTTE EL BUBUU
28
VI ULENGULL ER A SKUUL
38
VII MEKNGIT EL CHAIS
43
VIII TEKOI ER A BLAI
47
IX KLIMELENGEL A WILBUR
50
X DUB
62
XI MEANG EL DILUBECH
72
XII CHELDECHEDUCH
80
XIII BLECHELEL A UNGIL EL UREOR
86
XIV TOKTANG EL DORIAN
99
XV CHEREMEL A CHULL
106
XVI OMERAEL EL MO ER A HIMBIOKAI
111
XVII OKDEMAOL
121
XVIII KELEKOLT ER A MOCHA KEBESENGEI
129
XIX BLIL A NGAIS
135
XX KO EL DOSEBANG
146
XXI ULEBONGEL EL SILS
153
XXII SILS ME A KLEALD
160
172
I  TUTAU
 
Ng dirk tutau me a Fern a olengeseu er a delal el mengetmokl er a
tebel el kirel a blengur. E a lechisngekl a Fern e a demal a todeba
er a tuangel el oba a otilech. Me ng oker er a delal el kmo, "Ng mo
er a demak?"
 
A delal a ulenger, "Ng mo er a blil a babii el mo omes a ngelekel a
babii el milechell er a kesus."
 
"E ngera me ng oba a otilech?" ng uleker a Fern?
 
Me a delal a ouchais er ngii el kmo, "A chimo er a ngelekel a babii a
milechell  el  kmal  el  kekeriei  er  aike  el  bebil.  E  dirrek  el  kmal
mechitechut  me  ng  locha  mo  diak  a  belkul  me  a  demam  a  soal  el
mo omekoad er ngii."
 
A Fern a kmal mlo meklou a medal e chisngekl el mo bedul a delal
e kmo,"Ke dilu el kmo ng mo omekoad er a ngelekel a babii? E le
ngii el kuk kekeriei er aike el bebil?"
 
A delal a melecha a kal  er a tebel e kmo, "Lak moldiu. E a demam
a medengei a loruul. E ngike el babi  a di ulterekokl el di mo mad e
le ng kmal el kekeriei e kmal el mechitechut me ng diak a rolel e bo
lsobel."
 
A Fern a rirurt el tuobed el oltoir er a demal. Tia er a lotiri  a demal e
ng  lilangel  el  olengit  er  a  demal  me  lak  lomekoad  er  a  babi   e  ng
kmal  el  chebuul.  Me  a  demal  a  mlo  dechor  a  dula  er  ngi   el  kmo,
"Bo mchelel akl a bo mosuub el mengelmekl er a rengum."
 
Me ng mereberebet a iuechel a medal a Fern e kmo, "A tekoi er a
kodal  a diak el sebeched el kilmekl a rengud er ngi ." Ng lilangel e
mocha omerober er a otilech er a demal.
 
A  demal  a  diul  el  kmo,  "Fern,  ngak  a  kmal  el  klou  el  medengei  a
rolel a okerulel a babi . A mechitechut el babi  el kekeriei a diak a
rel i  e di mo ongesang. Me morael e lak mongesang er ngak."
 
 2 

A Fern a menga el mocha klou a lengelel e le ng kmal mekngitei a
rengul er ngika el ngelekel a babi .
 
Ng  dilu  er  a  demal  el  kmo,  "Ngika  el  babi   a  kmal  el  chebuul.  Ng
dimlak lsoal el mechel  el ua isei. Ka di mngikak el mo er a osisiu el
teletael, o kmo ak milechel  el kmal mle kekeriei e ke milekotkak?"
 
 
 
A  demal  a  Fern  a  kmal  mle  mereched  el  onger  el  kmo,  "Ng  kmal
diak." Ng omes er a ngelekel e kmal mekngitei a rengul. Ng mocha
mesaod er a ngelekel el kmo, "A kekeriei el ngalek me a ngelekel a
babi  a teblo el kmal kakerous el tekoi."
 
A Fern a dirk oltamet er a otilech e kmo, "Ng diak kusa a kakerous
er a klengar er a chad me a charm. Tia el moruul er ngi  a kmal diak
 3 
lungil er a chebuul el charm."
 
A demal a Fern a kmal mlo bekerekard a medal er a lrenges aika el
tekoi. Ng dirrek el kmal mekngitei a rengul er a ngelekel me ngika el
ngelekel a babi . Me ng dula er a Fern el kmo, "Bo er a blai e bo
knguu  ngike  el  chitechut  el  ngelekel  a  babi   e  lekong  me  bo
momekeroul  er  ngi   el  ua  ltolechoi.  Ng  mo  mengesang  le  ng  mo
tmut  a  butiliang.  E  alta  e  sei  kid  e  ke  mo  medengeli   e  ringelel  a
okerulel e mekekeriei el babi ."
 
A l eta a demal a Fern el mo er a blai e ng chelebil  er a kekeriei el
box. A lebe ltuu er a blai e a Fern a ngar er a rebai el omekngi s a
oecherel. E a tebel a kldmokl el kirel a blengur me ng mengetelakl a
bul a kohi me a mekekeald el kal .
 
A  delal  a  Fern  a  dilu  er  a  bechil  el  kmo,  "Mlia  tilecha  el  box  er  a
kingel el  a  Fern."  Me  ng  milecherei  a  box  er  a  kingal  e  mocha
melatech a chimal.
 
Ng merola a Fern a mekekokil el mo tmuu el di obreburek a medal
er a lengelel. A lekeda er a tebel e ng mesa a kekeriei el box el ngar
er a kingel el el ko er a melechetuchel e merereek a chelsel. Me ng
chilsngekl  el  mesa  a  demal  a  mocha  mekekokil  el  omkais  er  a
dengebel  tia  el  box.  A  lebkisi   e  ng  ngar  er  ngi   a  becheleleu  el
ngelekel a babi  el omes er ngi . E a sils a melidi ch er a dingal me
ng ko er a mo bekekerekard e mengchecheldoech.
 
A demal a mil ekoi er a Fern el kmo, "Ng cheremem el mulsebeli .
Me mousubes er a telitur er ngak el leko kumekoad er a dirkak el
kirel el mad el charm."
 
A Fern a di kea lemengai a medal er a cheremel. Ng di omes er ngi
e omdasu el kmo, "Ngika a kmal el klebokel el ngelekel a babi ." Ng
mekekokil el chosmeri  a box e kmedi  er a kingal  e mo mechuli  a
demal, e kuk mo mechuli  a delal e lolecholt er a deuil a rengul. Ng
luueta el mo otebedi  a cheremel e nguu el me melungel er ngi . Ng
melungel er ngi  e ngi  a tmoech a chochedal er a Avery.
 4 

 
A Avery a klou er a Fern er a cheru el rak me ng ko er a ouklou el
chad er ngi . A ltoech e ng chel ungel er a bosel e oba olsengel e
merael el ko er a omekeukel el mei er a uum. Ng di tiloech e oker,
"Ngilecha ng ngerang? Ng ngera a loba a Fern?"
 
A  delal  a  ulenger,  "Ng  sechelil  a  Fern,  e  bo  mriso  a  chimam  e
mtechelbi  a medam e ng mla mo temel a blengur."
 
A Avery a milechei a kloklel e kmo, "Ka mei mekusang? Ngika el ko
er a ngelekel a beab a omdu el kmo ng ngelekel a babi ?"
 
A delal a ulerreched er a Avery me bo lolecholb e ng mochu temel
a bus er a skuul el mei.
 
A Avery a mil ekoi er a demal el kmo ng soal el oucharm er a chimo
er a babi . Me a demal a kmo, "A babi  a di mo er tirke el sekukokl
el oleong a nguches a ltutau. A Fern a oucharm e le ng mle soal el
olsobel  er  a  babi   el  mle  kirel  el  okodal   e  mereko  e  mei  me
domengur."
 
 5 

A Fern a dimlak a sengerengerel e le ng di omdasu er a cheremel.
Ng mle soal el ma mekeli  er a uchei er a lomengur. Me a delal a
mlo nguu a chimo er a tut el butiliang el mei me te locha a milk er
ngi  e ng mocha dengchokl a Fern e oltekau er a cheremel e oltut er
ngi  el di ua a mera el tolechoi. Ngika el babi  a kmal mle kekeriei e
ng di kmal mle songerenger me ng mle mereched el mo meduch el
tmut.
 
 
Ng dirkak lomengur a Fern me a Avery e a bus er a skuul a merema
me a delrir a orreched er tir e omail a kelir el donats e te ngmai e
remurt el mo er a bus.
 
Te ngmasech er a bus e a Fern a kmal di kea lesterir a resechelil e
le ng di omdasu er a cheremel. Me ng dengchokl el kmal el dmeu a
rengul se el omdasu a di ngi  el mo oungerachel a rokui el kirel a
cheremel. Me a deuil a rengul e ng mildesui  a ungil el mo ngklel a
cheremel er a le bocha lekerd er a skuul.
 
Tia el ngakl el luldesui  a Wilbur. A Fern a kmal mle soal tia el ngakl
 6 
a  bo  le  ngklel  a  cheremel  me  ng  mocha  er  a  classroom  e  di
melebedebek er ngi . Me a lokerir a ngklel a sensei e loker el kmo,
"Fern, ngera a ngklel a kot el klou el beluu er a Hawai ?"
 
A  Fern  a  ulenger,  "Ng  Wilbur."  Me  a  rengalek  er  a  class  a
ocherechur me ng kmal mlo merur a Fern.
 
 
 7 
II WILBUR
 
A Fern a dimlak a ngodech el mo ruchei er a rengul el ua Wilbur.
Me a lekiei e ng di melitaiu er ngi  e omeka er ngi  e omechiuaiu er
ngi . Ng omkokl a letutau el mengeald er a tul el milk e omeka er
ngi   er  a  uchei  er  a  lebo  er  a  skuul.  Me  sei  el  lengar  er  skuul  e  a
delal a oltut er a Wilbur a lesueleb. E se el lebo lrei e ng di tmuu el
mo  er  a  uum  el  mo  meruul  er  a  tul  a  Wilbur.  Ng  omeka  er  ngi   a
ltemel  a  belsoil  e  lmuut  el  mekeli   er  a  uchei  er  a  bo  lebad.  Me  a
Wilbur  a  kmal  mlo  smau  er  a  Fern  me  ng  blechoel  el  outkeu  e
remurt el ousemeriar el mo er ngi  se el lebo lomeka er ngi .
 
A Wilbur a di mle mekesai el klebesei el lekiei er a kekeriei el box el
ngar er a bita er a stob er a uum e a delal a Fern a kmo, "Ke mo
loia a cheremem er a chelsel se el klou el box el ngar er a chelsel a
blil a idungel." Ng mle eru el Sandei el lekiei er a blil a idungel e a
demal  a  Fern  a  mocha  dmedesi   a  eungel  a  klou  el  kerrekar  er  a
rebai er a blirir e ngukli  a klou el kahol el mui  er a merat el l el a tuu
el  mong.  Tia  el  blil  a  Wilbur  a  mla  er  ngi   a  tungelel  me  ng  mle
sebechel a Wilbur el mo tuobed e me tmuu se el soal.
 
A  Fern  a  uleker  er  a  demal,  "Kele  bo  lemekerasm  a  Wilbur  a
leklebesei?"
 
A demal a ulenger, "Ng diak. Ke mo omdidm er ngi  el kmo, ng mo
mekerang."
 
A Fern a uleba a tul a Wilbur me ng mocha dengchokl er a eungel a
kerrekar  e  a  Wilbur  a  remurt  el  mong  me  ng  oderesi   a  tul  me  ng
tmut. Ng di milechachongi  a tul e mesululang me ng merael el mo
er a blil el mesel er a dngesel. A lebo lultom a Fern e lomdidm e ng
mengi s  a  l el  a  tuu  e  mocha  duesi   er  a  delongelel  e  mocha
mechiuaiu. Me a Fern a kmal mlo dmeu a rengul le lomes er ngi  e
ng kmal teletelel a mekekeald er a delongelel aika el l el a tuu.
 
Se  el  letemel  a  skuul  e  a  Fern  me  a  Wilbur  a  blechoel  dmak  el
merael el mo er a chades e mengi l er a bus. Me a lemei a bus e ng
mo  ngmasech  a  Fern  e  omiroi  el  melemesumech  er  a  Wilbur.  A
Wilbur  a  dechor  el  omes  er  a  bus  el  mo  cheroid  e  merael  el  mo
 8 
remei. Me ng di mo el mo soiseb er a blil me ng chelsimer e mengi l
er a tebedel a skuul. Se el lebo lrei a Fern e ng di mo el mo otebedi
a Wilbur me te milil el kaiderurt me aike el lebo er ngi  a Fern a lebo
er ngi  a Wilbur. Me a ta er a klebesei me loldubech er a kuruma a
Fern el oltak er a oningio er ngi  el mo omais e a Wilbur okiu ul el.
Te merael el kmal cheridang e a Wilbur a kmal mla mo mesaul. Me
a Fern a nguu el ongesechi  er a kuruma me ng mechiuaiu er a bita
er a oningio. Ng oldubech a Fern e a lechisngekl e a Wilbur a mla
imi t  a  medal  el  oubar  er  a  berul  a  oningio  me  ng  kmal  mocha
mekekokil me lak lsa  el  melechesokl  a  kuruma  e  longerodech  me
lemekar a rengelekel.
 
A ta er a sueleb el kmal mle meringel a sils me a eanged a ungil e a
Avery me a Fern a mlo mengedub er a omoachel. A Wilbur a dirrek
el ulebengterir el mong. Me a lebo e te mengedub a rua a Avery me
a Fern e a Wilbur a mocha metengel. A lebo e ng kmal mekelekolt a
ralm me ng liluut el me ngmasech e mechere a Avery me a Fern me
te  kaikedaob  e  ngi   a  mo  er  uriul  er  omoachel.  Ng  mo  me  ng
mengi s  er  a  tkul  a  omoachel  el  olngotk  er  ngi   me  ng  di
dechedechang e dirrek el ungia a rengul se el ledi lebo lebeldebid
er a chutem.
 
A cherengel a sils el me mong e ng cherengel a klungiolel a rengul
a Fern me a cheremel er a Wilbur. E le aike el ledak el meruul a ko
er a di mo ungil besul.
 
A uriul er a eim el Sandei el lomekeroul er a Wilbur me le klunga el
mesisichang  e  a  demal  a  Fern  a  dilu  er  ngi   el  kmo,  "Ng  mla  mo
klou  a  Wilbur  e  mesisi ch  el  sebechel  di  menga  a  ulengal   me  ng
kired el mo oterur." A Fern a kmal mlo mekngit a rengul le ng kmal
diak a ngodech el soal el mo ua a Wilbur me ng mildideklokl. E ng
di demal a di mle mesisi ch el oldubech a tekingel el kirel a oterul a
Wilbur e le te mla oterau aike el bebil er a ngelekel a babi  e diak a
temir el omekeroul e mengetmokl er a chimong.
 
A demal a Fern a mil ekoi er ngi  el kmo, "Fern, ke mla rul i  a kmal
ungil el ureor el mekuruli  a Wilbur e ng di mla mo klou me kede mo
oterur."
 
 9 
A delal a Fern a mil ekoi er ngi  el kmo, "Fern, moudengua el mo er
a  obekum  er  a  Homer  e  ng  klou  a  blil  a  cheremel  e  oucharm  a
betok el bedengel a charm me a lta el soal el omechar er a Wilbur.
E  a  lenguu  e  ng  ungil  e  le  ng  kmeed  me  ng  sebechem  el  mo
oldingel er ngi  se el lebo el soam."
 
A Fern a uleker, "Ng tela a ungil el cheral?"
 
A  demal  a  dilung,  "A  Wilbur  a  ko  er  a  mle  chitechut  el  kekeriei  el
babi  me mdu el kmo, ke olterau er ngi  el kl olem el kluk a cheral
($6.00) e dosa el kmo ng dmu el mo ngerang."
 
A Fern a ulemekedong er a Homer e ouchais er ngi  er a cheremel
el soal el olterau er ngi . Me a Homer a kilengei el mo omechar er
ngi   e  le  ng  kmal  mle  beot  a  cheral.  Me  a  bocha  lekukuk  e  ng
merema a Homer el me melai er a Wilbur.
 
Me ngiluu el mo er a blil me ng nguldekiar er aika el cheremel.
 
 
 10 
III CHIIS
 
Tia el blai el leblo er ngi  a Wilbur a kmal mle klou e dirrek el kmal
mle  mechut  el  blil  a  charm.  A  bul  a  uldak  er  a  ko  er  a  bul  a
chemadech el bokso me a dechil a charm me a bul aika el meklou
el kerebou me a uos me a bebil er a mekekeriei el charm. A di mo
rul i  me ng mo ngodech se lebo er ngi  a btelul a ngikel el longa a
katuu. E sei kid e ng di mo bengud tia el chimo el sers. E a lak e ng
blechoel  el  di  bul  a  chemadech  el  bokso  a  detungel  e  le  ng  diak
lebo lak lolab el me el omekang a charm.
 
Tia  el  blil  a  cheremel  a  Homer  a  kmal  mle  ungil  lerruul  me  ng
sebechel  el  mechesimer  a  lemekelekolt  a  beluu  e  mengai  a
chesmerel se lemekeald a beluu. A chelsel tia el blil a charm a mle
bli  el ko er a ngar er ngi  a kedidai me a eou er ngi . A blil a uos me
a kerebou a mla er tia el kedidiul e a sib me a babi  a kuk mla er a
eou.  Tia  el  leblo  er  ngi   a  Wilbur  a  mle  kirel  a  blil  a  kerebou  el
kmeed er a blil a dongu er a sers. Tia el blil a dongu a mla er ngi  a
didelboi me a sebel me a otilech me a bub er a beab me a baket
me  a  betok  el  bedengel  a  klalo  er  a  sers.  A  rengalek  a  kmal  mle
sorir el milil er ngi . Me a bek el bedengel a mekekeriei el charm a
milruul a lukir er a chelsel.
 
A  Fern  a  bek  el  klebesei  el  lebo  loldingel  er  a  Wilbur.  A  sib  me  a
debar a mlo medengeli  me se lebo e te di mechiuaiu e mecherei
me ng mo tmuu. Ng di kmal mle mekngit a rengul a Fern e le bek el
lebo loldingel er a Wilbur e a Homer a kongei er ngi  me ng di omes
er a Wilbur e diak lebo lolai er ngi  er a blil. Me se el lebo e ng di
dengchokl er a kekeriei el kingal  el ngar er a blil a sib e omes er a
Wilbur. Ng dengchokl e oureng er a mo oltobed er a Wilbur el mei
me loilil.
 
 11 

 
A Wilbur a ngar er a chelsel a blil e kmal dmeu a rengul e le a Fern
a dengchokl e omes er ngi . E ng di dirk oureng e melatk aike el mle
ungil el temir er a ledak el mo mengedub e lengar er a kuruma el
 12 
leko di l uut el mei.
 
A Wilbur a kmal klunga me ng sokol el omais el mo cheroid. E a blil
a diak leklou le ltobed el mo bedul a blil a sib e ng ngar er ngi  a
ongolel  er  ngi   me  ng  di  kekeriei  a  sebechel  lomais  er  ngi .  A  bo
lebedul  a  chelsel  a  blil  e  ng  mui  er  a  koas  el  medirt  el  dechil  a
kerebou.  Me  ng  mocha  tuobed  el  mo  er  a  bita  er  a  blil  a  sib  e
merorael  e  mengichi l  er  a  Fern  le  ng  mocha  er  se  el  taem  el
leblechoel el mo oldingel a Fern. Ng di milengi l me ng mekelda er a
sils e di diak lemei a Fern me ng kmal mekngitei a rengul.
 
"Ng kmal diak a ngerang el sebeched el remuul er tiang," aike mle
uldesuel a Wilbur. Ng milrael el mo omes er a ongolel el kmo ke le
lengar er ngi  a kelel el mlo diak leues er a lomengur er a sueleb. E
a lebo e ng di budel a emuti  me ng kmang. Ng mo merek e mo er a
kboub el sersel a blil me ng mengkas er a ulkel. A le kea a loruul e
ng  mocha  soiseb  er  a  blil  el  mo  ngmasech  er  aika  el  dechil  a
kerebou el mo er a bebul e mo dengchokl. Me ng dengchokl el mla
mo  diak  lsoal  a  cheliuaiu,  me  a  diak  lsoal  a  omengi s.  Ng  kmal
tureka a rengul er a delechor me a delengchokl. Me ng kmo, "Ng
dirkak lebo e leru el buil el kchad e tureka a renguk er a klechad."
Ng mil ekoi e mileki s el merael el mo tuobed.
 
Ng  tuobed  el  mo  er  a  irkr  me  ng  dechor  e  kmo,  "Tia  a  kmal  el
chetik el delengchokl e le ng diak a ngodech el sebeched el mo er
ngi . E le a lak kbe er a ikr e ak mo er a chelsel a blik. Me ng kmal
tureka a renguk el di mengibes er a di telkib."
 
Ng  rirengesi   e  ko  er  a  kekerei  el  ngor  el  kmo,  "Merrengei,  lak
molibech e kau a kmal di kau el mengelebus er kau."
 
A Wilbur a chilsngekl e mesa a debar el dechor er a bita er a sersel
a blil.
 
"Ng  diak  a  orrimel  er  kau  me  di  mkie  er  tilecha  el  kekeriei  el
dechudech  el  chutem."  Ng  mil ekoi  a  debar  el  kmal  mereched  a
ngerel.  "Ngar  er  ngi   a  mla  mecham  el  sersel  a  blim  me  ng
sebechem el tucheli  e odbechi  el tuobed."
 
 13 
A Wilbur a uleker, "Ke dilu el kmo ngerang? Ke mo mekekokau me
ng mo sebechek el mo medengei a omolekoi."
 
"Ng diak lsoak el omelekl. Ak di dmu el kmo, tiei el kimngar er ngi
a kmal el ungil me bemtobed," aika a tekingel a debar.
 
"Ke dilu el kmo a chimo er a sersel a blik a mla mecham?"
 
"Choi. Ochoi, tia ikid a kulekoi er ngi ," ng ulenger a debar.
 
Me a Wilbur a milrael el mo omes e a lebo e ng mera el chelam me
ng tucheli  e odbechi  el tuobed er a bita el ungil el obereberek. Me
a debar a kmal mlo ungil a rengul.
 
A debar a uleker, "Ng ua ngera a rengum se el mngar er a klou el
obereberek el chutem el diak mselers?"
 
Ng ulenger a Wilbur, "Ng soak. A kumdasu e ng soak."
 
A Wilbur a ko er a mle metitur el onger e le ng smau el di chelsimer.
 
Ng uleker el kmo, "Ng locha ungil el kukerang?"
 
Me a debar a kmo, "Bo er aike el soam. Bo mongi s a chemuti , e
mongi s a uchul a mai s me aike el soam el del omel. Bo moilil er a
delul  a  bung  e  mruret  el  meliuekl  aika  el  betok  el  kerrekar  me  a
del omel aika ia doruul a dengalek."
 
A Wilbur a kilengei e mocha melechesokl e remurt el meliuekl er a
sers. Ng mocha mekekokil el melengtungel el osi k er a ungil lebo
er  ngi   e  metik  er  a  mechuu  el  eungel  a  ringo  el  kmal  sokol  el
mengi s  er  ngi .  Me  ng  mocha  tmaut  el  mengi s  er  ngi   el
choredengi  a kmal klou. Me ng dirk mengi s el kmal ungia a rengul
e  a  bechil  a  Homer  a  mesang  me  ng  oldiu  el  lomekedo  er  a
resechal.
 
Ng omekedo er a bechil e kmo, "Ng mla tuobed a babi . Ngike kid
el ngar er a eungel a ringo el mla mechereui  a chutem."
 
 14 
A Wilbur a orrenges e kmo, "Ak mla mo er a diak lekirek el ngar er
ngi  mechelecha e te kuk mo osmerak."
 
A debar a rirengesi  a klou el cherodech me ng oldiu el oldurech er
a  Wilbur  el  kmo,  "Mrurt  el  mo  metengel  el  mo  er  a  chelsel  a
chereomel e bertau e ng diak a rolir el betik er kau."
 
A  bilis  a  tilobed  el  mo  oltoir  er  a  Wilbur  e  ng  tobeda  a  Homer  el
ulureor er a mesil el mong. Ng ulerremenges er a Lurvey el mil amel
er a sers me ng mochang. A lebeteknga a rechad el merema e ng
di kea lodengeli  a lebo er ngi  a Wilbur le tia el chereomel el lulekoi
er  ngi   a  debar  a  cheroid  el  lmuut  kung  me  a  Wilbur  a  dimlak
lodengeli  a chelsel me ng mle bekikl el mo el ri d.
 
A  Homer  a  dilu  er  a  Lurvey  el  kmo,  "Bo  er  a  ul el  a  mo  kokau  el
olechi s er ngi  el mo bedul a blil e bo kngai a ulengal ."
 
Tia er a bo leketokl a rua Homer me a bilis e a recharm er tia el sers
a  di  mlo  medengei  el  kmo  ng  mla  tuobed  a  Wilbur  me  ng
udechemal . Le aika el charm a kautulechoid. A debar a ouchais er
a kerebou me a kerebou a ouchais er a sib e ng merael ngi  el chais
el iuekli  a sers. Tia er a lebo lodengei el kmo a Wilbur a mla tuobed
e te di mlo kedechedechor el omes.
 
A Wilbur a dechor el di kea lodengei a loruul e le rechad a di okiul el
me a rumes er ngi . Me ng omdasu el kmo, "A lsekum me ak tobed
er a blik e ng ua isei el klou a cherrodech me a osengelek, e ng bai
soak el di kiei er a chelsel a blik."
 
A Homer me a bechil me a Lurvey me a bilis a melengel er a Wilbur.
Me  ng  kmal  mekngite  a  rengul  a  Wilbur  me  ng  longela  el  kmo,
"Ngera  me  a  Fern  a  diak  lemei  me  lesebecheklak  e  ak  kmal
chebuul".
 
A  debar  a  mocha  dechor  e  oked  er  a  Wilbur  el  kmo,  "Mchi s.  E
moleiu e mchi s el mo er a chereomel."
 
A  bilis  a  rirurt  el  mo  omangch  er  a  ochil  a  Wilbur  me  a  Wilbur  a
oleiu  e  chemi s.  A  Lurvey  a  mlo  omdechem  er  ngi   e  tomir  e  bai
 15 
mechuli  a bilis. A bechil a Homer a uleldiu e a debar a kmo, "Ng
kot.  Tia  ikid  se  el  kulekoi  er  ngi .  Kau  mluut  el  remurt  e  mluut  el
oleiu."
 
A kerebou a ngar er eou e kmo, "Mrurt el me er a eou."
 
A sib a ngar er a bab el lmangel el kmo, "Mrurt el me ngmasech."
 
A debar a kmo, "Mchibiokl e mrurt."
 
A malk a kmo, "Molechesokl e moloik."
 
"Ali , ngilecha a Homer," ng uleldiu a kerebou.
 
 16 

"Me ngilecha a Lurvey," ng mil ekoi a debar.
 
"Ali , ngilecha a bilis," ng lilangel a sib.
 
A debar a uleldiu el kmo, "Morrenges a tekingek."
 
A Wilbur a kmal tobeda a delebengel me ng di kea lodengei a loruul
e le resechelil a kmal betok el di chemur a ngerir el mo er ngi . A
rekmo,  bemetengel,  bemngasech,  moloik  e  mordekekl  me  ng  di
kea lodengei el kmo ngera er ngi  a lebo lerel i . Ng longela el di mlo
 17 
chiuosechel  a  medal  me  ng  di  kea  loes  a  ngerang.  Ng  mocha
oureng er a Fern el kmo, "a le ngar er tia e ng sobecheklak e a kmal
chebuul". Ng oureng e a lechisngekl e a Homer a dechor er bita er
ngi  el oba a baket el ngar er ngi  a sub el kmal ungil a bul. Tia el
sub a mle derengir a rua a Homer er a lomengur er a tutau me ng
bek el bedengel a ungil el kal  a ngar er a chelsel.
 
A Homer a uleldars er a baket e kmo, "Bu, bu, bu, bu."
 
A Wilbur a milrael el mo kmeed.
 
A debar a ngar er a telia e kmo, "Lak obong. Tilecha el baket a di 
loba el omaol er kau el leko bo mkeed el chesmerau."
 
A Wilbur a dimlak lorenges a tekingel a debar e le bul tia el sub a 
kmal mle ungil me ngelmut el merael el olekeed el mo er a Homer.
 
A Homer a di mekekokil el omekedong er a Wilbur e merael el mo 
bedul a chesimer me a Wilbur a di okiul el.
 
"Ke mo ouuchel er a rengum er a uriul," ng mil ekoi a debar.
 
A Wilbur a mla mo diak lomekerreu me ng di merael el bedul tia el 
baket el kmal mocha kmeed er a blil. 
 
"Ke kuk mocha mechesimer. E a tedeb el demedinges a diak a 
belkul er a bai lak dechelsimer me demededaes el sebeched el 
remuul a soad e desi k a keled."
 
A Wilbur a di diak lorrenges.
 
A lebocha er a chesimer e ng mlo tmuu a Homer el ochubel a sub 
er a blil a kelel a Wilbur e mocha ngubeti  a mlecham el kerrekar me 
bo lemededaes me lesebechel a Wilbur el mo soiseb. 
 
“Ka mluut el omdasu er a uchei er a obom tuu." Ng uleldiu a debar 
el mo er a Wilbur. 
 
A Wilbur a di uluumechad er ngi  e mo soiseb. Ng soiseb el mo er a 
 18 
ongolel me ng melim a sub e menga e kmo, "Ng kmal ungil a 
renguk el mla me remei."
 
Ng menga a Wilbur e a Lurvey a mocha meleel er tia el telemal  el 
sersel a blil a Wilbur. A bocha lemerek e te mo chelireuakl e melaiu 
er a ulkel a Wilbur. 
 
A Lurvey a dilu el kmo, "Ngika  a bekerurt e mesisi ch el babi ."
 
Me a Homer a kmo, "Ochoi, ng teletelel a mo ungil a bedengel e 
mo klou el babi ."
 
Ng orrenges a Wilbur e kmal ungia a rengul er a dinges me a ungil 
tekoi el kirel me a ulkel el lolaiu er ngi . Ng ungil a rengul e ng di 
kmal mesululang er tia el rurt er ngi  me ng dirk mel omes e ng 
sokol el mo bad. 
 
Ng mocha mechiuaiu e omdasu el kmo, "Ak locha a kmal dirk 
kekeriei el dirkak lebo el sebechek el chemi s el di mo ngak el 
obekak."
 
 
 19 
IV CHAMIRENG
 
A bo el kukuk e ng kmal mle klou a chul  e mekngit a eanged. Me
oaol er a uum er a blil a Homer a di mlo olsesiseb. Tia el klungel a
chul  a ulechi s a sib el ulemdor er a uchul a kerrekar me te chili s el
mo er a chelsel a blirir.
 
Tia el sils e a Wilbur a ulemdasu a mo mengi s er a chelsel a blil me
ng kmal mlo chetil er tia er a leme tia el kmal klou el chul .
 
A  kot  e  ng  ulemdasu  a  mo  omengur  er  a  euid  el  klok  me  a
tedobech el menga a tebetbil a donats me a blauang me a budel a
chemuti  e melim a milk.
 
A uriul er itia e ng mle soal el mo milil ngi  me a beab el Templeton
a ngklel el kiliei er a eungel a ongolel. A Wilbur a dimlak lsoal el milil
el  obengkel  a  beab  e  ng  di  dimlak  a  ngodech  el  sebechel  el
ousechelei er ngi .
 
E a eai el mo er a etiu el klok e a leko ng mo mechiuaiu e omekngi s
er a sils.
 
E a etiu el mo teruich me a ta e ng mo mengi s er a chutem e osi k
a ungil el sebechel el mengang.
 
E a truich me a ta el mo sueleb e ng ulemdasu e di mo chelel akl el
dechor  e  omes  a  eaes  a  bo  el  reboreb  a  kerrekar  me  a  hats  a
longetab a bngal a del omel me a bebil er a mengelekel a charm a
lemesesebesebek.
 
E a sueleb e ng mo ousueleb el menga a beras me a der el malk el
ouasech e melim a mekelekolt el ralm.
 
A ta el mo eru el klok e ng mo mechiuaiu.
 
E  a  eru  el  mo  edei  e  ng  mo  mengkas  aikei  el  mekekad  er  a
bedengel er a kbekbel a blil.
 
E  a  edei  el  mo  eua  e  ng  di  mo  dengchokl  e  melebedebek  aike  el
 20 
mle ungil el omililir er a ngar er a mo e mengichi l er a Fern.
 
E a eua el klok e ng temel a blengur. Me ng mo menga derengel a
kelel a Lurvey el blauang me a ringo me a cherredoched el chemuti
me a derstelkib er a bek el bedengel a kal .
 
A Wilbur a ulemdasu aika er a uchei er a lebo lebad. Me a lebeki s
er a tutau e lsa el klou a chul  e ng kmal mlo chetil. E le rokui el mle
soal el mo meruul a di mlo diak lsebechel.
 
Ng milrael el mo ultom el omes er a eanged e a lebong e a deribek
a di soiseb el me subechi  er ngi . E a lomes er a bita er a blil e ng
kmal dekimes me a ongolel a mui er a ralm. Me ng omdikm el osi k
er a Templeton e diak lesang.
 
Me  a  Wilbur  a  ulemekedong,  "Templeton.  Ali ,  ke  dirk  ngar  er
tilechang?"  E  dimlak  longer  me  ng  kmal  mlo  mekngit  a  rengul  a
Wilbur.
 
"Ng kmal eli  me a chelecha el kungard er a chelebuul me a kerior,"
ng mil ekoi a Wilbur. "Ak dirk a ngeasek e diak a mera el sechelik er
tiang.  Me  chelecha  el  leklou  a  chul   el  locha  di  chul   el  mo
kebesengei  e  ng  ngultebechel  el  diak  lemei  a  Fern.  Ng  mera  el
dirkak kues a chelebuul el mo ua tiang." Ng di mil ekoi aika el tekoi
a  Wilbur  a  longela  el  kmo,  "Ng  di  chelsel  a  eru  el  klebesei  e  ng
mocha me ng eru el klangel."
 
A Lurvey a mlo melecha kelel a Wilbur me ng mengerodech el mo
me ng ochubel a kelel a Wilbur e ngotechi  a baket e a lomes er ngi
e  ng  ko  er  a  ngodech  el  di  chel el akl.  Me  ng  merael  e  kmo,  "Ng
locha smecher a Wilbur."
 
A Wilbur a dimlak lesecher me a dimlak lesengerenger. Ng di mle
soal a lebo er ngi  a sechelil me ldak el milil e le ng kmal mle seselk
a rengul el di ngi  el tang.
 
Me ng ulemekedo er a debar el dilengchokl er a blil a sib el kmo,
"Mei me doilil."
 
 21 

"Komeng, komeng e kau, e ng kmal diak lsebechek," ng ulenger a
debar. "Ak mengeald a kleai el ngisek me lebo lsebechel el omeu.
E ak choit e ng obangl me ng mo diak a rengelekek."
 
A  Wilbur  a  dilu,  "Ak  uoi  mlo  mekngit  ku  e  ng  dimlak  kudengei  el
kmo  kemengetmokl  a  kuk  mo  bebil  er  a  remo  mesebsab  a
del omel."
 
Me a Wilbur a mocha mengedecheduch er a sib el kmo, "Ng diak
komei me doilil?"
 
A sib a ulenger, "Ng diak a rolek el leko milil el obengkem. Le kot e
ak kmal kekeriei  me  ng  diak  lesebechek  el  longeur  a  sers  el  leko
 22 
soiseb  er  a  blim,  me  a  lmuut  kung,  ng  diak  lsoak  a  rebabi .  A
rebabi  a diak a belkrir."
 
A Wilbur a dilu, "Mekera el diak a belkmam? Ng diak a charm me a
klalo me a ngi  di le ngera el diak a belkul. A rokui el tekoi a di ngar
er ngi  a belkul. Ngar er ngi  a meklou me a mekekeriei a belkul e ng
di diak a diak a belkul. E le blolak a belkul e ng diak lengar er ngi  er
tia el beluulachad."
 
"Bo  mluk.  E  di  lekau  el  ta  el  milil  e  ng  diak  lsoak  el  milil  el
obengterir a rebabi ,” aika tekingel a sib.
 
Ng  kmal  mekngtei  a  rengul  a  Wilbur  me  ng  mocha  mechiuaiu  e
orrenges  er  a  chul .  Ng  mechiuaiu  e  a  Templeton  a  merema
metengel er a kerrekar el mle ulsirs er a blil a Wilbur. Me a Wilbur a
uleker, "Templeton, mei me doilil?"
 
A Templeton a chilsngekl e kmo, "Milil? E meludeu er a isngel me
ng ouedikel a chesemel. Ngera el tekoi a milil?"
 
A Wilbur a kmo, "Ng belkul a kmo, kede remurt, e melechesokl, e
kausekool, e loldeu a rengud."
 
A Templeton a ulenger, "Ailecha aike el kot er a chetik el tekoi. Ng
bai soak el osi k a rolel a omenga, e omerebart er ngak el osi k e
melengtungel a ungil mo kelek. E le ngak a di chad er a blengur e
diak kchad er a omilil me a klekoel. Me ngak e tia el me menga a
klungiolel  a  kelem  e  le  ng  diak  a  btelum  el  di  ma  kmang."  A
Templeton a di miltengel e chibiokl el mo dibus. Ng siliseb er a ta
er  a  belsibs  el  rolel  el  mo  tmoech  er  a  le  ngar  er  ngi   a  ongolel  a
Wilbur.
 
Ngika el Templeton a mle cheblad e meduch el medideuekl. Me ng
riruul  a  rolel  el  okiu  a  chelsel  a  chutem  me  ng  di  misi   a  chimo  el
sers  el  melai  a  soal  e  diak  a  mesang.  Ng  blechoel  el  omais  a
leklebesei e bai bad a lemel omes.
 
A Wilbur a milsa a Templeton er a lechibiokl el tmuu er a belsibs el
chutem.  E  a  l uut  el  omes  e  ng  oltmedum  er  a  btelul  er  bita  er  a
 23 

ongolel a Wilbur. E dimlak lemeketeket e ng ngosecha er a ongal
me ng omengur el di menga er a chul . Me a Wilbur a omes er ngi
el  mla  mo  deblechelech  e  bai  diak  lechebur  a  Templeton  e  bai  di
ngi   el  chubur  el  di  diak  a  resechelil  me  a  diak  a  soal  el  milil  el
obengkel. Me a selengerngerel el mo uldak er a kngtil a rengul e ng
kmal mlo olengoech a bedengel me ng choiti  el mo obengkangk er
a bebul a dechil e longela el mengebechub.
 
A i eta er a sueleb e a Lurvey a mlo ouchais er a Homer el kmo, "Ng
locha smecher a Wilbur e le ng di mechechiuaiu e dirkak a lekeli  er
a kelel."
 
Me a Homer a dilung, "Bo mongilmi  er a asbring."
 
 24 
Me a Lurvey a ngilai a asbring el mocha omngim er a Wilbur. Ng 
milekengi  a ngerel a Wilbur e otuu a asbring el mo er a omerkolel. 
A Wilbur a kmal mle chetil a telemtemul aika el kar me ng uim e 
kmo, "A di leua isei a klengar er ngak e kele lak klemelemi ."
 
A lengelta a sils me a beluu le milkelkang e a Wilbur a mechiuaiu el 
diak a ngodech el rrenges, ng di roklel a okul a kerebou me a sib el 
meringet a kelel. Me ng mechiuaiu el mocha olengenganged a 
medal e rongesi  a mengemengemed el kmal el ungil el ngor el 
dirkak el ta el rengesi  el ko er a dmu el kmo, "Wilbur, ng soam a 
lebo er ngi  a sechelim? Ng meketeket er a kumes a kumngamk er 
kau er a klungiolem me ng soak el mo sechelim."
 
A Wilbur a di mileki s el mo dechor e kmo, "Ali , ke techang?" Ng 
merirekrik e losi k er a mil ekoi e kmo, "Ke ngar er ker el diak 
kusekau?"
 
Ngika el mil ekoi a ulenger el kmo, "Ngak e tie el ngar er a bab, me 
bo bad e molengul  e ke kmal mesaul a bedengem me a klukuk e 
bochu dekaseoes e dechadecheduch e mosekak kung."
 
 
 25 
V CHARLOTTE EL BUBUU
 
Ng mechiuaiu a Wilbur e ko er a kmal kemengeta a klebesei le ngi  
el di kea a i etel a medal el di omdasu er a ngor el rirengesi  e lmuut 
ku me ng songerengera e le ng dimlak a ta el kal  el lekeli .
 
Ng di milekekerekar e le tia el blil a charm a di blechoel el ngar er 
ngi  a meseserechakl er ngi . Me se e lemekar e ng melanges er a 
chelsel a blil e omdasu el kmo, ng locha bekord mla mo tela el klok 
e le ng di orreched el leko di lebo ltutau.
 
A l uut el mekar ngi  el Wilbur e ng rirengesi  a Templeton el 
mengard a kboub. Ng orenges er ngi  el kmal el klungang me ng 
kmo, "Ngika el Templeton ngera me ng blechoel el omais a 
leklebesei e mengard a kbekbel a blirir a rebebil er a recharm?  
Ngera me ng diak lebo leua rubdois er a recharm el mekar a 
lemel omes e chachiuaiu a leklebesei me lak lolekar e longesang er 
a remechiuaiu?"
 
A kuk el l uut el mekar e ng rirengesi  a debar el merereek e 
ongelengol . Me ng milekekokil a Wilbur el mengululau el mo er a 
debar el kmo, “Ng tela el klok?"
 
"Ng bekord locha, .locha tedobech er a sueleb er a klebesei, e kau 
ngera me ke di mekar?" ng ulenger a debar.
 
"Ng betok ak umdasu," ng dilu a Wilbur.
 
"Ei . Ngak a diak e mengesang er a uldesuek. Ak bai di mechesang 
el mengaet a ngisek." Aika lul ekoi a debar e liluut el oker, "Ke mla 
ta el mongaet a ngais?"
 
"Ng dirkak a ta el kungaet a ngais," ngulenger a Wilbur. "Ng locha 
a kmal meringel el ureor? Ng tela el klebesei el mongaet e ng omeu 
kung?"
 
A debar a ulenger, "Ng locha..cha  ta el buil. E ng di diak kdi 
kungaet el choilili  a buil. Se el lemekeald e a kutamet a merat el l el 
a kerrekar el dokedek a ngisek e ngak a mo mengesuch el telkib e 
 26 
kuk mei."
 
A Wilbur a uluuas e liluut el mo bad. Ng mechiuaiu e ombeberous 
er tia el ngor el liluut el melekoi er ngi  el kmo, "Kede mo mekur a 
klausechelei er kid er a klukuk me bo bad el lolengul  me a klukuk 
kung e dekasoes."
 
Ng dirk  tutau me ng mererenga a uchul a eanged e a Wilbur a 
meki s. A lomes e ng dirk e mesesilkolk me a blil a charm a kmal el 
kel echakl.
 
A sib me a debar a ongelngul me a uos a oudengelngil me a 
Templeton a mla remi d el kuk mo mengesuch er ngi  me ng di kea 
mengard er a kboub. A di mle ta el sebechel a Wilbur el rongesi  a 
chado el ko er a meseserechakl el mekekesebakl er a kelekolt.
 
Me ng dengchokl el mengi l er a sils el ngmasech e a lomes e ng 
cherengel a btuch el mocha diak loues me a l omes a kokil e 
lobeketeklang. Me ng liluut el omes er a chelsel a blil a charm e a 
lomes e a debar a kmal el lultuu a btelul er a eungel a osebekel me 
a sib a kmal el dirk ongel ngul.
 
A lomes me lesa el mel emesang el lesa el ungil a eanged e ng 
kmo, "Tia ikid ise el sils el bo kumes er a sechelik."
 
A Wilbur a ulsi k er a sechelil me ng mil iuekl er a chelsel a blil e 
omes er a tensio el mo lmuut er aike el betok el ko er a urrukel er a 
blil e dimlak a losang. Me ng dilechor el omdasu er a rolel e bo 
lesebechel el metik er a sechelil e ko er a mle meringel e le recharm 
a dirk chachiuaiu me ng ka el sebechel el oker a tekoi er tir. Me ng 
omdesua el kmo, ng locha a bai kirrek el di omekedong e ochotak 
el kmo ak mla meki s.
 
A Wilbur a mileki s el mo melemalt el dechor e ongol  e dula el kmo, 
"Ali , Ali . Ak ulengit er ngike el milengedecheduch er ngak er a 
kesus me lochoti ." Ng ulemes el osi k er a mo onger er ngi . A 
lomes e a recharm a mekisa e olengeng e mengisngul  er ngi . Ng 
kmal mlo chebechobel a Wilbur e ng di dirk  kmal soal el osi k er a 
sechelil.
 27 
 
Ng liluut el mil ekoi a Wilbur el kmo, "Ali , Ali . Ak lmuut el omelekl er 
a ongtik. Ak ulengit me ngike el milengedecheduch er ngak er a 
kesus lochoti  a lemera el mo sechelik."
 
A resib a  oumisk e kmal el ngosecha a rengrir me te lmuut el 
ongengi  e oisngel i .
 
A delrir a resib a dula er a Wilbur el kmo, "Lak mo ngebelung. E a 
sechelim a ledirk lemechiuaiu e mokisi  e ng bai uchul e ng medort 
a klausechelei er kemiu."
 
A Wilbur a mocha mekekokil el melekoi er a recharm el kmo, 
"Kulengit me mousubes e ng dimlak e ledu a renguk el olekar er 
kemiu."
 
Ng mocha ultuir er a bebul a dechil el kmal kmeed er a chesimer e 
diak lodengei el kmo a sechelil a dirk mechiuaiu er a kmal kmeed er 
ngi .
 
Ng ultuir a Wilbur e ng dumia a Lurvey el me melecha a kelel. Me 
ng meki s el mo er a ongolel me ng kma a kelel el rokui e le ng kmal 
mle songerenger. E a lebo lemerek el omengur e ng chilsngekl, 
ngike el milengedecheduch er ngak er a kesus me e lochoti ." Ng 
ulemes el osi k er a mo onger er ngi . A lomes e a recharm a mekisa 
e olengeng e mengisngul  er ngi . Ng kmal mlo chebechobel a 
Wilbur e ng di dirk ke kmal soal el osi k er a sechelil.
 
Ng liluut el mil ekoi a Wilbur el kmo, "Ali , Ali . Ak lmuut el omelekl er  
a ongtik. Ak ulengit me ngike el milengedecheduch er ngak er a 
kesus lochoti  a lemera el mo sechelik."
 
A resib a  oumisk e kmal ngosecha a rengrir me te lmuut el 
ongengi  e oisngel i .
 
A delrir a resib a dula er a Wilbur el kmo, "Lak mo ngebelung. E a 
sechelim a ledirk lemechiuaiu e mokisi  e ng bai uchul e ng medort 
a klausechelei er kemiu."
 
 28 
A Wilbur a mocha mekekokil el melekoi er a recharm el kmo, "Ak 
ulengit me mousubes e ng dimlak e ledu a renguk el olekar er 
kemiu."
 
Ng mocha ultuir er a bebul a dechil el kmal el kmeed er a chesimer 
e diak lodengei el kmo a sechelil a dirk mechiuaiu er a kmal kmeed 
er ngi .
 
Ng ultuil a Wilbur e ng dumia a Lurvey el me melecha a kelel. Me 
ng meki s el mo er a ongolel me ng kma a kelel el rokui e le ng kmal 
mle songerenger. E a lebo lemerek el omengur e ng rirengesi  a 
kekerei e ngor el omekedong er ngi  e a lomes el mo er a bab e ng 
mesa bubuu el ngar er a blil el omes el me er a eou el omes er ngi . 
Ngika el sechelil el bubuu el kekeriei el di ua klungel a kekerie el 
redechel a detimel. E kleai a chochil el lolab el omiroi er a Wilbur e 
kmo, "Ke mla mesekak?" Ng uleker a bubuu.
 
"Choi choi, cho choi," Ng ulenger a Wilbur. "Ungil el tutau el 
oubereberingel. Ke uangerang? E ngak a kmal dmeu a renguk el 
mengedecheduch e omes er kau. Ak omekedo er kau el kmo 
ngerang? Ng techa a ngklem?"
 29 

 
Me a bubuu a dula el kmo, "A ngklek a Charlotte."
 
"Charlotte techang? Ng techa ngklel a demam?" ng uleker a 
Wilbur.
 
"Ng Charlotte A. Cavatica. E ng di ke di omekedo er ngak el kmo, 
Charlotte."
 
"Kau a kmal kot er a reklebokel," a Wilbur a dilung.
 
Me a Charlotte a ulenger, "Ng diak kkot. Ak di klebokel el diak 
lobart a klungiolek. Kemam a rebubuu a blechoel el di mechel  e 
 30 
lolab a klungiolam. Me ngak a diak kkot el ua rebek el bubuu e ng 
di sebechek el mo ua itir." A Charlotte a milengedecheduch e 
omkikrirech el mo bedul a Wilbur e kmo, "Ulekum me ng biusech a 
medak me ng sebechek el mo ungil el mesekau."
 
"E ng diak mungil el mesekak? Ngak e tia el kmal di ngar er a 
eungem," ng mil ekoi a Wilbur.
 
"Cho choi e Wilbur. Ak medengei el kmo ke di kmeed e ng di ngak 
a di ungil osengek er a kmeed e diak kungil el mesa a cheroid. Ng 
di ungil er a bebil er a tekoi e kuk mekngit er a bebil." Ng melekoi e 
ngi  a suebek a iaes el mo bedul a blil me ng kmo, "Mosekak e 
kukedi  e klecheti  ngika el iaes."
 
Ngika a chimo er a iaes el milengetab er a ongolel a Wilbur e 
silebek el obuked er a blil a Charlotte me ng melubet a osebekel e 
diak lemengubet e le tia el blil a bubuu a mudeuuid.
 
A Charlotte a dilu, "Mosekak e kurekedi  e klecheti ." Me ng 
urrekedi  e mocha oltobed a ko er a rekodol  er a btil e ng mai el 
rongedi  ngika el iaes. Me a Wilbur a omes e kmal mechese a 
rengul er a Charlotte e ubra ngika el iaes.
 31 

 
Ng mlo merek a Charlotte e kmo, "Elecha el bla lemelechet e ng 
sebechek el mo er aike el soak er ngi , e mengchi . Mosang el di 
kea lesebechel el suebek me ng medechel el e ng mo blengur er 
ngak er a chelecha el tutau."
 
A Wilbur a kmal mlo mechas a rengul me ng uleker el kmo, "Ke 
kmo ng mo kelem? E lekau ke menga a iaes?"
 
"E a dang. Ak menga a iaes, chebud, rekas, kerekard, bechars me 
aike el mekekeriei el charm el me obuked er a blik. A lak kunga aika 
e ng diak a rolel e kchad," aika a mle nger a Charlotte.
 
"Ke mera el melekoi e Charlotte? Ng ungil a telemtemul?" ng liluut 
el oker a Wilbur. 
 
"Cho choi, ng kmal ungil a telemtemul. E ng di ngak a diak kmera 
el menga aika el charm. Ak di melim a resechir e le ng kmal el 
 32 
ungil," ng mil ekoi a Charlotte el kmal olengongaok a ngerel.
 
Me a Wilbur a ko er a ulengol  e mengemim a medal e kmo, 
"Charlotte, ak ulengit me lak mongedecheduch el ua isei. E ng kmal 
diak lungil a dolim a rasech."
 
"Ngera me ng diak kuuchais a klemerang? Aika mera el kuruul me 
ng diak lkirek el lomart. E lmuut ku me ng diak lengi  a kot el soak 
el tekoi er a beluulechad e ng di tia ia a teletelel a klechad er ngak. 
Me a rebek el bubuu a di omuked a kelir me ng diak lsebechek el 
mo ngodech e le delak me a delal a delak me a rechedemam a 
milruul aika er a lekiei me ng ko er a mla mo siukang er kemam er a 
klechad." 
 
"Ng betok a dengai er a rulemechel  er kid el ngar er ngi  a ungil me 
a mekngit er ngi . Me tia el omelim el rasech er kau a chimo er aike 
el diak lungil," aika a tekingel a Wilbur. 
 
"Ng merang. Ng kmal mera aika el molekoi e Wilbur," ng ulenger a 
Charlotte e kmo, "ng di diak a kudengeli  a ngodech el rolel e bo 
kngodech er a rechedak. Me a diak kudengei el kmo, a remle 
uchelam te milekera e mdesui  omengaus el uuked el omuked a 
kelir e ng di se el domdasu e te bai locha kmal mle mel omes el 
mdasu a ua aika el tekoi." 
 
A Wilbur a dimlak el soal el outekangel e melekoi a mekngit el kirel 
a Charlotte e ng di kmal mle chetil a omelim el rasech me ng liluut 
el kmo, "ng di omerel iu e Charlotte a kmal el rasech e beab e 
chebirukel er a klechad." 
 
Me a Charlotte a dulang, "ng diak lsebechem el melekoi er kemam 
el ua sei a ngerem. E le kau a di kiei e okelal  e kemam a diak a 
omeka er kemam me ng kiram el omdasu a rolel e ng mo 
sebecham el omengur e melelmolem a klengar er kemam. Me a lak 
kimomuked a mekekeriei el charm el mengang e ng diak a ngodech
el rolam e kiblengur. E lmuut e ku, ka di bo momdasu el kmo 
chomko ng mlo diak kimomuked a iaes me aika el mekekeriei el 
charm e te ultebechel el mla tomel i  a klengar er a beluulechad." 
 
 33 
"Ng merang?" ng uleker a Wilbur e dula el kmo, "ng mera el klou a 
belkmiu e le choblo lak chomchad e ng locha diak lungil a klechad 
el ua chelechang." 
 
A debar a kelteketel el dengchokl e orrenges a cheldechedechal a 
Wilbur me a Charlotte me ng ongol  e kmo, "A Wilbur a kmal 
ngesonges er a rolel a klechad e le ng kmal dirk kekeriei me ng 
betok a diak lodengei. Ng diak lodengei el kmo a Homer me a 
Lurvey a chomdasu a mo omekoad er ngi  el mo odoim er a 
Krismas." Me ng melekoi a debar e mo olsesei er a chimo er a 
ngisel el mo er a eungel a delel me lesebechel el mo mekekeald. 
 
A Charlotte a dechor er a bebul a iaes el mochu menga er ngi  e a 
Wilbur a mo mechiuaiu e mutek a medal e le ng medal er a klebesei 
el mo uldak er a klungiolel a rengul el mla metik er a sechelil. Ng 
mechiuaiu e omdasu, "ng ungil e le ak mla metik er a sechelik e ng 
di ak locha mo mekera e le ng kmal soak a Charlotte er a rokui el 
tekoi e ng di se el melim a rasech er ngi  a kmal  chetik." 
 
A Wilbur a milengard er a ringel el kirel a uldesuel el soal a sechelil 
e ko er a mle medakt e chetil a bebil er a teletelel. E ng di 
klemengetel a klausechelei er tir e ng di ngi  el mo metik el kmo a 
rokui el mekngit el ulemdasu el kirel a Charlotte a kmal mle 
cheleuid. E le Charlotte a kmal  bliochel el ungil a rengul me a 
omerel el a mo odeuil a rengul a Wilbur er a klemengetel a klengar 
er ngi .
 34 

 
 
 35 
VI ULENGULL ER A SKUUL
 
Se el uchelel a ongelolem el buil el temel a ulengul  er a skuul e a
bung me a kerrekar a di mo omung me ng di mo bechochod a bau
el liuekli  a beluu. A chelakngikl a mo katotaod el melenges a bngal
a kerrekar. A beluu a mo meseked e le rengalek a me olengul  me
te oketa mo er a sers me a remo er a chei. A leblo lungil a chung er
tir  me  lekereel  a  ngikel  e  ng  kuk  mlo  sebechel  el  mo  odimel  a
belsilir a lekebesengei.
 
Chelecha el ulengul  er a skuul e a Fern a mo klou a temel me ng
mo  bek  el  sils  el  loldingel  er  a  Wilbur.  Me  se  el  lebo  e  ng  di
dengchokl el ka longedecheduch e di omes er a Wilbur. A recharm
a dirrek el kmal mla mo smau er a Fern me te mei me te chachiuaiu
er a bita er a chochil.
 
Ng  locha  bekord  el  uchelel  a  ongeuid  el  buil  e  ng  temel
omelemotem el bokso. Me a Homer a otobed a cheremel el uos el
mo oltamet er a mesil er a omelemotem. Aika el uos a oltamet er a
mesil e a Homer a omesiur e ng melemotem a bokso. Tia a klou el
sers me ng klou el bokso a ngeiuul er ngi  me ng sebechel el ta el
sils  el  di  longelkal   a  mesil.  A  blil  a  charm  a  di  mo  bleketakl  e  le
bokso a di me er a eou. A bo le merek a omelemotem e te bek el
chad a mo olengakt a bokso el me mengudel er a chelsel a blil a
charm.  A  Avery  me  a  Fern  a  kmal  mle  sorir  tia  el  ureor.  Te
ulengeseu  er  a  Homer  el  olengakt  a  bokso.  Te  ngmasech  aika  el
bebul a bokso el ngar er a riakang el doraib el mo er a blil a charm.
Tia el blil a charm se el lokeki  er aika el bokso e ng kmal di ngi  me
a lebetok el otermodel el selumech. Tia a kmal mlo ungil el oililaol
er a rengalek el kaiberebart er a delongelel.
 
Tia a locha temel a sim me a dbechel a del omel a ungil me ng di
omngei me a rua ngais a di ulemeu. Ng tia ikid el osisiu el taem e
ng ulemeu a ngisel a debar.
 
Tia el sils el lomeu a ngisel a debar e a Fern a mle dengchokl er a
blil  a  charm.  Me  a  recharm  a  oketa  kedengdengchokl  me  a
rechachiuaiu  e  diak  lodengei  el  kmo  ngomenga  a  ngisel  a  debar.
Ng locha dita el Charlotte a mle mereched el mo medengei e le ng
 36 
ngar er a bab me ng sebechel el ungil el mesa a debar. A debar a
di mle ua cheli  e ng mo medengei el kmo ngomengu a ngisel. Me
ng dengchokl el ka longerodech e le ng di mengi l ku ngelekel se el
lomenga ngais.
 
Tia  er  a  lobeu  a  kot  el  ngais  el  tobed  a  ngelekel  a  debar  e  a
Charlotte a mle kot el mesa me ng uluchais er a recharm.
 
Ng dilu, "ak medengei el kmo kede locha rokui el kmal mo dmeu a
rengud er a rengelekel a debar el omengang. Me tia dirrek el kmal
el  klou  el  chetengakl  el  mo  er  a  sechelid  er  a  debar  el  kmal  mle
meduch a rengul el mengaet a ngisel er aika el mla memo el Sandei
mechelecha  e  ng  mocha  sebechel  el  olecholt  er  a  rengelekel.  Me
ng soak el nguu tia el techal  el ochoti  a deuil a rengud el bek el
charm el kirel a klungiolel a urrerel a sechelid er a debar!"
 
Me a debar a meki s el mo dechor el diak leko er a merur e osus el
mo er a rebek el charm e kmo, "Kom kmal mesaul."
 
"Ke  dirrek  el  kmal  mesaul,"  ng  dilu  a  ta  er  a  klou  el  mechas  el
debar.
 
"Tia a kmal kot el ureor el bla mreli ," ng mil ekoi a Wilbur e oker,
"Ak ko er a di mesa a chimong, ng tela a mla omeu?"
 
Ng ulenger a debar, "Te teuid."
 
"Ng  mera  el  kot.  Ke  ungil  a  chung  er  a  kau  el  mo  oungalek  er  a
teuid el ungil el ochur," ng mil ekoi a Charlotte.
 
"Ng diak lechung a uchul e blo leteuid a rengelekek. Ng dechal a
renguk  me  a  urelek  a  mle  uchul,"  ng  mil ekoi  a  debar  el  ko  er  a
ousesima er ngi .
 
Ng milengedecheduch a debar e a Templeton a oltmedum er a 
btelul er a bita er a ongolel a Wilbur. Ng olechemeraech el mo er a 
Fern e merael el ombebereked er ngi  er a kboub el mo bedul tia el 
lengar er ngi  a debar. A recharm a omes er ngi  e kmal bekikl a 
letemel i  a ta er a ngelekel a debar. Ng dimlak a ta er tirka el charm 
 37 
el oumera er a Templeton me a lechub el sorir ngi .
 
A Templeton a uleker, "Ke ko er a kmo te teuid a rengelekem e ng 
di a ngisem a mle kleai. Ng milkesakl se el chimong? Ng ngera me 
ng dimlak lomeu?" 
 
"Ng locha ulebangl, " ng ulenger a debar. 
 
"Me ke mo mekera er ngi  er a chelechang?" ng uleker a Templeton 
e olengeng er a debar el mengi l er a nger er ngi . 
 
"Ng sebechem el nguu me ng kloklem," ng ulenger a debar. Ng 
ululterau er tia el ngais er a Templeton e le ngika el Templeton a 
kmal urrelel el mengurs a besbas el mo er a chelsel a blil.
 
A ta er a klou el mechas el debar a ulerrenges me ng kmo, "Choi. 
Ng kmal ungil me mnguu me lengisem. Me ak di omeklatk er kau e 
Templeton er a di ta el tekoi el kmo - al sekum me ke ko er a mo 
kmeed er aika el ngelekel a debar e ke metechotech el kmal mo 
meringel el kuk meringel er se el kot el ringel el bla mcheremi  er a 
klengar er kau." Ng mil ekoi a ta er aika el meklou el mechas el 
debar e merk a osebekel el olab el meruoru el ko er a olecholt er a 
klisichel. 
 
Ngika a mera el mle bekeu e mesisi ch el charm e ng di tia diak 
lengi  a uchul me lul echolt er a klisichel. Ng ulecholt er a klisichel e 
loba el orouk er a Templeton me lak lebo lekeed e longesang aika 
el ngelekel a debar e le te mle bekikl a lemetemal . A rua beab a 
diak a klechubechub er tir me a diak lodengei a ungil el omeruul. 
Me a lebechei me bo lekeed er a rengelekel a debar e ng 
ultebechel el tomel eterir. Aika el teletelir a rebeab a di bla lodengei 
a redebar me aika el charm.
 
A debar a mlo chebecheb e odbechi  tia el ulebangl er ngais el mo 
bedul a Templeton. Me a recharm a ulemes e kmal mederedirk a 
rengrir er a Templeton a lesa el kmal ungia a rengul me lolitai er tia 
el ngais el merolang. Mo lmuut er a Wilbur el di menga a ngi  di 
lengera me ng kmal mlo mechas a rengul er a Templeton me ng 
kmo, "Ng dirkak kues er a klengar er ngak a charm el soal a mla 
 38 
obangl el ngais."
 
A Charlotte a dirrouakl e kmo, "A beab a kuk beab. E kau e 
merrengei a diak modengei el kmo ng lmuut er ngar er ngi  a kuk 
mekngit er tiang. Se el ngais chokmo ng obeu e tia el blai a mo 
diak ldengchekil ."
 
"Ngera a belkul a tekoi el mo diak ldengchekil ?" ng uleker a 
Wilbur.
 
"Ng belkul a kmo, ng mo diak a sebechel e soal el kiei er tiang e le 
bul a bediu el ngais a diak lemekard. Kede kmo, ng dub e le ng di 
mekodeterir a rechad me a recharm er a klisichel a mekngit el bul."
 
"Tia a diak kbo kumeu er ngi  el ngai. E lmuut kung me ngak a kmal 
meketeket el meruul aika el mengkeketmokl a rua ngais me a betok 
el besbas me a kmal meduch er ngi ," aika lulekoi a Templeton.
 
Ng mil ekoi a Templeton e mekekokil el oldubech er tia el ngais el 
mo er a blil el ngar er a eungel a ongolel a Wilbur.
 
 39 

 
Tia el di osisiu el sils el sa el mlo kel echakl a sers e a debar a 
chiltakl a kleuid el ngelekel el mo tuobed er a lukel e omais el melai 
a beches el cheluut. Te omais e a Homer a mocha melecha a kelel 
a Wilbur e mesterir. Me ng mocha dechor e omechur ngi  el 
ngelekel a debar e kmo, "Te kmal klebokel e ungil el di mlo chad el 
rokui e di mle chimong a ulebangl."
 
 
 40 
VII MEKNGIT EL CHAIS
 
A klemengetel a taem el lekausechelei a Wilbur me a Charlotte e a 
Wilbur a mlo ungil el medengei el kmo a omengelel a Charlotte er a 
mekekeriei el charm el ua rua iaes me a bechars me a betok el 
bedengel a charm a kmal klou a belkul e ungil el tekoi. E le ng diak 
a di ta er a charm er a sers el mle soal a iaes. A uos me a kerebou 
me a rokui el charm a kmal mle checherd a rengrir er aika el iaes. 
Mo lmuut er a rua Homer me te mil echa a chami er a blirir le ng 
kmal mle cheterir a iaes a letuu er a blirir.
 
A Wilbur a kmal el di chilat a omerel el a Charlotte er a rokui el 
tekoi. Ng kmal mle soal a teletelel a Charlotte el ma mekoad a iaes 
me a ngi  di le mekekeriei el charm me bo lechelel akl er a uchei er 
a longa er tir.
 
A Wilbur a dilung, "Charlotte, ke kmal ungil er a omerel em el ma 
mekoad a charm er a uchei er a omongang."
 
"E adang! Ng diak lsoak el omekcharm a charm. Ak remus me te 
mad me ng diak lomelechesiu a ringel se el kbo kungang," ng 
mil ekoi a Charlotte el kmal lolengongaok a ngerel.
 
A Wilbur a mocha omeka klebesei me ng bek el klebesei el domes 
er ngi  e a klungel a di merael. A rua a Homer a omeka er ngi  el 
edei er a ta el sils me ng di mechechiuaiu kung er a berraod. A ta er 
a klebesei e a Fern a mle oldingel me ng dengchokl er a kekeriei el 
kingal e omes er a ta er a kiklou el sib el milrael el mechengelakl er 
a blil a Wilbur e mengedecheduch er a Wilbur.
 
"Ali , ke ua ngarang?" ng mil ekoi a sib. "Ke ko er a kmal 
kedelebungang e oberedang."
 
"Ng merang. Ak mera el loberedang er a keldelebungek," ng 
ulenger a Wilbur e kmo, "Ak mla mo er a rak el di lorael ku 
klungek."
 
"Kerdi kaisisiu el dorael el mo meklou e kede obereod e 
mekedelebuu," ng mil ekoi a sib. Ng liluut el kmo, "Ke medengei el 
 41 
kmo ngera uchul me te omeka er kau e mengedelebuu er kau?"
 
"Ng diak," ng ulenger a Wilbur.
 
"Ng ko er a chetik el outulechoid e ouchais a mekngit el chais e ng 
di uchul me te omeka er kau e mengedelebuu er kau, tir el sorir el 
mo omekoad er kau," ng dilu a sib.
 
"Te mo mekerang?" ng uleldiu a Wilbur e okelekel. A Fern a 
dengchokl el kmal  mla mo merech er ngi  el chetil aika el tekingel a 
sib.
 
"Te mo omekoad er kau. E meruul a lekem el mo mangtekang me a 
techem a mo odoim," ng mil ekoi a sib. Ng liluut el kmo, "A rebek el 
babi  el mla mo ungil el odoim a leblechoel el omekoad se el lebo 
lemekelekolt a beluu. Me a rechad er tia el sers a mla mo katekoi er 
a kodel em el mo odoim er a Krismas."
 
"A John el demal a Fern me ng ta er a remo omekoad er ngak?" ng 
lilangel e oker a Wilbur.
 
"E adang. Se el lomekoad a babi  e a rebetok el chad a me 
olengeseu. Ng kmal meketeketa el kekiei me ak blechoel el omes 
er tir se el loureor. A John a blechoel el loba a bosel el skobetang el 
mei el me omoes  "
 
"Ng mereko e lak molekoi," ng uleldiu a Wilbur e lmangel el kmal el 
mlo klou a lengelel e kmo, "Ng kmal chetik el mad! Ng techa a 
mochu sobecheklak e losebelak e a kmal chebuul!" A Fern a 
milrech er ngi  el leko mekisung e rongesi  a ngor el mil ekoi.
 
"Bo mluk e Wilbur!" ng mil ekoi a Charlotte el meketeketa el 
dengchokl e orrenges er a Wilbur me a sib el chadecheduch.
 
"Ng diak lsebechek el mo lmuk," ng lilangel e oldiu a Wilbur el 
ngmasech e metengel er a chelsel a blil. Ng liluut el kmo, "Ng kmal 
chetik el mo okodal  me a diak lsoak el mad. Charlotte, aike el 
lolekoi a sib ng mera el tekoi? Te mera el mo omekoad er ngak se 
lebo lekeed a Krismas?"
 42 

 
A Charlotte a milengedecheduch, "A domes e ng teletelel a mera el 
tekoi. E le sib a meketeketa el ngar er tia me ng mla mes a betok el 
babi  el mla mei e oketa mo okodal  e le Krismas me ng ultebechel 
el mera el tekoi a lolekoi. Ak di kmal  oucharm er a sib el ouchais a 
diak lungil el chais el diak a resorir el orrenges me a lechub e te 
omdasu."
A Wilbur a liluut el kmal el mlo klou a lengelel el lelmangel el 
mengebuchub e kmo, "Ng kmal chetik el mad e le ng soak el kiei er 
tia el blik el teloi er a resechelik e outeli l aika el ungil el eolt e 
omekngi s er a sils."
 
"Wilbur, ng ko er a oltobed a chur a lengelem me a teletelem," ng 
 43 
dilu a sib.
 
A Wilbur a kmal di kea lemedebes a lengelel. Ng lmangel el 
metilech er a chutem me ng mengad er ngi  e kmo, "Eang kmal el 
chetik el mad!"
 
"Ng diak chobo mad," a Charlotte a mil ekoi.
 
"Ngera ke dilung? Ng merang?" ng lilangel a Wilbur e oker, "Ng 
techa a mo osobelak?"
 
"Ng ngak," ng ulenger a Charlotte.
 
"Ke mo mekera e osebelak?" ng uleker a Wilbur.
 
A Charlotte a ulenger, "Ng diak kudengei el kmo ak mekera a 
kulsobel er kau e ng di sebechek el mo mdesui  a ungil el rolel er a 
uriul. Mereko e bo mluk e lak mko er a oungalek er kau. Ng diak 
lsoak el orrenges a langel me a ko er a klebelung el omeruul."
 
 
 44 
VIII TEKOI ER A BLAI
 
Ng tutau er a Sandei me a rechad er a blil a Fern a kldibel er a uum 
el omengur. E a Avery a di mla mo merek me ng mlo er a 
delemerab er ngi  me ng mengitituuk er a bosel e a John el demal a 
Fern me a Fern me a delal a dirk dengchokl el omengur.
 
"Ko medengei el kmo a cheremel a Homer el debar a mla omeu?" 
ng uleker a Fern.
 
"Me ng tela a ngelekel?" ng uleker a demal.
 
"Ng kleuid," ng ulenger a Fern e ouchais. "Ng mle kleai a ngisel e a 
chimo a ulebangl me a debar a ngiluu el oterur er a Templeton le 
ng mla mo diak a belkul er ngi . Me a Templeton a ngiluu ngi  el 
ngais el mo er a blil."
 
"Ng milekera a debar?" Ng uleker a delal a Fern e olengeng er a 
ngelekel el kmal meklou a medal e mechesei a rengul er ngi .
 
"A debar a dilu er a Templeton el kmo mnguu me lengisem e ng 
diak a belkul er ngak," ng ulemelekl a Fern.
 
"Ng techa a Templeton?" ng uleker a delal.
 
"Ng beab," ng ulenger a Fern. "Ng diak a di ta er kemam el soal 
ngi ."
 
"Rungalek, ng techa a kemam? Ng kemiu el rua techang?" ng 
uleker a delal.
 
"Ak melekoi er kemam el rokui el ngar er a blil a cheremel a Homer. 
A Wilbur me a rua sib me a kerebou me a uos me a rua debar me a 
demerir me a rengelekir me a Charlotte me ngak."
 
"Charlotte?" ng uleker a delal er a Fern el kmo, "Ng techa a 
Charlotte?"
 
"Ng sechelil a Wilbur el kmal mel omes a rengul e meduch er a rolel 
 45 
a betok el tekoi."
 
"Ng ua techa el redil a Charlotte? Ng ua ngera a teletelel?" ng 
uleker a delal.
 
"Ng ko er a . . . ," ng dirk ulemdasu a Fern e dula el kmo, "ng kleai 
a ochil. Ak umdasu e a rokui el bubuu a di dersekleai a ocherir."
 
"E a Charlotte ng bubuu?" ng uleker a delal.
 
"Chochoi, ng ko er a bedengel a chebechab e kiei er a blil el 
chelaus el uuked el ngar er a bita er a chesimer er a blil a Wilbur. 
Ng ousbech er a blil el uuked el lomuked a iaes e melim a resechel 
me a Wilbur a di kiei el di chemat er ngi ."
 
"Aika ng mera el chais e rungalek?" ng uleker a delal el ko er a 
mechas a rengul er a ngelekel e kmal mla mo bekikl er ngi  el ko er 
a teletelel a kebelngong el mesaod a tekingel a charm.
 
"Chochoi.  A Wilbur a kmal soal a Charlotte." Ng mil ekoi a Fern e 
oker, "Ke medenge el kmo ng ngera ng dilu a Charlotte er a lomeu 
a ngisel a debar?"
 
"Ng kmal diak a dita el klemedengei er ngak er a tekingel a 
Charlotte.  Ka mouchais,” ng mil ekoi a delal.
 
"Se er a lekot el omeu a chimo er a ngais me be ltoech a btelul a 
ngelekel a debar e ngak a dilengchokl er a blil a charm me a 
Charlotte a klebikl er a blil e milengedecheduch er a rebek el charm 
el kmo, "Ak medengei el kmo kede rokui el kmal mo dmeu a 
rengud a bo deues a ngelekel a debar el kmal lemeketeketa a delrir 
el mengaet er aika mla memo el Sandei. Me chelecha e ng mocha 
temel el omeu me kede mo omes a klungiolel me a ungial a urrelel 
ngika el ta er a resechelid." A chomodasu aika el cheldechedechal 
a Charlotte e ng diak lungil?"
 
"Chochoi e rungalek. Ng kmal lungil el kot el cheldecheduch." ng 
ulenger a delal e kmo, "Fern, Ak umdasu e ng mla mo temiu el mo 
er a omesuub er a Ikelesia me msbedi  a Avery e bo mongetmokl er 
 46 
kau. E a telia el sils e ng kmal soak omluut el ouchais a chisir a 
recharm er a blil a Homer. Ke ko er a di kiei ku er a blil a cheremel a 
Homer me ke mochu lobes er a mera el blim. A da chomomdasu e 
ng diak  lsa el betok a temem el mchoit er sei?"
 
"Ng kmal soak el ngar er sei e chedei. " ng ulenger a Fern e suldi  a 
ngerel e remurt el mo er a delemerab er ngi  el mo mengetmokl er 
ngi . Ng merael e a delal a mocha mengelulau er a bechil.
 
"Ak kmal bekikl er a Fern. Ke rirengesi  er a losaod er a recharm el 
leko te chadecheduch?"
 
Me a bechil a ongol  e kmo, "E a lta te mle chadecheduch. A lebebil 
er a taem e kede dirrek el omdasu el kmo a recharm a locha dirrek 
el chadecheduch. Lak kobekikl er ngi . A rengalek a meduch el di tir 
el mes e mdasu a lekong kuk bebil er a klechad. Te blechoel el 
remenges e mdasu a betok el tekoi."
 
"Ak medengei a chomolekoi e ng di ngak a kmal suebek a renguk 
er a Fern. Ak locha bai mo mesa a Dorian el toktang el kirel tia el 
teletelel a Fern. Ak medengei el kmo a Dorian a kmal soal a Fern 
me ng sebechel el ngosukid el mesa a ungil el rolel e ng diak leko 
er a ngodech a omerel el a Fern. Le kede rokui el medengei el kmo 
ng diak a recharm el mengedecheduch. Tia a rul ak me ak kmal mo 
suebek a renguk er a Fern."
 
A John el demal a Fern a ko er a milengemim a medal e kmo, "A lta 
e ng bai kid a mekngit a dingad me ng diak derengesterir a 
recharm a lechadecheduch e a Fern a bai diak lekelsakl e bai kuk 
ungil a dingal el rongesterir a recharm a lechadecheduch."
 
 
 47 
IX KLIMELENGEL A WILBUR
 
A blil a bubuu a kmal mesisi ch e ng di bek el sils e lolabek e le se 
lobuked a charm er ngi  e te kmal mesisi ch el melubet er tir me 
tetmat a derstelkib er ngi . A Charlotte a blechoel el kerkikl el 
melabek er a bil  se el lemechunga a sils e le ng chetil a lsal el mo 
meklou a selodel er ngi  e le ng mo diak leuked a kelel. A Fern a 
mlo medengeli  se el taem el lolabek er a bil  a Charlotte me ng 
blechoel el mo oldingel er a osisiu el taem me ng omes er a 
Charlotte a loureor. Me a ta er a ieta a sueleb me lemechunga a sils 
e ng mlo me ng dengchokl e orrenges er a Wilbur me a Charlotte a 
lechadecheduch.
 
"Kau a kmal bsebsuchel a ochim e Charlotte," ng mil ekoi a Wilbur 
el mo er a Charlotte er a lsal mechesa a Charlotte el melabek er a 
bil .
 
"Ailei el ochik a bsebsuchel e le ng betok el ureor a loruul," ng 
mil ekoi a Charlotte. "E lmuut ku a di chimo er a ochik a ngar er ngi  
a lmuut el kleuid el ko er a rechelel el meruul a kakerous el ureor. 
Ng ngar er ngi  a orreked me a mengaus me a omi r me a 
omereked me a omuid me a melibuk me a oltamet.
 
A Wilbur a ultuir e omes el mo er a Charlotte el ngar er a bab e 
kmo, "Lak moungelakel."
 
"Mekera el oungelakel. Ng diak kuungelakel", ng dilu a Charlotte.
 
"Ka mluut el melekoi aikei el ngakl e ng dimlak bo kudengei er se er 
a omkot el melekoi." Aika tekingel a Wilbur.
 
"Orreked me a mengaus me a omi r me a omereked me a omuid 
me a melibuk me a oltamet," ng ulemelekl a Charlotte.
 
"A chedileang!", ng mil ekoi a Wilbur e omes a ochil e kmo, "ngak a 
diak lekleuid a cheldngelel a ochik."
 
"Ualekoi e merrengei," ng dilu a Charlotte. "Kau me ngak a kmal 
kakerous a klechad er kid. Kau a diak mongaus er a blim e ng di 
 48 
ngak a cheuikl a blik me ng kmal kirek el ouach a betok."
 
"Ng locha sebechek el mengaus a blil a bubuu a kulasem," ng 
mil ekoi a Wilbur. "Ng di kmal dirkak el ta me kungaus."
 
"Ng diak mesemau e dosekau," ng mil ekoi a Charlotte. Me a Fern 
a dengchokl el melim a cheklul e ko er a mad el klidmechur el sokol 
el omes er a Wilbur me a teletelel.
 
A Wilbur a kilengei el mo melasem el mengaus me ng dilu, "Ka 
mchambai er ngak e kulasem el mengaus. Ng locha omosiroi el 
ureor. Ak mekera a kumuchel?"
 
"Motungi  a telim e msisichau el outeli l," ng mil ekoi a Charlotte e 
mengim er a cheril. "E bo mngasech er a kedidai el mo er se el kot 
el sebechem el ngimekli . Ka momes er ngak." Ng mil emiakl a 
Charlotte el mo er a bebul a chesimer me a Wilbur a milsuub er ngi  
me ng rirurt el ngmasech er a bebul a dechil a kerebou.
 
"Tia ikid!" ng dilu a Charlotte. "Elecha e ke dmeu a ochim me ng 
melecherakl er a ekil e ke suchesokl el mo merael er a bab e choiti  
ekil se lebochu er a eou!"
 
A Wilbur a dechor el ko er a omai er a rengul el telkib e mocha 
suchesokl. Ng ridekekl el mo er a bab e chilsengkl el omes er a ul el 
el kmo ng chiltekli  a ekil e a lechisngekl e ng diak lesa ekil. Ng 
dimlak lemeketeket e ng kesbedechakl er a chutem el kmal mle 
klou a kesebeklel me ng oldiu el oungeech.'
 
A Charlotte a kmal mlad er a deroakl. Ng di ulecherechur me a blil a 
di mocha meririau.
 
"Ak mil ekera me ng mlo mekngit?" ng mileki s a Wilbur er a 
chutem er a lemesisicha e oker.
 
"Ng dimlak lemekngit. Ak umdasu e ng kmal mle ungil e ng di ng 
dirk ketengem me a uchul me ng dimlak lsal mo ungil," ng mil ekoi 
a Charlotte.
 
 49 

"Ng soak el lmuut el mo esemak. E ng locha bai ungil a kuusbech 
er a telkib er a kerreel el ko er a orreked er ngak," a Wilbur a dilung.
 
Ng milrael a Wilbur el mo er a bita er a ongolel e dilu el kmo, 
"Templeton, ali  ke ngar er a blim?" A Templeton a me ultom er a 
eungel a ongal  e omes er a Wilbur.
 
"Ng ngar er ngi  a kerrelem el sebechek el longir el mo mengaus er 
a ko er a blil a bubuu?" ng uleker a Wilbur.
 
"Chochoi, ng kmal ngar er ngi ," ng ulenger a Templeton el kmal 
chad er a omengetmokl el kerreel me a betok el klalo. "Ng diak a 
meringel. Aike el mousbech a di ngar er ngi  er ngak," ng mil ekoi a 
Templeton e metengel el mo er a blil me ng osesengi  a ngais el 
choridi  e ochudi  a kerreel e merema ngmasech e loba a 
becheleleu el kerreel el kmal idokel.
A Wilbur a nguu tia el kerreel el melebelti  e mesang. "Tia ikid a ksa 
el ousbech er ngi ,” ng mil ekoi a Wilbur. "Moutekangel e Templeton 
el nguu el locheti  er a kemrik?"
 
 50 
A Wilbur a ulelsesei el mo kmeed er a Templeton e ko er a 
modengchokl me a beab el Templeton bo lsebechel el locheti  a 
kerreel er a kemril. A Templeton a mocha melechet er tia el kerreel 
er a kemril a Wilbur me ng lilecheti  el leru a delibeklel. A Charlotte 
a dengchokl er a blil e omes el kmal dmeu a rengul le ng di ua  Fern 
el kmal soal a Wilbur le ng semeriar el mesuub e melasem a tekoi el 
diak ledi lengera e lechoit a loruul el tekoi.
 
 
 51 

 
A bocha lemerek el melechet er a kemril a Wilbur e ng ngilasech el 
mo er a bebul a dechil a kerebou me ng dechor el kmal ungil a 
rengul e  omdasu a kmo chelecha e ngak a kmal mo ungil. A 
Templeton me a Fern me a Charlotte a dengchokl e omes er ngi . 
 52 
 
"Se kid. Momes e ak mochung!" Ng dilu a Wilbur e suchesokl el mo 
merael er a bab. Me a kerreel el ulebes er ngi  me ng dimlak lecheti  
a bita er ngi  er a kuk ta er a klalo a di ulekiu ul el me ng di mlo diak 
a belkul tia e longeru e lomelsemel a Wilbur e ngi  a mengai el me 
kesbedechakl er a chutem el mecheld. Me a iuosech er a medal a 
mengerengader. A Templeton a omes er ngi  el ko er a mad el 
chubur e mekngit a rengul er a Wilbur. Me a Charlotte a di lukong el 
diak louedikel el telkib e mocha mengedecheduch.
 
"Ng kmal diak lsebechem el mengaus a blil a bubuu e Wilbur me 
ng ungil a omnguu a uldesuem er ngi  e le ng ngar er ngi  a teblo el 
klekedal  er a omengaus el diak er kau."
 
"Ng ngera me a ngerang?" Ng uleker a Wilbur el ko er a kmal mad 
el delebsochel e mekikngit a rengul.
 
"Ng  diak  a  klekedel em  er  a  omengaus  el  lmuut  ku  me  ng  diak
komeduch  er  a  rolel  a  omengaus.  E  lak  lemekngit  a  rengum  e  ng
diak  a  belkul  er  kau  a  mengaus  a  uuked  el  omuked  a  kal   e  le
Homer a omeka er kau e lede er a ta el sils."
 
A Wilbur a dula, "Ke mera el mel omes e meduch er a betok el tekoi
e Charlotte e ngak a kmal diak a kmeduch er ngi . Ak umdasu e ak
di uluusimang el di ngak el omekringel er ngak er a klimelengek."
 
A  Templeton  a  mocha  kodekedi   a  kerelel  er  a  kemril  a  Wilbur  e
nguu  el  remi d  el  mo  er  a  bil .  Me  a  Charlotte  a  luueta  el  mocha
melabek er a blil.
 
Ng melabek er a blil a Charlotte e mengedecheduch er a Wilbur el
kmo, "Lak lemekngit a rengum e Wilbur e ng diak lebetok el charm
me a rechad er a beluulechad a meduch el mengaus. Ng mo lmuut
er a rechad me te diak lemeduch el ua rebubuu e ng di te omdasu
el kmo te meduch me te blechoel el melasm a ngi  di lengerang. Ng
mla ta el mrengesi  se el kot el kemanget el did er a beluulechad?"
 
A Wilbur a mil emesim er a bdelul e kmo. "Ng uuked el di ua blil a
bubuu?"
 53 
 
"Ng  kmeed  el  ua  blil  a  bubuu,"  ng  ulenger  a  Charlotte.  "E  ke
medengei  el  kmo  ng  mle  tela  el  rak  el  lomekedechor  er  ngi ?  Ng
kmal cherrungel  el  eai  el  rak.  Chokmo  ng  ua  isei  a  klemengetel  a
urelel  a  blik  e  a  klocha  mad  er  a  kal   er  a  uchei  er  a  bo  lemerek.
Ngak a mla mo smau el mereched a kuruul er a chimo el blai. Ng
sebechel el di ta el kesus e ng merekui a chimong."
 
"A  rechad  te  ousbech  er  se  el  kemanget  el  did  el  omuked  a
ngerang? Te omuked a charm?" Ng uleker a Wilbur.
 
"Ng  diak,"  ng  ulenger  a  Charlotee.  "Ng  diak  a  lomdechem.  Te  di
rirel i   me  bo  lsebechir  el  merael  er  ngi   el  mo  me  a  mei  e  le  te
omdasu el kmo ng ngar er ngi  a bo lebetik er a bita me a bita er
ngi  el did. Chokmo ng ngar er ngi  er tir a mo chelelakl el telkib el
mengi l e ng ultebechel el ngar er ngi  a mo duum er tir el ungil. Ng
di rechad a diak leua isei. Te di sorir el di blechoel el di chelskal  el
memo e a debeltid e te kuk dumiang. Ng diak a dita el bung er a
klok el leko er a chelel akl. Me se el kumes e ng di ngak el kmal mo
dmeu a renguk e le kbubuu el kmal uldelomel a delengcheklek me
ng diak kuleuaoch."
 
"Ng ngera a belkul a tekoi el uldel omel?” ng uleker a Wilbur.
 
"A  uldel omel  el  delengchokl  a  belkul  a  kmo,  "ng  klou  a  temek  el
chelel akl  el  kiei  er  a  blik.  Ak  rul i   a  blik  e  kiei  er  ngi   e  mengi l  a
ungil el me obuked er ngi . Ak kiei er a blik me ng klou a temek el
ungil  el  omdasu,  e  diak  krurt  el  miboid  a  betok  el  chutem  me  a
beluu."
 
"Me ngak a locha dirrek el uldel omel a delengcheklek. E ng di tia a
lsoak  me  lechetik  me  ngak  a  locha  kirek  el  di  kiei  er  a  telkib.  Ke
medengei  el  kmo  ng  ker  a  soak  el  ngar  er  ngi   er  a  chelecha  el
kebesengei a sils?" aika a tekingel a Wilbur.
 
"Ng ker?" ng uleker a Charlotte.
 
"Ng  kmal  soak  el  mo  er  a  chelsel  a  chereomel  me  a  kusi k  a
isebsab  e  kusi k  a  del olomel  er  ungil  el  kal   a  risel  e  kungi s  el
 54 
mengiki s e di kulengtungel el mererorael," ng mil ekoi a Wilbur.
 
Ng di mlo merek el mengedecheduch a Wilbur e a ngelekel a sib a
tmoech e kmo, "Ke melekoi a melengtungl? Ng diak modengei el
kmo kau a kot el mekngit a bum me a bul a blim? Kerdi ngar er a
cheroid  e  turengur  a  bum  e  leng  mesisi ch  el  mekngit  el  bau  er  a
chelsel tia el blid el rokui."
 
A  Wilbur  a  kmal  di  milechid  a  chiklel  e  mocha  mereberebet  a
iuechel  a  medal  er  a  rrengel.  Me  a  Charlotte  a  milsa  a  Wilbur  el
kmal merrengang me ng chilsngekl el ongengi  a sib e kmo:
 
"Di bteki  a ngerem e lak moldars er a ngerem el mo er a Wilbur,"
ng  mil ekoi  a  Charlotte  e  kmo,  "A  Wilbur  a  kmal  di  ungil  a
longetelakl a bul e le delengecheklel a rul i  me ng ua isei. Me kau a
diak molekoi e le ng ka lungil a bum. E lmuut ku, ke merur ng diak
el  mla  dobechi   a  kmal  mle  ungil  el  cheldechedemam?  Ng  ngera
dulsaod  er  ngi   e  Wilbur  er  se  er  a  lemei  a  diak  a  rengul  el  sib  el
dobechi  a cheldechedechad?"
 
"Ak  mla  obes,"  ng  ulenger  a  Wilbur.  "Becherei  e  ng  diak  lesa  el
klou a belkul me dolengul  er a cheldecheduch e ak kmal mesulaul.
Mongaus er a blim e bo kultuil e kumes er kau e ng kmal ungil a
eanged  er  a  chelecha  el  kesus."  Ng  mlo  bad  a  Wilbur  e
melemelamet er ngi .
 
Ng kebesengei me ng kel echakl tia el blil a cheremel a Homer el ko
er  a  kmal  ungil  a  cheltel  e  ungil  a  rengud  a  dengar  er  ngi .  Me  a
Fern a medengei el kmo ng mochu temel a blengur er a blil me ng
kirel el mo remei a di kea lsoal el merael. Ng kie el mechesengo e
lomes  a  betok  el  bedengel  a  charm  e  orrenges  a  cheldechederir.
Ng  suebek  a  remekekeriei  el  charm  el  olab  a  kelir  a  rengelekir  el
omeka  er  tir.  Me  a  kuk  bita  er  tia  el  sers  a  katotaod  a  bek  el
bedengel a charm er ngi  el ousesisuau me a reko er a mengitakl. A
Lurvey a mo rul i  a delengcheklel er a eungel a kerrekar e otuti  a
bebel e melamech a dekool. Me a recharm a di mo melungel er tia
el bul a baeb el dekool. A Wilbur a mechiuaiu e orrenges a ngerel a
dechedech me a kesebeklel a chesimer er a uum. Tia er a rrenges
aika el cherrodech e ng kmal menga el mlo dmeu a rengul el chad
 55 
e ta er a belsachel er a rengar el charm. Me ng mechiuaiu el kmal
ungil a rengul e lotka a tekingel a sib el mo er ngi  el kirel a kodel el.
Me a uldesuel er a kodal  ng mocha omritel el ta el charm.
 
"Charlotte?" ng ulemekedo el kmal mengululau.
 
"Ng ngera ke dmu e Wilbur?" ng ulenger a Charlotte.
 
"Ng kmal chetik el mad," ng dilu a Wilbur.
 
"Lak  el  sebek  a  rengum  e  ng  kmal  diak  a  rolem  e  bo  mad,"  ng
mil ekoi a Charlotte el ko er a melisi ch er a rengul a Wilbur.
 
"Ng  ko  er  a  kmal  soak  el  delengchokl  er  tiang,"  ng  dilu  a  Wilbur.
"Le rokui a ko er a kmal di ungil me ak kmal smonga er ngi ."
 
"Ng kmal diak lekelsuul e le kede rokui el kmal mla mo smau er tia 
el delengchokl." Ng mil ekoi a Charlotte.
 
Ng tmoech a debar el mengetakl er a rengelekel el di mererd a iklir 
e lomsoes er a recharm e dirrek el ko er a mengchechitakl. Me a 
Wilbur a omes er tir el kmal ko er a medemad el klitmechur e le te 
ko er a kmal klebokel e ungil a iklir. 
 
A Wilbur a liluut el omekedong, "Charlotte?"
 
"Ke mera el melekoi el kmo ng sebechem el mo sobecheklak me 
ng diak lebo lomekoad er ngak?"
 
"Wilbur, alta e ng sebechek el oungelakel er a rebebil er a recharm 
e ng di kmal diak kuungelakel me a diak kumulak er kau e le ng 
kmal el chetik omad."
 
"Ke mekera e sobecheklak er a kodel ek?" Ng uleker a Wilbur e le 
ng kmal mla mo bekikl me ng soal remenges a ungil rolel a 
lemesebechakl me lak lemad.
 
A Charlotte a kmo, "Ng dirkak a uleterekokl el teletael el bla 
kudesui  e ng di ak kmal dirk meringel e lomdasu er a mo ungil el 
 56 
rolel."
 
"Ei ," ng mil ekoi a Wilbur. "Ng kmal dmeu a renguk el orrenges er 
kau me a tekingem. Ng ua ngera aike el bla mudasu? 
Chomomdasu e ng mo oureor?"
 
Ng uleker a Wilbur el mededudeu a ngerel e ng di Charlotte a 
dengchokl el klou a rengul el diak leko er a teletelel a bekikl me a 
lechub e ng suebek a rengul.
 
A Charlotte a dilung, "Lak el sebek a rengum e ng betok a bla 
kudasu el tekoi e ng di dirkak lebo lekeed a temel el dousbech me 
ng dirkak ksa el mo komakai er a kmo ngera er ngi  a bo kuusbech 
er ngi . E ng di ak medengei el kmo a chimo er ngi  el bo kngilti  a 
mo meruul el kmal mo ungil."
 
“Ng oingera e ke kmal mo oureor el omdasu er a rolel e ng diak 
lebo lomekoad er ngak?" ng uleker a Wilbur.
 
"Se el ktelecherakl e ngak a omdasu. Ak usbech el chelel akl e 
mecherirei a bdeluk me ng cheliraor me ng sebechel a uldesuek el 
mo dmak," aika tekingel a Charlotte.
 
"Ng kmal soak el olengeseu er kau me a le ngar er ngi  a sebechek 
el rul i  e ak ulengit er kau me ke subedak," ng dilu a Wilbur.
 
"Becherei me di lengak el osi k er a ungil el rolel. Ng bai sebechek 
el ungil el omdasu a di lengak el ta e meringel a kumdasu el 
obengkel a ta er a rechad," ng dilu a Charlotte.
 
"Mada ali  ke di medengei el kmo a le ngar er ngi  a ngi  di el ngera 
el soam a krel i  e ak kmal semeriar el ngosukau er ngi ," ng mil ekoi 
a Wilbur.
 
"Ng ngar er ngi  a kmal soak a chobo mrel i ," ng dilu a Charlotte. 
"Ng soak a chobo molengul  el mo ungil a cheliuem me lak mko er 
a medemad el bekikl e mrerechuchel. E dirrek el kmal soak a 
chobo mungil el omengur el kma a kelem el rokui ngi  e di bechei a 
sesei me lomech er a Templeton. Chobo mungil el omengur e ng 
 57 
ngosukau me ke mo kedelebuu el chedidi ch a bedengem e ungil a 
medam a lsemeriar er kau a resechelim. Ke medengei aika el 
kulekoi?" Ng uleker a Charlotte.
 
"Chochoi. Ak kmal ungil el medengei," ng ulenger a Wilbur.
 
"Mada bo bad e ng klou a lengesuir er kau," ng dilu a Charlotte.
 
Ng merael a Wilbur el mo er a cheldeng er a blil el ko er a 
mesesilkolk e choiti  el mo bad. Ng mutek a medal el telkib e lmuut 
el mok e mengedecheduch.
 
"Charlotte?" ng ulemekedo a Wilbur.
 
"Ui ! Ke dmu ngara e Wilbur?" ng ulenger e oker a Charlotte.
 
"Ng sebechek el mo odngeli  a ongolek e alta lemlak kka a kelek el 
rokui? Ak umdasu e ng dirk mla er ngi  a sesei er a beras el mle 
medechel."
 
Aika tekingel a Wilbur.
 
Ng ulenger a Charlotte el kmo, "Chochoi. Bo e ngi  di 
morechedau."
 
Ng mileki s a Wilbur e remurt el di mesesibas el mo bedul a 
ongolel.
 
Me a Charlotte a kmo, "Ali , ke mekekokau! Ke orreched e ng di ke 
mengel akl er kau e merael el diak kom teletelel a rerechuchel!"
 
Ng mocha a omakes a Wilbur el mengel akl a ochil el merael el mo 
er a ongolel. E a lebong e ng ngar er ngi  a beras er ngi  me ng 
mekekokil el kmang a luueta el merael el mei er a dukl el me ng mo 
bad. Ng di mlo ultuir el telkib el diak longerodech e kuk el lmuut el 
mengedecheduch.
 
"Charlotte?" Ng milengelulau el omekedo er a Charlotte a Wilbur.
 
 58 
"Ee!" Ng ulenger a Charlotte.
 
"Msal  e kbo kulim a milk? Ak omdasu e ng dirk ngar er ngi  a milk 
er a ongolek." Ng ulengit a Wilbur.
 
"Ng diak. Ng bechachau el medirt a ongolem el diak a chisil a sesei 
el milk. Me mereko e bo bad e butek a medam e lak 
mongedecheduch me lesechem el olengul ." Ng dilu a Charlotte.
 
Me ng mocha mechiuaiu a Wilbur e a Fern el meketeketa el 
dengchokl e orrenges er a Charlotte me a Wilbur a lechadecheduch 
a mekisa el merech er ngi  el mo remei. Ng mengedmokl er ngi  el 
remi d e kmal dmeu a rengul e le rokui el cheldechedechal a Wilbur 
me a Charlotte el lerirenges a kmal di mle ungil. A lorola e ng 
rongeseterir el liluut el chadecheduch.
 
"Bo debad me a klukuk kung e Charlotte!" ng dilu a Wilbur.
 
"Chochoi e Wilbur me a tutau," ng ul engesenges a Charlotte.
 
 
 59 

X DUB
 
A Charlotte a di kiliei el di ulemdasu a mo rolel e lengesuir a Wilbur 
me lak lebo lomekoad er ngi . Me ng di klebikl er a blil el di omdasu 
me ng ko er a teletelir a rumes a deleb el di chelel akl e bel emakl a 
osengel. Ng klebikl er a blil e kmo, "Ng kmal chetik el mla tmengi  a 
ngerek er a Wilbur e lak kbo krel i  a kdil i ."
 
Ng di klemengetel a klechad er a Charlotte e ng mla metik er ngi  el 
kmo a di kkilungi  a renguk el telkib el meketeket e ng ultebechel el 
ngar er ngi  a mo ungil el kudesui . 
 
A ta er a tutau e ng meki s a Charlotte e mdesui  a ta er a kmal beot 
e ungil el luldasu. Ng ulemdasu el kmo, "A lsekum me ng sebechek 
el mengeblad a rua iaes me a mekekeriei el charm me te obuked er 
a blik e ng ultebechel el sebechek el chobeldeterir a rechad. E le 
rechad a diak lsa el mel omes a rengrir el ua recharm. Tia ikid a mo 
 60 
rolek e ak usebeli  a klengar er a Wilbur."
 
Ng omdasu aika el tekoi a Charlotte e a Wilbur e toechang.
 
Ng di tiloech a Wilbur e oker, "Ngera ke omdasu er ngi  e 
Charlotte?"
 
A Charlotte a ulenger, "Ak ko er a omdasu el kmo a rechad a kmal  
ongebeldi l."
 
"Ngera a belkul a tekoi el ongebeldi l?" ng uleker a Wilbur.
 
"A ongebeldi l a tekoi el mengai er a cheleblad. Me a rechad el 
ongebeldi l tirke el chad el beot a domulak er tir." Ng ulenger a 
Charlotte.
 
"Ng ta er a klungiaol," ng mil ekoi a Wilbur e lmuut el mo bad el 
ongelngul er a bita er a sersel a blil. E a Charlotte a di mereko el 
mekar e omes er a Wilbur e mechesa el omdasu a mo ungil el rolel 
e lebo lungil a rokui me lak lebo lokodal  a Wilbur. Ng kmal mle 
bekikl e le ulengul  er a skuul a di ua ngera el mo merek me a 
Kurismas a di olekeda me ng kmal kosekedela a taem e dirkak a 
kmal ultebechel el tekoi el lebla ludesui .
 
Tia el tutau el lesa el mechiuaiu a Wilbur e a Avery a mle 
mengesuch el me milil er a blil a cheremel a Homer. Me a ochedal 
er a Fern a di ulekiuel el. A Avery er a lemei e nguleba a cheremel el 
dechedech me a Fern a belsiochel a bdelul er a chelilai. Te di 
tiloech er a blil a Homer e remurt el mo bedul a uum.
 
A bechil a Homer a milsterir me ng kmo, "Ali ! Ng kmal ungil a temiu 
el me mechir a keik el kulruul er ngi  me mei e mngai a keliu."
 
"Ka mosa ngika el cheremek el dechedech!" Ng mil ekoi a Avery e 
mo omechei er a cheremel el dechedech er a bebul a loruul a kal  
er ngi  a bechil a Homer me bo lemededaes a chimal me lsebechel 
el nguu a kelel el keik.
 
Me a bechil a Homer a kmo, "Mo tebedi  ngilecha er a i kr."
 61 
 
"Ng kmedu el mad e le Avery a di omet er ngi  se el lorreked er 
ngi ," ng mil ekoi a Fern.
 
"Lak mo mulak. Ngika a kot el ungil a rengul a kurutech er ngi . Ng 
kot el soal a dolaiu er a isngel," a Avery a dirk ul ab a tekingel e a 
dechedech a suchesokl el tmuu er a olebeluul el ngar er ngi  a sob 
er ngi .
 
"Avery, ali  a kelem el keik a mla mo bereked er a bedengem," ng 
mil ekoi a Fern e melti  a mengedecheduch er a bechil a Homer. 
"Chedil er a Edith, ng sebechek el mo omes a cheremem el malk?"
 
"Ak ulengit er kemiu el teru me bo mtobed er a i kr! E diak bo 
mousekool a cheremek el malk," ng dilu a Edith.
 
"Momes er tilecha el bilem el di mla mo bechesechusem," ng 
mil ekoi a Fern. "Mosa el di mocha keik el ta el chad."
 
A Avery a okor e omekedo er a cheremel, "Mei, mei, mei e 
dechedech!" Ng mlo kiukui  el me er bab me ng meledolk el omides 
a sob me a ralm el mo er a kelel a Avery el keik.
 
Ng omes a Fern e kmo, "Chesilech! Ke kmal delikik."
 
A Avery a kmo, "Me e bo domtar!"
 
Te remurt el teru el mo er a chelsel a blil a charm.
 
Tia el blil a cheremel a Homer a mla er ngi  a kmal ungil el btar er 
ngi . Tia el btar a di mle chimo el ekil el klebikl er a bita er a tuangel. 
A ulebengelel tia el ekil a mla er ngi  a betok el delibuk er ngi  me ng 
sebechir a rengalek el dengchokl me a lechub e te dechor er ngi  e 
omtar. Tia el btar a kmal mle ungil el diak dousbech er a ngodech 
el chad el oldubech er kid. Kerdi ngmasch er ngi  e omtar el mo 
tuobed e me tmuu er a medal a tuangel. Tia a dirrek el kmal mle 
kedidai el btar me se el lengasech a rengalek el mo er a bab e ng 
telkib el mekider a delcherir er ruchei er a lolechesokl. Ng blechoel 
el klou a diu se el bolo mtar a rengalek e le te chambai er a omtar e 
 62 

mengi l er a kuk mo temir el mo omtar.
A redelrir a rengalek er tia el telkib el chutem a kmal mle chetirir tia 
el btar el mla er a blil a Homer. Te kmal mle bekikl el kmo ng diak 
lemeketeket e ng ultebechel el ruebet e metemal  a ta er a ngalek. 
Me te di mle suebek a rengrir e ng di kmal  dimlak a dita er a 
rengelekir el ruebet er tia el btar e le rengalek a meduch el orreked 
er tir e dirrek el bekikl el ruebet me te kerekikl a betok el omerolir.
 
A Avery a ultungi  a cheremel el dechedech er a boket er ngi  e 
 63 
ngmasech el mo er a bebul aika el chachisois el bokso. Ng mil ekoi 
er mo er a Fern el kmo, "Se el mlo merek el Sandei er a debe 
domtar e ak kileed e ak usiuekl aike el kboub."
 
Me a Fern a dilung, "Mo tebedi  ngilecha el dechedech e ng mo 
mengesa er kau."
 
E ngi  okor a Avery e orekedi  a btar e suchesokl. Ng omtar el 
tuobed e tmuu me a dechedech a di obengkel. A l uut el omtar el 
me soiseb e a Fern a milngedecheduch el mo er ngi  el kmo, "Ali , a 
ngerem a di bekekerekard!"
 
"Me a ngerem me ng dirrek el bekekerkard!" ng mil ekoi a Avery er 
a lomtar el mo tuobed.
 
"Hai! Ng mla soiseb a leblebul a bokso er a chelsel a bilek me ak 
mla mo melebleb," ng mil ekoi a Fern.
 
"Motobed a bilem e mkort a leblebul a bokso er ngi ," ng dilu a 
Avery.
 
"Ng mereko e chelecha e ng kuk temek el omtar me bemkerd," a 
Fern a mil ekoi er a Avery.
 
"A ta lungab a mla mo melebleb!" A Avery a milengitakl el omekako 
e mengeuid er a Fern melak loltengel er ngi  er a btar.
 
Tia er a bo letemel a Fern el kuk mo omtar me bo lemetengel a 
Avery e ng mildekli  a btar el mo er a Fern el dilechor er a bebul a 
bokso. Me ng orekedi  a btar e mutek a medal e le ng kmal  
mechelaol e suchesokl. Ng ko er a mlo telkib el chetelaol e a lebok 
a medal e ng ungil el omes er a eanged e le ng kirel a i kr e luueta el 
omtar el me bedul a chelsel a blai.
 
A Avery me a Fern a ulemtar el kmeed el ta el sikang me ng omtar 
a ta el telkib e kuk me metengel e ng kuk mo tang.
 
Se el lebo lemesaik el omtar e te kuk merael el mo omdabt a 
chosm el di merekang er a tkul a sers. Te mo me te menga me ng 
 64 
di mo oumel emau a ngerir el di merekmo lebo lekes a ngerir er a 
osechel a redechel a chosm e te kuk olengul  e merael el mo bedul 
a lengar er ngi  a charm. Te merael e a Avery a metik er a kekeriei el 
box el blil a kiande me ng nguu a cheremel el dechedech el sukur 
er a chelsel. Ngika el dechedech a ko er a di chelita a bedengel e le 
ng klemengetel a taem e loba a Avery e lomtar e omechem er ngi  
me ng kmal medei er a kleald. Ng mo lmuut er a Avery me a Fern 
me te kmal mesulang el merael e le te skareter er a btar me a rurt.
 
Te merael e a Avery a kmo, "Mei e derel i  a blid er a chetebtel a 
kerrekar e ng soak el kiei er a bab e loba a cheremek el 
dechedech."
 
"Ngak a bai soak el mo oldingel er a Wilbur," ng dilu a Fern.
 
Te merael el mo oleong a kakine er a blil a charm el mo soiseb e 
merrerorael el mo bedul a blil a Wilbur. Me a Wilbur er a rrenges a 
ocherir e ng di mileki s me ng tengerengar.
 
A Avery a di mla er a cheroid e mesa a blil a bubuu. E a lsa el 
kmedang e ng mesa Charlotte el ngar er ngi .
 
" Eang, Eang! Ka mosa ngike el mera el klebokel el bubuu, " ng 
mil ekoi a Avery.
 
"Ke le bo morutech er ngi  e molai er ngi  e kau tia le kuk ngar er 
ngi  a cheremem el dechedech," ng ulechelechel a Fern.
 
"Ngike a mera el soak el bubuu mechelecha e ak mo koiui  e nguu 
me ng bubungek," ng mil ekoi a Avery e kursi  a rechelel a kerrekar 
e kmo, "Ka msal  a kiui  e knguu e lotungi  er a chelsel tia el blil a 
cheremek el baks."
 
Ng lilangel a Fern e kmo, "Lak mua isei e Aver! Becherei a charm 
melechelel akl!"
 
A Avery a di diak lorrenges er a Fern e mocha melemiakl aika el 
sersel a blil a Wilbur. Ngmasech me ng ultebetab a chochil e 
mocha oldars er a kiuel el mo mengaiu er a bubuu e kmol  a ochil 
 65 
me ng mengai el me kesbedechakl er a ongolel a Wilbur el mitechi  
tia el ongal  me ng obikel e me metilech el mungi  a ngais me ng 
mo mengetelakl a mera el bediu e besngask el bau.
 
A Fern a uleldiu e a Avery a meki s el tometi  el medechor. Te 
dechor el kaiuengeng e mechesei a rengrir er tia el kmal diak 
lemekard el bau el bul se el lulebangl el ngisel a debar er a 
rechuodel. Me a Templeton el dirrek el milechiuaiu er a blil el 
eungel a ongolel a Wilbur a di chili s el mereti  er a chelsel a chutem 
el blil.
 
"Ak riedung! Ak morolung! Dorael! E tia a kmal diak lsebechek el 
meketeket el melungel er ngi  el bau," ng mil ekoi a Avery.
 
A Fern a longela e orekedi  a isngel e remurt el mo bedul a blirir me 
a Avery a di mirrekong el remurt el okiuel el el dirrek el di urekodel 
er a isngel. Te merael e a Charlotte a ta luluuteli l el kmal mlo klou e 
le ng kmal mlo ungil a rengul er a ri eda a Avery. A klungiolel a 
rengul el sobelang a rirel i  me ng ko er a kmal mlo mededaes a 
rengul.
 66 

A tutau er a bo lekukuk e a rebek el charm el rua a sib me a debar 
me a rengelekir a di mle keldibel e oumondai er tia el kmal diak 
lemekard el bau. Me a Wilbur a mocha nguu er a uchul a chisel tia 
el bediu el ngais. Ng dilu el kmo, "A Avery e ngelekel a John a mle 
e mo soal el lomdechem er a Charlotte e ng di mlo diak el sebechel 
e le ng tia el bediu el ngisel a debar a ulebeu me ng ulechisi . Me ng 
chimo er a besbas el bediu el ngais a mlo uchul e ng mesebechakl 
a klengar er a Charlotte."
 
Me a debar a dechor el ko er a melisorech er ngi  le ng ungil a 
rengul el ngi  a mle uchul e ng suobel a Charlotte. Ng ko er a 
ousimang el metetekoi el kmo, "Ng kmal ungil a renguk er se el 
chimo er a ngisek el ulebangel me ng mlo er ngi  a belkul."
 
A Templeton a dengchokl el kmal chetil e mekngit a rengul er tia el 
ngais el lesa el milengetmokl er ngi . E ng di dirrek el ko er a 
uluusimang e le ng urelel a dirrek el mle uchul a klungiolel me a 
sebecheklel a Charlotte. Me ng kmo, "Ng kmal  diak lemechoit a 
 67 
besbas. Ng ko er a besbas a domes e le kid el diak dodengei a mo 
usbechel er kid ng di se e lebo el temel e ng mera el mo remuul e 
tuabek a betok."
 
"Me kemiu el kmal melekoi el ua lekot el tekoi tiang." Ng dilu a 
ngelekel a sib. "Aike el mriruul a kuk kmal di ungil el kirel a 
Charlotte.  E kid el rokui el ngar er tia el diak lemekard a bediu el 
bul a cheuodel e besngask el ngais?"
 
"Lak el sebek a rengum e ng diak lemeketeket e ke mo smau er 
ngi ," aika tekingel a Templeton. Ng mil ekoi e oltemetamet a 
chesemel e merael el mo oldingel a blil a besbas.
 
A bocha el sueleb me be lolecha a kelel a Wilbur a Lurvy e ng 
milrael el mo kmeed er a blil a Wilbur e melengtungel er a bita el 
mo er a bita e mengemim a medal e meleu er a isngel e le ng kmal 
milengchechetelakl a bediu el bau me ng ko er a mo 
merecherached a rengul a Lurvy.
 
"Ng locha ngera a mekngit a bul?" a Lurvy a mil echedech. E 
mocha kmedi  a baket el ngar er ngi  a kelel a Wilbur e mo nguu tia 
el kerrekar el luleba a Avery el mocha olsesei er a ongolel a Wilbur. 
Ng mil uis er ngi  e kmo, "Ng beab el lulterekokl! Ng NGHOBEE! Ng 
mera el di remuul a lukel er ker me ker me a uchul me ng kmal 
chetik. Ng chotakl a besbas me a betok el mekngit el ngera me a 
ngera el me me ng uchul a mekngit el bau el mei."
 
A Lurvey a dilisi  a ongolel a Wilbur el me kmeed e duibek a bebil er 
a chutem el mo melakl er tia el bleu el ngais me a kloklel a 
Templeton el betok el besbas. Ng mocha merek e mo kideri  a 
baket el mo olechubel a kelel a Wilbur. A selngerengerel a Wilbur e 
ngilasech me ng dechor er a ongolel me a bo lolechubel a kelel a 
Lurvy e ng di ngilai e lochubel er a kmeed er a bdelul me ng di mlo 
bechesechusem a dingal me a isngel a Wilbur. Ng uleldiu a Wilbur 
e mocha tmaut el melim e mengang me ng mekekesbakl a ngerel. 
Ng menga e kmal menga el mocha semeriar e le ng kmal  ungil el 
kal  e luldimukl er a rua a milk me a bangkil, me a bangkeik me a 
donats me a ulongolel a ngikel me a betok el bedengel a ongraol 
me a odoim me a kliou. Ng menga e l eko le di el ta el losab a leka 
 68 
a kelel el rokui.
 
A Wilbur a ulemengur el mera el menga el babi  e le ng di soal el 
mechachongi  a ongolel e lotka el kmo ng kirel el meche a sesei er 
a rameng me ng kelel a Templeton. E dirrek el omdasu el kmo a 
kumechei a kelel a Templeton e le ng ngi  a ulsebeli  a Charlotte me 
a Charlotte a dirrek el mo olsobel er ngak me ng locha bai ungil ak 
bechei a bebetok. Me ng milechei a betok el rameng el mo kelel a 
Templeton.
 
Chelecha el bla el medakl tia el bediu el ngais e ng mocha ungil a 
eolt. Mo lmuut er tia el rokir el blil a charm me ng kmal  ungia a bul. 
A rebek el charm a ko er a kmal ungia a rengrir me te ko er a di mle 
chel aod e ng kebesenge a sils. A lemerema a ilkolk me lebelsiseb 
a mekelekolt el cheluut er a tuangel e a Charlotte a merk a ochil er 
a blil e mengeluut e omesoil er a osisiu el taem. Me ng omengur e 
omdasu a bo loruul e leko di loureor kung.
 
Ng dirk kekesus e a Charlotte a mocha omuchel er a urerel. Ng mlo 
er a kmal di belngel a blil e mocha melubet a bebil er a chuklel. Ng 
mekekokil el oureor e a lomes e a recharm a mla mo olengel okl me 
ng dimlak a ta er tir el mesa tia el loruul er ngi  a Charlotte. E a 
Wilbur a mla metilech e ongelngul er a dukl el. Me a rengelekel a 
debar a mengchechitakl a rengrir el mechiuaiu er a telia el uruukel 
er tia el blai.
 
A Charlotte a ngilubet a rokui el chuklel a blil e liluut el mocha 
mengaus er a beches el lomdasu er ngi  e ng mo sebechel el 
ousbech er ngi  el kirel a sebecheklel a Wilbur. Ng dirk oureor e ngi  
a dum a Templeton el milengesuch er ngi  el mlo oldingel a betok el 
blil a besbas.
 
 
 69 
XI MEANG EL DILUBECH
 
A bo lekukuk e ng kmal mle mekelekolt a beluu me ng klou a 
chetechat er a sers. A del omel a di duib a l el me a nguches a kmal  
klou. Me a domes a del omel e ng mengchecheldoech a l el el ko er 
a becheleleu er a kelekolt me a nguches.
 
Se el leua isei a kelelkolt er a beluu me di bo ledib a klalo me a 
del omel e ng rul i  a blil a Charlotte me ng kmal menga el mo ungil. 
Tia el tutau e a blil a Charlotte a ko er a mle dekimes me aika el 
ralm el mla er ngi  a ko er a bereberi d el ua lemengeldoech el 
mekekeriei el tama el bereked er a uuked me ng rul i  tia el blil a 
Charlotte me ng ua res el metetoech e kmal belsiochel. A Lurvy el 
dimlak lomes a blil a bubuu er a ngar er a mong me a dimlak 
lomdasu el kmo ng klebokel a tilab a medal er tia el blil a Charlotte 
er a belolecha a kelel a Wilbur. E le tia el blil a bubuu a lrirel i el 
kmal mlo klou me ng mereched el tuab a osenged er ngi  a debo er 
a blil a babi . A Lurvy er a ltab a medal er tia el blil a bubuu e ngiluu 
a baket el mla er ngi  a kelel a Wilbur el kmedi  e luueta el kmal 
mocha omngamk er tia el blil a Charlotte. E a lomes er a belngel e 
ng ngel echukl a tekoi er ngi  el kmo: A REBABII!
 
A Lurvy er a lechuiu aika el tekoi e ng kmal mlo olengoech a 
bedengl er a chesil a rengul me a dektel. Me ng liluut el nguabek a 
medal e liluut el kmal mo ungil el omes er tia el blil a Charlotte.
 
"E a ngak ak mera el lomes ak ues?" Ng milengelulau a Lurvy el di 
ngi  el mengedecheduch er a rengul. Ng chiliti  el mo outubuach e 
rul i  a kerus e mil uluuch. Ng meki s e obeso kelel a Wilbur el diak 
lochubel e merael el mo er a blirir el mo omekedo er a Homer.
 70 

"Homer, mei me debo er a blil a babi  e ngar er ngi  a soak chobo 
mesang," ng dilu a Lurvy.
 
"Ngera a telemal ?" ng uleker a Homer. "Ng smecher a babi ?"
 
"Ng diak. Ng diak lsecher," ng mil ekoi a Lurvy. "Mei, me debo me 
lekau a omes."
 
Te merael el diak lechadecheduch e di orreched el mocha er a blil a 
Wilbur. Me a Lurvy a tutki  a blil a bubuu e kmo, "Ka momes el kmo 
ke mes a ua kues?"
 
A Homer a ulemes e mes a l echukl me ng milenguiu "A REBABII!" 
Ng chilsngekl el omes er a Lurvy e te kaiuengeng e omretela er a 
dektir me a chesil a rengrir. A Charlotte a mechechiuaiu e le ng 
 71 
medal er a urelel el kmal mlo chosoi e omes er a Lurvy me a Homer 
e ocherechur. Me a Wilbur a mla mo er a eungel a Charlotte me ng 
temat el dechor.
 
A Lurvy me a Homer a katekoi el kirel tia el l echukl el tekoi, 'A 
REBABII!,' e lmuut el mo kaiuengeng. Te chisngekl e omes er a 
Wilbur el kmal mlo kemanget e  kuk omes er a Charlotte.
 
"Chomomdasu e ng diak lebubuu..." ng mil ekoi a Homer el dimlak 
lrekir a tekingel e omteuitech er a bdelul le ng kmal mechas a 
rengul. Ng milechib el merael el mo er a blil me ng 
mengedecheduch er a bechil. "Edith, ngar er ngi  a mla dubech el 
beches el tekoi," ng mil ekoi a Homer e kmal mle kekerirei a ngerel 
e merael el mo er a klou el blai me a Edith a di ulekiu a ul el.
 
"Edith, ngar er ngi  a meang el chais el soak el ouchais er kau," ng 
mil ekoi a Homer, "ng ungil a obom dengchokl."
 
Me a bechil a di chiliti  el mo dengchokl el mad el bekikl e suebek a 
rengul e medakt e di bel emakl a osengel er a Homer. Ng mengi l el 
leko le di lemereched el ouchais a chais.
 
"Edith, a cheremed el babi  a locha diak ledi le ua bek el babi . Ng 
ongasireng e ngodech er a rebek el babi ," a Homer a 
milengedecheduch el mekekokil e omedebades aika el tekingel.
 
A Edith a kmal mlo meklou a medal e mechesei a rengul er a bechil 
me ng dilu, "A rrach er a Homer, kau ke mekeskelang? Ngera tia el 
omosaod er ngi ?"
 
"Ngara a kmal ngodech er a babi  me ke kuk kmal mla osebek a 
rengud?" aika tekingel a Edith er a lebo a lodengei el kmo ng di 
omesodel a babi  el diak a ngerang el telemal .
 
"Ng dirkak a kmal ngara el bla bo dodengei me ng diak  lsebeched 
el kmo ngerang," aika lulekoi a Homer. "E ng di ngar er ngi  a 
ongasireng el olangch el mla mocholt. Tia e Edith a mera el 
ongasireng el dubecha er tia el sers. Ng blil a bubuu el kmal klou el 
blerk er a tuangel er a blil a charm el kmal di ngar er a bebul a blil a 
 72 
babi . E tia a kmal olechau a mad e le ng kmal mle klou a kelekolt 
me ng ouberberingel er a nguches el remuul a chuklel tia el blil a 
bubuu me ng kmal bleketakl. E se el kmal belngel tia el blil a bubuu 
a l echukl a tekoi el kmo, 'A REBABII!' Aika a kmal bleketakl e le ng 
cheleuikl er a bebul tia el blil a bubuu. Me tia a mera el ongasireng 
e le Lurvy er a bo lomeka er a babi  e ng mlo mechas a rengul er a 
losang me ng mle omekedo me aki mong. Edith, me osengek er se 
el ongasireng el tekoi a rul ak me ak mo oumera el kmo a 
cheremed el babi  a ileakl el ngodech er a redi babi ."
 
"Ng ko er a diak kbo kuumerang," ng mil ekoi a Edith. "Ak omdasu 
a cheldechedecham e ng ko er a diak lebo lemera el tekoi. E le ak 
omdasu e a bubuu a diak a rolel e lileakl el ngodech er a rebek el 
bubuu."
 
"Ali  ng diak lebubuu a dolekoi er ngi  e Edith," ng dilu a Homer. 
"Ng babi  a dosaod er ngi  e lileakl el ngodech er a rebek el babi  e 
le ng ngelechukl er a kmal di belngel a blil a bubuu."
 
"Alta e ng merang e ng di ng bai soak el ngak a mo omes er a blil a 
bubuu," aika tekingel a Edith.
 
"A bubuu el bo momes er ngi  a di ua a bek el bubuu el di ua 
bedengel a chab," ng mil ekoi a Homer.
 
Te mileki s el terung e merael el mo metengel el mo er a blil a 
Wilbur. "Ka mosa e Edith? Ng di ua bek el bubuu."
 
A Wilbur a ngar er a blil el kmal dechor ku a iklel er a klungiolel a 
rengul er a ildisir a rechad el di me omes er ngi .  A Lurvy tia ikid er 
a lekie er a blil a babi  el omes aika l echukl e te merema a rua Edith 
me a Homer.  Te dechor el tedei el menguiu a l echukl e omngamk 
e chuieui  a Wilbur el kmeed el ta el sikang.
 
A Charlotte a kmal ungia a rengul er a chelebeldil me a urelel el 
mera el oureor. Me ng dengchokl el ka longitektik e orrenges er a 
rechad a lechadcheduch. A lsebek a kekerie el charm el mo 
bereked er aika el l echukl e ng mekekokil el metengel el orekedi  e 
nguu el oridi .
 73 
 
A lemekelda a beluu me lemedita tia el blil a bubuu e ng mocha 
diak lsal bleketakl aika el l echukl me a Edith me a Homer me a 
Lurvy a merola el mocha remei. Uchei er a lorael e a Homer a liluut 
el kmal mlo ungil el chuieui  a babi  e milrolang.
 
"Ko medengei ng diak, el mo ngika el cheremed el babi  a di bla 
kdangch a ongelngelel el kmal mle mekoar e meklou el ko er a 
kmal mesisi ch? Ng kmal lolecholt a klungiolel a babi . Ke mla mesa 
a ongelngelel e Lurvy?" ng uleker a Homer.
 
"Chochoi. Ng kmal el merang," ng ulenger a Lurvy. "Ak meketeket 
el omtab a ongelngelel me a klungel ngi  el babi  el kmo ng mera el 
lileakl er a rebek el babi ."
 
"Ng kemanget e meaiu el chedidi ch el babi ," ng dilu a Homer.
 
"Chochoi. Ng kmal merang," ng ulengesenges a Lurvy. "Ng 
chedidi ch el di soal el ruebet a chedib a lorael er ngi  me ng 
olechotel a tokubets el babi ."
 
A Homer a di mlo remei e oidi . Ng milechei a bilel er a ureor e ngi  
a locha kmal ungil el bilel leblechoel el oubail el mo er a ikelesia e 
merael el mo er a blil a Bastor. Ng mlo me ng mengedecheduch er 
a Bastor e ouchais a chisel tia el ongasireng el mla dubech er a blil 
a cheremel.
 
"Chelecha e a remedengei a di kau me ngak me a bechik me a 
Lurvy el oureor er a sersek," aika tekingel a Homer.
 
"Ke mo remei e diak mouchais er a rengodech el chad," ng dilu a 
Bastor. "Ng dirkak desa el mo medengeli  me kede mecherei me ng 
chelel akl e ak mo mesuub er ngi  el telkib e a Sandei e ak kmo 
mesaod er ngi  er a ikelesia. Ak umera el kmo a cheremem el babi  
a ngodech el ileakl er a rebek el babi  me a kbo kungedecheduch 
er a iklesia er a Sandei e ak mo ouchais el kmo, 'A ongasireng el 
charm a mla dubech er a beluad.' Homer, ngika el cheremem el 
babi  ngar er ngi  a ngklel?"
 
 74 
"Chochoi," ng ulenger a Homer. "A ngelekel a obekuk el Fern a 
milengekli  el Wilbur. Ng ngi  a ulemekeroul er a Wilbur el ua lemera 
el tolechoi. Me ng uleltut er ngi  e milngetmokl er ngi  el ta el buil er 
a uchei er ak nguu."
 
A Homer er a bo lemerek el mengedecheduch er a Bastor e te mlo 
kaiereked el chim e kasmesumech e ng merael a Homer el mo 
remei.
 
Ng diak a tekoi el obart. Me a uchei er a Sandei el ble lekirel a 
Bastor el mo ouchais er tia el chais e a rebetok el chad a mla 
remenges a chisel a Wilbur el kmo ngodech er a rebek el babi . Me 
te betok el chad er a kmeed me a cheroid el beluu a di mle omes er 
tia el ongasireng el tekoi. Me a mekesokes er a blil a Homer a di 
mlo meseked er a mali el meklou el mo lmuut er a mekekeriei. Me a 
omerael el mei er tia el blai a diak lemeloched er a tutau el mo 
kebesengei. Me se el lemei a rechad e te di chemuiu aika el 
l echukl e mo tmaut el mengichuiu er a Wilbur e katekoi el kmo, 
"Ng meral dirkak deues a babi  el ua ngikang."
 75 

Tia er a lsal el kmal klunga a bisolel a Wilbur me a delal me a demal 
a Fern leblo losang e a Fern a ouchisa er a taem el leblo loilil ngi  
me a Avery er a blil a Wilbur e a Avery lenguu a kerrekar el leko ng 
mo mengaiu er a blil a bubuu. Me tia er a rrenges a delal a Fern e 
ng kmal mlo kesib a rengul er a Avery me ng kulebsengi  el diak 
lomesoil e mo bad.
 
A lsal el klunga a osengelel a Wilbur e a Homer a mlo diak 
lsebechel el remuul a urelel er a sers e le ng kmal mlo mechesang 
el mengedecheduch er a rechad el mei me a remo el me omes er a 
Wilbur. Ng dirrek el di kea temel el oliuid er ngi  el mo er a mechut 
el bail er a ureor le rechad a diak lemedebes el me oldingel e omes 
er a Wilbur. Me a Lurvy a dirrek el di kea loldingel a urelel e le ng di 
 76 
mechesang el melamk a chesemel e mengetmokl er ngi  me lungil a 
medal me a teletelel se el lomeka er a Wilbur er a mederir a rebetok 
el chad. Me a Edith a diak a ngodech el loruul ng di meruul a ungil 
el kal  el mo kelel a Wilbur.
 
A Homer a dilu er a Lurvy el kmo ke mo dochelir a okelel a Wilbur el 
ngar er a edei el mo eua er a ta el sils. A chelsengrir tirka el chad er 
a Wilbur a riruul a betok el tekoi er a sers me ng di mlo diak 
lemeruul. A rodech a di mlo mark e dimlak lemengai el mo meruul 
el mo jam me a sbuul el delemerab el blil a mais a di mlo diak 
lemesib.
 
Tia er a bocha el Sandei e a ikelesia a kmal mlo meseked. A Bastor 
a milsaod el kmo, "Aika el l echukl er ngar er a blil a bubuu a 
olecholt er kid a rechad el kmo kede kmal kired el di mengetmokl el 
kirel a dubech el ongasireng el tekoi."
 
A Fern a kmal dileu a rengul er a seked me a ungil tekoi el mla 
dubech me ng mo uchul a osebelel a Wilbur. Ng dirrek el kmal mlo 
ungil a rengul el mesa a chelebeldil a Charlotte el kmal ungil el 
oureor me ng kmal klou a belkul el kirel a Wilbur. Ng di a Fern a 
dimlak  lsa  el soal tia el kmal klou el seked le se el lemei loldingel e 
ng diak lesebechel el milil el oldingel lobengterir a recharm el ua 
ngi  er a ngar er a mong el taem se el di letir el tang.
 
 
 77 
XII CHELDECHEDUCH
 
A mekesai el klebesei er a uriul er tia el kot longasireng el urelel a 
Charlotte e ng mlo er ngi  a ongdibel er a recharm. A Charlotte a ko 
er a ulungerachel me ng ulemekedong er a rebek el charm el me 
keldibel. A Charlotte a ulemuchel er a ongdibel el kmo, "Ak mo 
omekedong a ngakl. Wilbur?"
 
"Ngak e tiang!" ng ulenger a babi .
 
"Debar?"
 
"Ngak, ngak, ngak e tiang!" ng ulenger a debar.
 
"Ngera me chomonger e ng ua chomtedei el debar. Ng diak 
lsebechem el di ta el monger e lak momelekl a tekingem?" ng 
milengchecheremrum a Charlotte.
 
"Tia a kuk di teletelek el diak lsebechek el ngodechi ," ng ulenger a 
debar.
 
"Dechuu el debar?" ng ulemekedo a Charlotte.
 
"Ngak, ngak, ngak e tiang!" ng ulenger a dechuu el debar.
 
Me a Charlotte a ongengi  e lmuut el melemolem er a okedongel, 
"Rengelekel a debar?"
 
"Bi-bi-bi! bi-bi-bi! bi-bi-bi! bi-bi-bi-! bi-bi-bi-! bi-bi-bi! bi-bi-bi!" te 
ulenger a rengelekel a debar.
 
"Tia el meeting er kid a kmal el ngedecha a teletelel. A lengelakl a 
rechad e a rengrir te tedei a resechal el debar me a tedei a 
redechuu el debar me a rel uich me a ta a rengelekel a debar," ng 
mil ekoi a Charlotte e kmo, "Sib?"
 
"Me-aa-aa!" te ulenger a resib el kmal el ta a rengrir.
 
"Rengelekel a sib?"
 78 
 
"Me-aa-aa!" te dirrek e lulenger el kmal mle ta a ngerir.
 
"Templeton?"
 
Ng dimlak a onger.
 
"Kede kmal di ngar er tia el rokui e di ta el beab a dibus," ng 
mil ekoi a Charlotte. "Ak umdasu e ng sebeched el omuchel er a 
ongdibel e mecheriei a Templeton.  Kom locha a rokui el medengei 
a urelek er a chelsel aika el sesei el mla me mo el klebesei. Aike el 
kul uches el tekoi el lodengesel a Wilbur a kmal mla mengai. A 
Homer me a rebetok el chad a kmal mla mo oumera el kmo a 
Wilbur a ngodech el tokubets el babi  me ng di kea bo lomokoad er 
ngi  el mo odoim. Me ng kmal dmeu a renguk el kmo a urrelek el 
mengeblad er a rechad a sebechel el mo osebeli  a klengar er a 
Wilbur."
 
A rokui el charm a kmal mlo dmeu a rengrir er a cheldechedechal a 
Charlotte me te uleldiu e omrotech el kmal mlo klou.
 
A Charlotte a dulang, "Kom kmal  mesaul. E ngak a ulemekedo er 
tia el ongdibel e le ng soak el melai a uldesuiu. Ak ousbech a 
beches el uldasu el mo omtechei er a chuklek. Ak umdasu e a 
rechad a locha mla tmurk a rengrir el menguiu er a "REBABII". Me 
a lsekum me ngar er ngi  a ungil el mudesui  el tekoi e ng kmal soak 
el nguu me kbo kutechir a chuklek. Ngar er ngi  a ko er a ungil mo 
tekoi el mudesui ?"
 
"E a dedul el kmo, 'melaok el babi ?'" ng mil ekoi a chimo er a 
ngelekel a sib.
 
"Tilecha a kmal mekngit, "ng mle mereched a Charlotte el onger . . 
. e mocha mesaod el kmo, "ng rul i  a Wilbur el ua lungil el odoim."
 
"E a dedul el kmo, ng 'Kot, kot, kot?'" nguleker a debar.
 
"Mkedebengi  el di mo chimo el  'Kot' e tia ia ungiang," ng ulenger 
a Charlotte, "Ak umdasu e a 'Kot' a mo chosir a rengul a Homer."
 79 

 
"E ng di cholebo e ngak a diak 'kkot'", ng mil ekoi a Wilbur.
 
"Wilbur, tilecha a diak a bolengedechi  er tia el tekoi e le rechad a 
blechoel el di oumera a l echukl el lechuiu," ng mil ekoi a Charlotte 
e oker, "ngar er ngi  a meduch el sber e luchesi  a tekoi el 'Kot'"?
 
"Ak umdasu e ng K-K-K me a O-O-O me a T-T-T," aika tekingel a 
debar.
 
"Chomomdasu er ngak e ng locha bekord el dart a ochik me a 
chimak? Ailecha el lildisel e 'K' me a 'O' me a 'T' a di kired el olab a 
chimal me a ochil a chelid er a eanged el mengaus," ng mil ekoi a 
Charlotte.
 
 80 
"Ak kmal mlo mekngit, mekngit, mekngit," ng mle chaiamar a 
debar.
 
Ng mileki s a kot el klou er a resib e mocha mengedecheduch, "Ak 
oumera el kmo ng kirel el mo utichiol  e meluches a beches el tekoi 
el kirel a Wilbur a lsekum me ng soad el olsobel er ngi . Me a 
lsekum me a Charlotte a ousbech a l echukl el tekoi el lebo 
lomekesiu e meluches e ak umdasu e ng sebechel el ng mai a 
ngeso er a sechelid er a Templeton. E le Templeton a omais a blil a 
besbas me ng sebechel el chotakl a bebil er a l el a babier e ngmai 
el mei me ng ousbech a Charlotte el omekesiu e meluches."
 
"Tia a kmal ungil el uldasu e ng di diak ksa el medengei el kmo ng 
mo sebechel a Templeton el ngosukid me a lechub e ng diak e le 
ng blechoel el di mechesa el osi k aike el mo uchul a klungiolel e 
diak lsoal el lolengeseu er a rengodech el charm," aika a tekingel a 
Charlotte.
 
"Ak umdasu e ng sebechek el chudechedechar me ng mo 
lengeseu er kid," ng dilu a klou el sib. "Ak kmo ochoti  a uchul e ng 
chad el mesisi ch. Ali , ngika kid el meremang. Kom di lmuk el rokui 
e mechikak me ak mengedecheduch er ngi !"
 
Ng me soiseb a Templeton el di ua teletelel er a bek el sils el 
merael el ko er a ombebereked er ngi  er a tkul a kboub.
 
"Ngera a chised me kom kldibel?" nguleker a Templeton e le ng 
kmal mle mechas a rengul er a klou el seked er a recharm.
 
"Aki mesaod er a kmal  klou a belkul el tekoi," ng ulenger a klou el 
sib.
 
"Me lmereko e mkedebengi ! A rua ongdibel a kmal seselk a renguk 
er ngi  el tekoi," aika lulekoi a Templeton e mocha melidab er a ekil 
el klebikel er bita er a kboub.
 
"Templeton, omluut el mo er a blil a besbas e mchetekli  a ta er a 
lechukl el l el a babier me bo lsebechel a Charlotte e el ousbech er 
ngi  el meluches er a chuklel el mo olsobel er a klengar er a Wilbur," 
 81 
ng mil ekoi a klou el sib.
 
"Bo becheriei a Wilbur me lemad. Ngera a ultutelel er ngak?" 
ngulenger a Templeton.
 
"Tilecha el delchercherel a ngerem a chobo mo ouuchel er a 
rengum er ngi ," ng milengedecheduch a klou el sib. "Ke mo 
medengeli  a ultutelel a Wilbur se el lebo lemekelekolt a beluu e ngi  
le bla lemad. Ng mo diak a chad el olab a mekekeald el ulengal  el 
me melecha er a ongolel. E kau a kmal ungil el medengei el kmo a 
uchul me ke mesisi ch e kedelebuu kau el ultuir a derengel a 
Wilbur. Me a kelel a Wilbur a kelem me kemiu a kmal kausisbech. 
Me a lsekum me a Wilbur a lokodir e kulterekokl el mo mesengaked 
e le ng mo diak a kelem. Me a chelsel a mekesai el klebesei el diak 
monga e kulterekokl el mo tungd er a klengaked me ng mo 
sebeched el di omes el tmoech er kau el mo er a bitang."
 
A Templeton a di mlo olengeng e mocha omritel a chesemel.
 
"Ng locha mera aika el molekoi. E ngak a mo er a blil a besbas er a 
klukuk me a lsekum me ak metik er a chimo er a babier e ak nguu," 
aika tekingel a Tempelton el lulekoi el diobereod a ngerel e le ng 
diak  lsa el lsoal a loldurech er ngi .
 
"Kom kmal mesaul. E a ongdibel er kid a di meritiang e debo 
dekebi . E ngak a kmal betok ak bo kuruul. Ak dirk mo melubet er a 
blik er me er a eou e mo mengaus er a beches e meluches er a 
'KOT,' aika cheldechedechal a Charlotte.
 
A Wilbur a kmal mlo bekerekard er a rrengel e kmo, "Charlotte, e 
ng di ngak a diak 'KOT.' Ak di ua bek el babi ."
 
"Ak umes er kau e ke kmal el 'KOT' e diak a ngodech el babi  el kuk 
mo kot er kau," ng ulenger a Charlotte el kmal ungil el 
medemedemek a ngerel. "Me a lmuut ku, kau a kmal sechelik e ak 
umdasu e ke kmal medengei a reng me ng menga el rul au el mo 
'kot'. Me lak moutekangel e ke 'kot' e bai mereko e bo mechiuaiu e 
molengul ."
 
 82 
 
 83 

XIII BLECHELEL A UNGIL EL UREOR
 
A Charlotte e mle mekar el mo metuda klebesei el omtechei a 
chel uklel a blil. Ng ousbech a kleai el ochil me a ngerel el oureor 
me ng sebechel el mereched el mo merek. Tia a blechoel el urelel 
me ng mekekeam e mereched a loruul er ngi . A lengubet a sekdel 
a chelsel a blil e lebechei a orekedel e ng ua tia kid a teletelel a le 
klebikl.
 
A blil a bubuu a blechoel el eru el bedengel a rekodel el a longaus. 
A chelechedal a lousbech a meklou e medidirt el rekodel el el 
meruul er ngi . A kuk bolousbech el mengaus el meliuekl er tia el 
chelechedal a mechetngaid e dekdekimes e muduid el rekodol . Tia 
el muduid el rekodol  a lousbech er ngi  el lomuked a mekekerei el 
charm el kelir. A Charlotte a mle soal el di ousbech er a di chimo el 
bedengel a rekodol  . . . se el klou el medirt.
 
 84 
A Charlotte a ulemdasu el kmo, "Ak chusi  a tekoi el kmo 'KOT' e 
loba a omuid e ng mui d a charm me ng tomel i  a osengir a rechad 
el omes er a l echukl."
 
Ng omechela a Charlotte me ng kmo, "A kot el cheuikl a 'K'."
 
Me ng ngosecha el mo er a bab e mengaus el melemalt el mo er a 
eou. E a lebe  lmetengel e lomes e ng kmal chetngaid tia el chuklel 
me ng meringel er a rechad a tuab a osengir a rechad el omes er 
ngi . Me ng luueta el mocha ngmasech e luueta el mocha 
mengisois er a chuklel el me er eou. A bo lemerek e lomes er ngi  e 
ng ungil e le ng kmal bleketakl me ng omdesuang, "Ng kirek el 
choisois aika el rokui el cheuikl el l echukl me ng mo 
mechechichuiu."
 
A Charlotte a milengaus el mo er a bab e me er a eou el mengisois 
er a chuklel. Tia el ureor a kmal ucheuidel me a Charlotte a di uleba 
e ng mocha metuda klebesei. Me ng mesulula e dirrek el kmal 
mesula a bedengel me ng mocha di ngi  el mengedecheduch er 
ngi  el ko er a olekar er ngi  e meruul er ngi  me di leko er a meses. 
Chomko ng mla er ngi  a chad el mla er a bita er tia el blil a charm e 
ng mle sebechel remenges aika kid el tekingel a Charlotte:
 
"A dongaus er a 'O' e kede mo er a bab e mengaus el meliuekl el 
metengel e meliuekl el lmuut el ngmasch. Se kid ng meaiu a chuklel 
e ungil el chaibibeob. Ng kmal kot el ureor. Elechang e ng 'T'. Me 
ak ngmasech e mengaus el melemalt el me metengel el ta e lmuut 
el ngmasech e oisisi  el me metengel e ngelrekui el chelechedal a 
'T'. Elechang e ng bebul a bo kungaus er ngi  e lomuchel er a katur 
e mengaus el bedul a kadikm. Ng kot se el kot el cheleuikl me 
chelecha e ak oisisi . Mo kokokau e ng ul ebongel er a chuklem me 
ng mo el mo chebirukel . . . ng kot . . . tia kid e mereko e mdibkur. 
Ke kmal kladikm!"
 
Me aika el cheldechedechal a Charlotte a ngilsuir me ng rirekir a 
chuklel el kmal mle meringel el ureor. A bocha lemerek e ng kmal 
songerengerang me ng mocha nguu a kekeriei el charm el 
lekildmekli  el mei me ng koli  e mocha bad.
 
 85 
A bocha letutau e a Wilbur a meki s me ng dechor er a eungel tia el 
blil a Charlotte el blekebek a medal e melai er a ungil didichel a sils 
e outeli l a ungil el mekelekolt el cheluut. Ng dechor el kmal ungil a 
rengul me ng rul i  tia el lel echukl el tekoi 'KOT' el ko er a kmal mo 
bleketakl e ungil me a lemei a Lurvey el me melecha a kelel e ng 
mesa a l echukl me ng kmo, "Ng kuk ta er a ongasireng el tekoi."
 
A Lurvey a rirurt el mo omekedo er a Homer. Me a Homer a oleker 
er a bechil er a Edith. Me a Edith a oudengua el mo er a Arable el 
chad er a blil a Fern. Me a rua Arable a ngmasech er a mlirir e 
merema el me omes er a Wilbur. Te mei me te kldibel e a lomes er 
a bubuu e menguiu er tia el tekoi el 'KOT' e a Wilbur a dechor el 
melisorech er ngi  e le ng kmal dmeu a rengul er ngi  el ko er a kmal 
mla mo kot el babi .
 
"Ng 'KOT.' Ngika el cheremed a mera el mla mo kot el babi ," ng 
mil ekoi a Homer el ko er a kmal dmeu a rengul. "Edith, ak umdasu 
e ng ungil a obo moudengua el mo er a chad er a chais e mouchais 
er ngi . Ng ulterekokl el soal el mo meluches el kirel tia el 
ongasireng el tekoi. Ng ultebechel el soal el mo meluches er ngi  er 
a simbung e dirrek el diak lokor el mo soal el nguu a siasing er a 
Wilbur el dechor er a eungel tia el l echukl el 'KOT'.
 86 

 
Tia el ongasireng el tekoi a mlo merael a chisel me a rebetok el 
chad a mle omes er a Wilbur. A rebetok er tirka el mlei el chad a 
osisiu el chad el mle omes er a Wilbur er se er a lekot el meluches 
se el di mla tekoi el kirel, "REBABII".
 
A mocha kebesengei er a di osisiu el sils e a Homer a mlo met a tul 
a kerebou. Ng omet a tul a kerebou e di omdasu er a klungiolel a 
cheremel el babi .
 
A Homer a ulemekedo er a Lurvey, "Lurvey, chelecha el mo er a 
 87 
medad e ng diak a chimo el dechil a kerebou el mo mechoit er a blil 
a Wilbur. Chelecha el le 'KOT' a cheremed e ng soak a lebo el bek 
el sils el momtechei a dukel el el chudel. Ke rirenges?"
 
"Chochoi." Ng ulenger a Lurvey.
 
"Ng dirrek el soak a chobo mrel i  a blil a Wilbur el mo er a omerael. 
Ng soak loba el mo er a himbiokai er a l uich me a eua el 
kebesengil a ongeteruich el buil. E soak a omchesbereberi  a blil el 
mo mel emau a bedengel e a l echukl er ngi  a mo ua bedengel a 
kolt." A Homer a liluut el dmung. 
 
"Ngera a mo l echukl er ngi ?" ng uleker a Lurvey.
 
"Ke mo luchesi  el kmo, 'CHEREMEL A HOMER EL MERAEL A 
CHISEL!'"
 
A Lurvey a ngiluu a mlai el mo melai a beches el chudel. Me ng di 
merael e kmo, "A doucharm a meklou a belkul el babi  e ng kmal 
ungil e ng di belkul a kmo ng mo betok a ureor."
 
Ng mla er ngi  a klou el ongebitel er a eungel a chimo el klou el 
iedel el ngar er a bita er a rael. Tia a longoit a bekel bedengel a 
besbas er ngi . A rua beached, butiliang, babier, mechut el bail me 
a betok el bedengel a di kea lousbech a rechad el klalo.
 
Tia a lodengeli  a Templeton e kmal mle soal e le ng betok a ungil el 
omertelel er ngi . Ng dirrek el betok a beached er dirk ngar er ngi  a 
chesechesemel a kal  er ngi  me ng sebechel el mengang.
 
A Templeton a dirk mla er ngi  el ongebitel me ng ng omeseues e 
losi k a soal. Tia er a l uut el me remei e ng sildeli  a ta er a l el a 
babier el ngar er ngi  a l echukl er ngi .
 
A Templeton a ngiluu tia el babier el mochoti  er a Charlotte e kmo, 
"tia ng ungil, ng diak?" A mle l echukl er tia el babier a kmo, 
'MEKEREKOR'. 
 
"Tilecha se el kmal mekngit." ng ulenger a Charlotte e kmo, 
 88 

"Tilecha se el lesa Homer e ng kmal mereched a uldesuel el mo 
omdasu a mangtekang me a cherredoched el lekel a babi  el mo 
sngesongeb a dongang. E kid a diak lsoad el remuul a uldesuir el 
mo omdasu er a Wilbur el kmo ng ungil el kal . Ng soad el remuul a 
uldesuir el mo omdasu er a Wilbur el kmo ng ungil el charm. Me 
mei me mluut el outekangel el mo osi k er a lmuut el ta er a tekoi. 
Adang e Templeton?"
 
A Tempelton a mengisngul  e mechib el lmuut el merael el mo er a 
ongebitel. A l uut el mei e ng oba a kekeriei el mamed el lengiluu er 
a cheri er a mechut el chelechedal a bail. Ng ulecholt er ngi  e oker, 
"Tia ng ungil?"
 
A Charlotte a ngiluu e omes er ngi . E a longuiu er ngi  e ng kmo 
'TSIZIM' (olekimer, ng mekurs el mo kekeriei). "A rrach le 
 89 
Templeton, tia a diak lsoad e lousbech er ngi . Ng soad a Homer a 
bo lomdasu el kmo a Wilbur a kedelbuu el metikm a bedengel e 
diak lebechachau. Mei me kulengit er kau me mluut el mong me 
mosi k."
 
"A chomomdasu er ngak e ak ko er a bekord blil a odercheliu," ng 
milengeremrum a Templeton. "Ng diak lsoak e lousbech a rokui el 
temek el omais el mo er a ongebitel el mosi k a l echukl el tekoi."
 
"Ak ulengit me di mluut el di ta el bong?" ng ulengit a Charlotte.
 
"Msal  e kuuchais. Ngar er ngi  a blil a kona sob el ngar er a tensio 
el ngar er ngi  a l echukl me bai bo knguu a telkib er se el ngar er 
ngi  a tekoi er ngi ."
 
Ngilasech a Templeton el mo er a tensio e mo dibus. A l uut el mei 
e ng blengechel er a mel emau e becheleleu el bebul a blil a kona 
sob.
 
"Tia kid! Ka mosang, ng ungil ng diak?"
 
A Charlotte a ngoura e menguiu aike el l echukl el kmo, 
'MOUSBECH E BOM KLEBOKEL'.
 
"Ngera belkul aika el tekoi el 'MOUSBECH E BOM KLEBOKEL?'" 
ng uleker a Charlotte e le ng dirkak el ta el lousbech a kona er a 
klengar er ngi .
 
"Ak mekera e mo medengei a belkul a l echukl el tekoi?" ng ulenger 
a Templeton. "Chelecha e ke oker a belkul ailecha el tekoi el kngilai 
el mei. E a deluut e ke kuk oldurech er ngak el mo osi k er a zibiki el 
mo sebechem el smi k a belkul aika el tekoi er a chelsel."
 
Te luueta el menguiu e omdasu e melechedech er a belkul. A 
Charlotte a liluut el menguiu aika el tekoi el mekekokil e dula el 
kmo, "Wilbur!"
 
A Wilbur el milechiuaiu a di milkerokl el me dechor.
 
 90 
"Ka mrurt el meliuekl!" ng mil ekoi a Charlotte. "Ng soak lomes er 
kau el meruul a bek el bedengel a tekoi e mesekau el kmo ke 
'KLEBOKEL' ng diak."
 
A Wilbur a remurt el tmurk er a bita el mekesokes el lmuut el remurt 
el mo er a bitang.
 
"Ka mluut el remurt el mei!" ng uleldurech er ngi  a Charlotte.
 
A Wilbur a milechesokl el mong. A bedengel a melidi ch se el 
lesbechi  er ngi  a didichel a sils.
 
Me a kemril a mla mechirocher el kmal klebokel.
 
"Ka msechesokl el mo er a bab!" ng liluut a Charlotte e loldurech er 
ngi .
 
Me a Wilbur a riredekekl el mo merael er a bab.
 
"Mlemalt a chochim e mdeur a chelechedam me a chome er a eou 
e a dingam le balsebechi  er a chutem."
 91 

 
A Wlbur a orrenges e meruul a rokui el lolekoi a Charlotte.
 
"Momaitarekub! Molitai e momelebult er kau!"
 
Ng ulemaitarekub e melitai el ombebelelbult er ngi  a Wilbur.
 
"Moubeteteluut el merael!"
 
A Wilbur a milrael el oubeteteluut.
 
"Ng ungiang e Wilbur. Mereko e bo bad e molengul  e tia a kmal 
 92 
lungia el ureor el bla mrel i ," ng dilu a Charlotte."Tempelton, ak 
umdasu e tia el tekoi el kirel a kona a ungil. Ng diak ksa el 
medengei el kmo aika el dechal a Wilbur me a sesengel er a 
omelechesokl ng rul i  me ng mo klebokel ng diak e ng di ak 
umdasu e te betok a remo semeriar er aika el omerel el."
 
"Ak umdasu e te ultebechel el mo sorir," ng mil ekoi a Wilbur el ko 
er a mesel e semeriar. "Ak ko er a kmal lomelechesiu er ngak el 
kmal  'KLEBOKEL.'"
 
"Ei ?" ng uleker a Charlotte e omes er a Wilbur el ko er a mad el 
klikmechur e dmeu a rengul. "Kau a kmal ungil el babi  me a 
klebekelem a di meleketek. Me chelecha el bla mocholt el lungil e 
ng kired el churrengeli ."
 
A Wilbur a chiliti  el mo mechiuaiu e a bo lebad e ng telkib el mo 
mekekad a bedengel e le aika el beches el chudel a dirk melebleb. 
Me ng osesei a chudel el mo er a bita e ngi  a mo bad er a bebul a 
dechil a kerebou el soal e le ng medemedemek e mekekelkolt. Ng 
mechiuaiu e di ngi  el mengedecheduch er a rengul el kmo . . . "Ng 
mera el betok a demechesa er ngi . Se er a le 'KOT' me lemei a 
rechad e ng kirel di dechor e osus e olecholt er a kle 'KOT' er ngi  
er a rechad. Me a chelecha e ak kmal mesula er ngi  e me oldingel 
a Fern me ng di kea el sebechek el milil e olecholt a sesengek." E 
ng di a Fern a mlei oldingel me ng di dengchokl er a kingal  er a tkul 
a blil a Wilbur e omes er a recharm.
 
"Charlotte, ka mongedecheduch el chelid e kurrenges?” ng ulengit 
a Wilbur er a lemechiuaiu el dirkak  lei t a medal.
 
A Charlotte a dirrek el kmal mle mesaul e mocha outekangel el 
oltirakl e melemolem a soal a Wilbur.
 
A Charlotte a mocha mengedecheduch el kmo, "A ta er a klebesei 
e a ngelekel a ta er a delak el kmal klebokel el dil a rirel i  a blil er a 
bebul a omoachel. Tia a mle ulak er a bita el omoachel el mo er a 
bita el ua kekeriei el did. E a ta er a klebesei e a chimo el kekeriei el 
ngikel a suchesokl el lobuked er ngi  me ng kmal mlo mechas a 
rengul ngika el merrengek. Ngika el ngikel a uluuedikel el melubet 
 93 

er ngi  e ng di merrengek a miltengel el morekedi  el sokdi  el 
mengel akl er ngi ."
 
"Me ng mlo sebechel el orekedi ?" ng uleker a Wilbur.
 
"Tia se el diak dobes er ngi  el tekoi," ng mil emolem er a 
cheldechedechal a Charlotte, "ngika el ngikel a mlouuked el di 
chimo el techebel a mle telecherakl. Me a blil a merrengek a di mle 
kurs el mo mibaib el di kileed e ng mo subechi  er a ralm."
 
"Ngika ng mle tela el bongd el ngikel?" ng uleker a Wilbur.
 
"Ng diak kudengei el kmo ng mle tela el bongd," ng ulenger a 
Charlotte e lmuut el melemolem er a cheldechedechal. "Me a 
merrengek a metengel e ngmasech e mengchi  a bdelul ngika el 
ngikel. E kuk metengel e omidokl a uuked el mo omuked er a kemril 
ngika el ngikel. Ng di tia el kemril a diak lebo lechelel akl me ng 
 94 
mocha kmeed er a chelechedal e morekedi  el mudi  e rongedi  el 
rokir."
 
"Me ng milekera er a rrengedi ?" ng uleker a Wilbur.
 
"Ng dimlak lokerang," ng ulenger a Charlotte. "Ngika el ngikel a 
mlo diak a chiolel e lengebeti  e le a merrengek a dimlak a kokil er a 
lorenged er ngi  me ng di milrael ngika el ngikel el kmal mo 
mechitechut."
 
"Me ng milekerang?" ng uleker a a Wilbur.
 
"Ng dimlak lokerang," ng ulenger a Charlotte. "A merrengek a di 
milecherei me ng klebikl me se el lebo lungil ku el kal  e ng mochu 
menga er ngi ."
 
"Ka mluut el chudechedechar a lmuut el ta er a cheldecheduch?" 
ng ul engit a Wilbur.
 
Me a Charlotte a liluut el mengedecheduch er a cheldechedechal a 
chedal el mle chad er a melidiul.
 
"Ngera a melidiul? ng uleker a Wilbur.
 
"A chad er a melidiul a ngike el ousbech a huseng el suebek er a 
bab," ng ulenger a Charlotte. "Ngika el chudelek el mle chad er a 
melidiul a blechoel el mo dechor er a bdelul e otobed a betok el uid 
e rul i  a huseng e suebek er a melidiul el mekekeald a eltel."
 
"E a ng mera me a lechub e ke kuk melibech a chais e Charlotte?" 
ng uleker a Wilbur.
 
"Aika a mera el tekoi el kuuchais," ng ulnger a Charlotte, "ngak a 
kot el betok a rechedak el di merael a chisir e le te kmal meduch er 
a betok el tekoi. Me bai di lebo er tia e Wilbur e bai bo bad e ng 
kmal mla imis  a temel a cheliuem."
 
"Mei me di kluut el olengit er kau e Charlotte me dilta el mchitekli  a 
chimo er a chelitakl," ng ulengit a Wilbur e mutek a medal el 
 95 
omechiuaiu er ngi .
 
Bo bad e merrengei
E lak omedakd e lak obekikl
E ng kebesengei me ngchelel akl a rokui
Me ng sebechem el olengul  e diak a 
Me mengesa er kau!
 
Uchei er a rrekir a cheselsel a Charlotte e a Wilbur a mla imi t a 
medal. A Fern el ul errenges er tia el chesols a di rirekir e meki s el 
merola el mocha remei.
 
 
 96 
XIV TOKTANG EL DORIAN
 
Ng tutau er a Sabadong me a Fern a dechor er a uum el mesuld a 
belatong el lol ib a delal. Te oureor e a delal a dilmuk e oureng el 
kmo, "ulekum me a Fern me ng diak lebo er a blil a Homer el mo 
oldingel a charm e kuk bai mo er a i kl me ng milil ngi  me a 
resechelil."
 
"Chedil, a Charlotte a mera el meduch el mengedecheduch el 
chelid," ng uluuchais a Fern er a losuld a kob.
 
"Ak ulengit er kau e rungalek me lak molibech a chais. E ng dirkak 
a rebubuu el mengedecheduch."
 
"A Charlotte a sebechel. Ng diak leklou a ngerel a longedecheduch 
e ng di ng sebechel."
 
"Ngera el cheldecheduch a lulengedecheduch er ngi ?"
 
"Ng uluuchais er a merrengel el milekedi  a ngikel er a blil. 
Chomodasu e ng diak lungil el cheldecheduch?"
 
"Fern, omodasu e ng sebechel a chimo el ngikel el obuked er a blil 
a bubuu? Tia a kmal chemolt el diak lsebechel duubech el tekoi. 
Mei me kulengit er kau e rungalek me lak molibech a tekoi."
 
"Aika a kmal mera el tekoi," ng ulenger a Fern e kmo, "A Charlotte 
e chedil a diak lebulak. Ng uluuchais er a merrengel el rirel i  a blil er 
a bebul a omoachel. E a ta er a klebesei e a kekeriei el ngikel a 
suchesokl el obuked er ngi . Ng uluedikel el melubet er ngi  me tia 
el blil a bubuu a kmal mlo obereod me ng mo er a eou el soal 
subechi  er a ralm. E a merrengel a Charlotte a mo orekedi  el 
locheti  e mengchi  a bdelul me ng di mlo mengerderid a kemril e . . 
. ."
 
"Fern, lemerkong. Mereko mdebesi  a chisem me a klungel a chais 
el blam dibech," ng dilu a delal.
 
"Ngak a diak kulibech aika el chais. Aika a mera el tekoi," ng 
 97 
mil ekoi a Fern.
 
"Me ng ngera a mlo ulebongel er a cheldechedechal a ngikel me a 
bubuu?" ng uleker a delal el ko er a mla mo soal el medengeli  a 
cherrengelel tia el cheldecheduch.
 
"A merrengel a Charlotte a mlo mesisi ch. Ng milekodir a ngikel e 
mecherei me ng l echotel me se el bo el ungil el kal  e ng mochu 
menga er ngi . E le rebubuu a di ua ikid a rechad e lomengur."
 
"Ei ! Ng mera el tekoi el didediul el ousbech a kal ."
 
"A Charlotte a dirrek el ngar er ngi  a ta er ngi   el mle chad er a 
melidiul. A leko sebechel el mo dechor er a bdelul e otobed a uudel 
el rul i  a huseng e suebek el mo er a melidiul. Ng diak lsoam e 
chedei el mo ua isei?"
 
"Ak umdasu e ng locha soak," ng dilu a delal e kmo, "Rungalek, ak 
umdasu e ng locha bai ungil a lak kobo moldingel a charm er a blil 
a Homer e bai kuk bo moilil el obengterir a resechelim. A dechad e 
ng diak lsa el ungil a di de blechoel el di kid el ta el ileakl."
 
"Di ngak el tang? Ke dilu el kmo ng di ngak el ta el ileakl?" ng 
uleker a Fern e kmo, "A blil a charm a mui er a resechelik. A dengar 
er ngi  e kede mechelaod e le ng meseked e betok a ungil el 
cheldecheduch me a omilil er ngi ."
 
A Fern a tilobed e mededechor el mo milil er a blil a Homer e 
oldingel er a recharm. A delal a melemed er a blirir e di omdasu er 
a ngelekel e kmal sobeka a rengul el kmo, "a rengalek e dirkak a 
kuk kmal me semeriar a charm el ua Fern. Ng locha bai ungil ak bo 
kusa a toktang e kulengit er ngi  me lengesukak er a uldasu el kirel 
a Fern." Me ngmasch er a mlai e omekal  el mo er a obis er a 
Dorian el toktang.
 
A Dorian a chesechesomel el toktang el kmal ungil a rengul e ungil 
el mo er a rechad. A lebo a delal a Fern e a Dorian a ochoti  a ungil 
el kingal  me ng mo dengchokl e te chadecheduch.
 
 98 
A delal a Fern a mocha mengedecheduch el kmo, "Ak mle el me 
mesaod er a ngelekek er a Fern. A Fern a kmal blechoel el di mo 
oldingel er a recharm er a blil a Homer. E se el lebo e ng mo 
dengchokl er a kekeriei el kingal  er bita er a blil a babi  e di kiei el di 
omes e orrenges a charm el mo milkolk."
 
A Dorian el toktang a mo ulsirs er a kingel el e mutek a medal e 
orrenges e kmo, "Ng ko er a kmal ungil. Ng locha ungil el kel echakl 
a blil a charm. Ngike el Homer a ngar er ngi  a cheremel el sib ada 
ng diak?"
 
"Chochoi, ngar er ngi  a cheremel el sib," ng ulenger a delal a Fern. 
"E ng di uchul a omerolel a Fern el mo er a blil a charm a mo omes 
er a babi  el Wilbur a ngklel el mle cheremam el lulemekeroul er ngi  
a Fern. E tia er a belenguu a Homer el mo er a blil e ng mlo 
omuchel a Fern el mo omais el mo omes er ngi  el me lmuut er a 
chelechang."
 
"Choo! Ak mla remenges a chisel a Wilbur. Te kmo ngileakl er a 
rebek el babi ," ng milok a medal a toktang e melekoi.
 
"Ke mla remenges a chisel aike el mle l echukl er a blil a bubuu?" 
ng uleker a delal a Fern.
 
"Chochoi," ng ulenger a Toktang.
 
"Me ke medengeli  a uchul e ng ngar er ngi ?"
 
"Ngar er ngi  a ngerang?"
 
"Ke medengeli  a uchul aike el l echukl er a blil a bubuu?"
 
"Ng diak. Ng kmal diak kudengeli  a uchul. A lebo e ng di chuklel a 
blil a bubuu e ng diak kudengei el kmo ng mekera a longaus er ngi  
e mekera e mo medengei a l echukl el ngar er ngi . Se el kmal 
ongasireng e le ng diak a chad el medengeli  a uchul e ng meruul a 
ua isei el tekoi."
 99 

"Ngera a kmal ongasireng er a l echukl el ngar er a blil a bubuu.  A 
blil a bubuu a diak a ongasireng el kusa er ngi ."
 
"Ke mla ta el mchusi  a chimo el blil a bubuu?"
 
"Ng dirkak," ng ulenger a delal a Fern e merech er ngi  er a kingelel 
e le ng diak lesa el soal tia el cheldecheduch e kmo, "Ng di ngak a 
meduch el ousisiu e mengaus a bail a lemesodel."
 100 

 
"Ng merang! Ke meduch el mengaus e ousisiu e le ng ngar er ngi  a 
chad el lulsisechakl er kau, adang, ng diak?"
 
"Chochoi . . . ng delak a ululsisechakl er ngak."
 
"Me ka mosa. A bubuu el kekeriei e meduch el mengaus er a blil e 
mocha mengaus a l echukl el dimlak a chad el olsisechakl er ngi , 
ng diak longasireng el tekoi?"
 
"Ng mera el tekoi e Toktang. Ng kmal dimlak kudesui  tia el tekoi el 
bla mdeli . Ng kmal dirk rrau a renguk er aike el l echukl el kmo ng 
milekera e mo l echukl er se el blil a bubuu. Ng kmal chetik a lak 
omesodel a tekoi el duubech e le ng mengesa er a bdeluk."
 
 101 
"Kede rokui el soad a lemesaod a tekoi me bo dodengei. Me ngak 
a Toktang me ng kirek el medengei a betok e ng di diak kudengei e 
diak kbechei me longesa er a bteluk."
 
"A ngelekek a ouchais el kmo a recharm a mengedecheduch. 
Chomomdasu e Toktang e ng sebechir a recharm el 
mengedecheduch?"
 
"Ng dirkak krengesi  a chimo el charm el mengedecheduch e ng di 
diak lebelkul a kmo te diak longedecheduch. Ng sebechir a 
recharm el mla mengedecheduch er ngak e ng di dimlak rengesterir 
e le ng dimlak kurrenges. A lsekum me a Fern a kmo a recharm er a 
blil a Homer a mengedecheduch e ng sebechel el mera el tekoi. E 
le rengalek a ungil el chelel akl e orrenges er a recharm me te 
sebechir el remenges a tekoi e kid a remeklou a di mechesa el di 
mengedecheduch me a dingad a mo diak lrrenges a kuk bebil er a 
tekoi. Chokmo kede mo lmuk e ng mo sebeched el kuk rongesterir 
a recharm."
 
"Me a leua isei ku e kele ng diak lekirek el bekikl er a Fern."
 
"Ng ko er a mechitechut?"
 
"Ng diak. Ng kmal mesisi ch."
 
"Ng ungil el omengur?"
 
"Chochoi. Ng kmal ungil el omengur. Ng bekesengerenger me ng 
blechoel el omengur."
 
"Ng ungil mechiuaiu?"
 
"Chochoi."
 
"Me a da lak lesebek a rengum er ngi ."
 
"Chomomdasu e ng di ngi  el mo tmurk a rengul er a recharm e kuk 
mo omdasu a ngodech el tekoi?"
 
 102 
"Ng tela a rekil a Fern?"
 
"Ng eai."
 
"Choo! Ngika kuk dirk kekeriei me a uchul me ng di omes a charm. 
E a lorael el mo klou e ng kuk mo er ngi  a ngodech el soal er a 
klechad. Te ngar er ngi  a remekekeriei el sechal el lodengelterir?"
 
"Ng medengeli  a Henry Fussy."
 
"E ach, me tia a kmal diak a kngtil a lodengeli  a Henry Fussy. Ng 
diak lemeketeket e ng mo betok a ungil el sorir el mo er ngi  el teru 
me a Fern a di ngi  el mo mechesa e mo diak lesa el mo duum er a 
blil a charm. A rengalek a merederodel a rengrir me te meruul a 
betok el kakerous el tekoi er a bek el rak. E ach, e a ngelekem er a 
Avery a ua ngerang?”
 
"A Avery a kmal mesisi ch e i mis er a telekangel. A lak lechubel a 
cheluch e lolebsel a charm er a del omel e ng torakl a blil a hats me 
ng obetuut. Ng mdechem a bersoech me a dechedech el lotuu er a 
blai me ng di mo diak leblai a blimam. Me a rokui el klalo el rrutech 
a di metemal  e ng di ngi  a kmal mesisi ch el diak a secherel."
 
"Sei a tekoi a desechal. Ng kmal el smi ch a renguk er ngi ."
 
A delal a Fern a ko er a kmal ungia a rengul me ng mereng a sulel a 
Toktang e melemesumech e ri eda el mo remei.
 
 
 103 

XV CHEREMEL A CHULL
A chermel a chul  a ngar er a delul  a chudel e mengitakl.  Te 
mengitakl a chelitakl er a temel a kleald el mochu merek el hu er 
ngi  a di melemalt. “A temel a kleald a mereko e dibusei,”  te 
mengitakl.  Mereko e dibusei, mereko e dibusei.  A temel a kleald a 
medei, medei.
 
E aika el cheremel a chul  a ua bla lenguu me ng urrerir el omeklatk 
er kid el rokui el kmo a temel a kleald  a diak lak a ulebengelel.  Me 
a dirrek el kmal klebokel sils er a rak. Me a sils er a temel a kleald a 
mengedecha  me a  chermel a chul  a mengitakl el ouchais er a  
chisel a klengiterreng me a beluu el kuk ngedechang.
 104 
 
A rebek el chad rirenges a cheliteklel a chermel a chul .  A Avery 
me a Ferm Arable a rirenges aika el chermel a chul  er a lorael er a 
kmal di hokori el rael.  Te mlo medengei el kmo ng di kmedu el 
soiseb a skuul.  A ngelekel a debar a rirengesi  me te mlo medenge 
el kmo ng di kea l uut el mo ngeasek.  Charlotte a rirengesi  me ng 
mlo medengei el kmo ng di kea a kmal temel el medechel.   A Mrs. 
Zuckerman a oureor er a chelsel a uum e rirengesi  a cheremel a 
chul  me ng dirrek e mlo mekngit a rengul.  A ta er a temel a kleald 
a riedang, ng melekoi.  A Lurvy a oureor el meleketek er a kahol  er 
a Wilbur, e dirrek el rirengesi  tia el chelitakl me ng mlo medengei el 
kmo ng mla mo temel a omengi s el chemuti .
 
“ A temel kleald a mereko e riedang,”  ng liluut el mengitakl a 
cheremel a chul .  “ Ng tela el klebesei e ng mo er ngi  a kori?”  ng 
mengitakl a cheremel a chul .  “Mechikung e temel a kleald, 
mechikung, mechikung.”  A resib a rirengesi  a cheremel a chul , 
me te kmal mlo bekikl me te tirrudi  a telkib er a kakine e tuobed el 
mo er a sers el ngar er a bita el rael. A Ngiradebar a mesa tia el 
kliokl me ng chotekeli  a butai er ngi  el mo tuobed. Te tuobed el 
mo er a uchul a iedel me te menga aika el rodech el di mla mo 
mark e ruebet.
 
Tia se el taem el kmal klunga a osengelel a Wilbur. A kelel a di 
meleketek me ngika se el kmal di omeka ku klebesei. A rechad a 
nguibes er a klungel el leko di lenguu me le cheremir. A ta er a 
klebesei e te mle mekideb a bekord el dart el chad el me omes er a 
Wilbur e omes a beches el tekoi el dirk lil uches a Charlotte. Te 
kldibel el omes er a Wilbur e menguiu er a tekoi el 'KLEBOKEL' e a 
Wilbur a kmal meruul a medal e omekebek er ngi  e lolecholt er a 
kldelebungel. Aika el ildisel a tekoi el bla  l uches a Charlotte a kmal 
di mo ungil er a Wilbur e le ng meduch el rul i  el mo 'A REBABII' e 
ng meruul er ngi  e leko ng ileakl er a rebek el babi . Me a l echesi  a 
'KOT' e ng omeklemalt er ngi  e meruul er ngi  el kot. Me chelecha 
el dirk el lilechesi  a 'KLEBOKEL' e ng dechor el meruul er a 
teletelel el kmal ungil e klebokel.
 
Ng dirrek el kmal meringel er a Wilbur a dechor el olecholt er a 
klebekelel. E ng di ngi  a kmal meduch el orrenges aike el lolekoi er 
 105 
ngi  a resechelil e meruul aike el lomdasu e ng mo sorir tirka el 
chad el omes er ngi . Me ng dechor e omtebutek a medal. E a 
lomes me bla el turk a rengrir a rechad e lomes er a medal e ng 
otuu a telil e suchesokl el mo er a bab e me metilech er a eou e 
ousakadats e mengiud er ngi  me a rechad a mo kaiudiu e 
omrotech el kmal ungil a rengrir. "Ngera a uldesuiu er a 
"KLEBOKEL" el babi  a leua isei?" Ng mil ekoi a Homer el kmal 
dileu a rengul. 
 
A rebebil er a resechelil a Wilbur a mle telkib el suebek a rengrir el 
kmo ngika el Wilbur a lenga a betok el chetengakl e ke le lebai 
letemeli  me lebo lekedidai a rengul. E ng di a Wilbur a kmal ngar er 
a eou a rengul e diak lenga chetengakl el ruli  me bo lemead. Aika 
el chetengakl el kmal betok el kirel e ngi  a kmal dirk kebekikl e 
suebek a rengul el kmo a Charlotte ke le bolak losebelak. Me a 
lebebil er a klebesei e bo lebad e ng omerous el leko a rechad a me 
melai er ngi  e lolab e boes me a oles. Ng di se el lemel omes e ng 
kmal ungil a rengul e diak lemedakt me a ka lebekikl. A uldesuel er 
a resechelil el kmal ungil er ngi  a rireli  me ng kmal dmeu a rengul. 
Me a cheliteklel a cheremel a chul  a rirel i  me ng menga el mo 
semeriar e le a temel a himbiokai a kmedang me ng mo sebechel el 
mo e a lta lebo el lsebechel el mo kot me a Homer bo lak bo 
lomekoad er ngi .
 
A Charlotte a betok a lebekikl el kirel e ng di kmal di lmuk e diak 
longerodech. A ta er a tutau e a Wilbur a uleker er ngi  el kirel a 
himbiokai.
 
"Charlotte, kede mo dmak el mo er a himbiokai a da ng diak?" Ng 
uleker a Wilbur.
 
"Ng diak ksa el medengei e le himbiokai a mo er ngi  er se el temek 
el diak lsebechek el mo cheroid er a blik." ng ulenger a Charlotte.
 
"E ngerang?"
 
"E le ng betok a ruol  er tia me ng kirek el di kiei."
 
"A chedil e Charlotte. Ak ulengit me mobengkek el mo er a 
 106 
Himbiokai e ng kmal diak lsebechek el mo e kau lak kobong?"
 
"Ng diak. Ak umdasu e ng ungil a ke kiei e kues a kuk sebechek 
me kruul."
 
"Ngera ruol  er tiang?"
 
"Ng mla mo temek el omechel  me ng kirek el remuul a tutuu el blil 
a ngisek."
 
"Ng kmal dimlak kudengei el kmo ke omechel  a ngais." Ng mil ekoi 
a Wilbur el kmal mechas a rengul.
 
"Ei . Ng diak modengei el kmo ak matik."
 
"Ngera a belkul a matik... ng belkul a kmo ng betok a ngisem?"
 
"Ng diak e kau. A matik a belkul a kmo, ng sebechek el meruul er a 
chimo er a ureor e meltak me ak rul i  a chimo e mo er a chimo me 
a chimong.
 
Ng diak ledi lomengaus me a omuked el kal  a sebechek el ureor. 
Ng dirrek el betok el bedengel a tekoi a sebechek el remuul."
 
"Ma da me me debo er a himbiokai e momechel  er sei. E ak 
medengei el kmo ng kmal mo ungil a rokui el tekoi a dedak el mo el 
terung."
 
A Charlotte a mle ta el louedikel er a blil me ng meririau e ng kmo, 
"Ak umdasu e ng diak  lsebechek el mo e Wilbur. Ng meringel er 
ngak a mesaod er kau er a rolel a cherel ek me a omengetmeklel a 
ngisek me a rokui e le bebil er a tekoi a diak dolab a temel. A bo el 
temel a ngais el mei e ng mei a dengar er a belngel a himbiokai me 
a lak. E ng di kulengit er kau me lak momdasu er ngak e ke mo el 
mo mesengaked. E dekiei e domes er ngi  me a bo el temel a 
omerael el sebechek e dorael me ng diak e kekiei."
 
"A chedil e Charlotte! Ng kmal ungil a renguk er kau el kmal 
medengei a reng se el dousbech er kau."
 107 
 
Ng ta el sils el di lemechiuaiu a Wilbur er a beches el dukl el e a 
Charlotte a olengul  e omengur el menga er a kelel el chebud. Ng 
omengur e omdasu el kmo a ulengeseuik el mo er a Wilbur a 
kmeda er a ulelebongel. Me ngak a kirek el torekli  a blik e remuul a 
beches el ungil tutuu el mo blil a ngisek.
 
 108 

XVI OMERAEL EL MO ER A HIMBIOKAI
 
Tia el kesus er a uchei er a himbiokai e a rebek el chad a di mle 
kekesus e te mo bad. A Fern me a Avery a mlo bad er a eai el klok. 
Ng omerous a Avery el leko ng dengchokl er a ta er a kingal  er a 
meliuekl el mesil e ng mo meliuekl e a le stob me lebo lechelel akl e 
ngar er se el kot er a bab. A kuk Fern a omerous el leko ng 
meklenga e mesula e lomtar.
 
A Lurvy a mlo bad er a eai el klok me a tedobech. Ng mo 
mechiuaiu e omerous el leko ng mlo er a klaidechedang e nguu a 
kot el nguked el blangket. A Homer me a bechil a mlo bad er a 
chetiu el klok. A Edith a mo bad e omerous er a kmal el klou el ais 
box. Me a Homer a kuk omerous el leko a Wilbur a kmal mla mo 
klou el kuk keklou er a teblo el baffalo. Me a leko ng di ngilai a kot 
el nguked el kirel a rokui me a ribong a di lekilabs er a btelul me a 
chelechedal el mo lmuut er a kemril.
 
 109 
A recharm el rokui a dirrek el di mle kekesus e te mo bad e di ta el 
Charlotte a dirk ke mle mekar. Te ulerreched el mo bad me 
lesebecherir el omkokl el meki s e losa a Wilbur er a uchei er a 
lorael el mo er a himbiokai.
 
A bo lekukuk e ng di mle tutau e a rechad a omkokl el meki s. A sils 
a ngosecha e kmal ungil a eanged. A Fern a meki s er a blil el kmal 
di kmeed er a blirir a rua Homer e merael el mo ongakt a ralm el 
mei me ng melechong. E mo er a blil me ng otungi  a kmal beches 
e ungil el bilel e le ng medengei el kmo a lebo er a himbiokai e ng 
meseked er a rebetok el buik me a rechad. A delal a Fern a 
ngotechi  a iklel a Avery e mili  er a beches el bilel e songdi  a btelul. 
Me a bechil er a Arable a oubail e omengur e tuobed el mo er a i kr 
me ng ngotechi  e ngomedi  a torak e le ng mo oltak er a rechad 
me a Wilbur el mo er a himbiokai. 
 
A Lurvy a kuk di mle tutau e ng meki s el mo locha a beches el 
bokso el ulolel a blil a Wilbur a lebo er a himbiokai. Tia el blil a 
Wilbur a mle chelsbereber er a mel emau el l echukl a ko er a kolt er 
ngi  el kmo,
 
CHEREMEL A HOMER EL BABII EL MERAEL A CHISEL
 
A Charlotte a dengchokl er a blil e kmal ungil a rengul el omes er a 
omengetmokl er a mo er a himbiokai. Me a Wilbur a omengur el 
mekekokil me lak bo lebechesechusem a dingal me a medal.
 
A Edith el bechil a Homer a ngar er a uum e melekoi er a bechil el 
kmo, "Arrach, ngak a mo melecholb er a Wilbur e mengilt er ngi  er 
a cheluch."
 
"A ngerang?" ng uleker a Homer.
 
"Ak mo mengilt er a Wilbur er a cheluch. A delak el mechas er a 
lekiei e ng ul ab a cheluch el mengilt er a cheremel se el lolecholb 
er ngi . A cheluch a remuul a i dek me ng mo mimiumk me ng 
sebeched el ngotechi  el mo beches e kuk choilti  me ng mo 
chedidi ch,” aika tekingel a Edith. 
 
 110 
"E ng di a Wilbur a diak lidokel,” ng mil ekoi a bechil.
 
"A dingal a kmal el idokel e le se el lebo lomeka er ngi  a Lurvy e a 
osechel a kelel a ruebet er a dingal e mo medirt me ng kmal kltukl 
el bechachas. E dirrek el se el lemechiuaiu e ng mai a i dek er a 
dechil el lebad er a bebul."
 
"E ng di ngika a dibad er a bebul a beches el bokso." 
 
"A le beches me a lidokel me ngi  a di bo kulecholb er ngi ."
 
A Homer a mo lmuk e mo dengchokl el omengur e a bechil a mo 
tmuu er a blil a donguu me ng nguu a baket me a cheluch me a 
mechut el mamed me a tauasi e me tuobed.
 
A bechil a omes er ngi  e kmo, "Errang, kau kemedengei a 
chomoruul?"
 
A Edith a di liluk e ng mai aika el klalo el tuobed el mo er a blil a 
babi  me a bechil a di milreko el okiu a ul el. A Edith a di mlo el 
tmuu e mocha tmaut el mengilt er a Wilbur er a cheluch e oba tia el 
mamed el melatech e mengilt er a Wilbur er a cheluch. Me a rua 
debar a di mla me e kldibel e omes e le ng ko er a kmal omosiroi er 
a rengrir. Ng mo lmuut er a sib me a Templeton me te di mlo ultom 
e omes er a Wilbur a lolecholb er ngi . A Charlotte a kmal mlo 
semeriar er tia el omelecholb me ng ulemtar el me er a eou me bo 
el sebechel el mo ungil el omes. A Wilbur a kmal di chelel akl el 
dechor e blutek a medal e mocha omelchesiu a cheluch el 
olechubel er a ulkel me a bdelul. Me se el lemetengel a cheluch el 
mo bedul a ngerel e ng mekengi  a ngerel e nguetem e kmal mo 
ungil a rengul le ng kmal ungil a telemtemul e bochochod el 
melaok. A Edith a ngotechi  el mo merek e mocha suldi  me a bo 
lemerek e ng beches e chedidi ch el babi  el dirkak losa a babi  el 
mo ua ingi . Ng becheleleu e bekerekard a dingal e chedidi ch el 
mengeldoech a bedengel.
 111 

 
A Homer me a bechil me a Lurvy a mocha er a blirir me te melecho 
e oubail. A Lurvy a kmal tuamk a chesemel e oubail el loia a kmal 
ungil el chelchedal a bilel. E a recharm a ko er a dichelita er a blirir 
el diak a rumes er tir e le rechad a kmal di mechesengo er a 
omerael el mo er a himbiokai.
 
A rengelekel a debar a di mlo meleliuekl er a delrir e kmo, "Ng kmal 
somam mam mam omngikemam el mo er a himbiokai," Tirka a di 
mlo mengerodech e di omelekl a tekingir el mo er a delrir.
 
"Rengelekei!" ng ulenger a Diradebar el kmal mle oberaod a ngerel 
el ko er a oungeroel. "Kid a di kiei kiei kiei er a blid. Ng di ta el 
Wilbur-bur-bur a mo er a himbiokai."
 
A Charlotte a ngar er a telia e omdesua el kmo ng locha bai ungil a 
 112 
lorael. Me ng mil ekoi el kmo, "Ak umdasu e ng ungil a kurael el 
obengkel a Wilbur. Ng diak dodengei a mo duubech er a himbiokai. 
A lta e bo lousbech er ngak a Wilbur. Ng kirek el mo e le ak 
meduch el meluches. Me ak umdasu e a Templeton a dirrek el kirel 
el mo e le kede ousbech er ngi  e le ng sebechel el ngar er a 
oderuchel."
 
"Ngak a kmal di kiei er tia el diak kbo er a omerael." Ng mil ekoi a 
Templeton e kmo, "Ng diak a belkul a rua a himbiokai er ngak."
 
"Tilecha a dingerem e lekau el dirkak lta me bo er a himbiokai." ng 
mil ekoi a Ngirasib e kmo, "A rua a himbiokai a meklou el mur er a 
rebeab. E le rechad a ruebet a kelir me a imelir a mechubel me a 
ulengal  a di mo berberi d me se el leklebesei e a rebeab a tuobed 
me te melngot e meruul er a mur er tir. Ng locha diak a ngodech el 
basio el sebechiu a rebeab el mo metik a klungiolel a kal  el mo ua 
ia himbiokai."
 
A Templeton a ko er a kmal mlo meklou a medal er a chesil a 
rengul e uleker, "Ke mera el melekoi? Ke di olengibes er ngak me a 
lechub e ng mera el tekoi aika el molekoi? Ak ko er a kmal mo 
nguibes se el kurrenges a tekingem."
 
"Aika a mera el tekoi." ng ulenger a Ngirasib. "Bo er a himbiokai me 
mngai a chesil a rengum er a ungil el klebesei. Ke mo metik a box 
el ngar er ngi  a der el diokang me a deb. Ke dirrek el mo metik a 
beached el blil a tuna el dirk ngar er ngi  a chesechesemil a odoim 
er a chelsel me a mengchongch el ngar er ngi  a beras er ngi ..."
 
"Mereko e lak mouchais e ak mong," ng mil ekoi a Templeton.
 
"Tia se el kmal  kot e ungil el tekoi e Templeton." Ng mil ekoi a 
Charlotte e meludeu a medal er a Ngirasib. "Ng kmal di kea a taem 
e a Wilbur a bo lolecha er ngi  er a blil er a omerael me ngak me a 
Templeton a kiram el ma mo soiseb e mertemam er a chelsel."
 
A Templeton a kmal di mle mereched el soiseb er tia el blil a 
Wilbur. Ng tmuu e mereti  er eungel aika el bokso.
 
 113 
"Ng kmal  ungiang." ng mil ekoi a Charlotte er a losa a Templeton 
er a lsiseb e leberti . "Elecha e ng kuk ngak a mong." Ng milidab a 
Charlotte el soiseb e merti  er a belsibs er a eungel a kerrekar el 
dengebel tia el blil a Wilbur. 
 
A Dirasib a omes e omteuitech er a btelul e kmo, "Kom kuk bebil er 
a bedengel a telechul . Tia el l echukl a ungil a lemeluches el kmo, 
CHEREMEL A HOMER EL BABII EL MERAEL A CHISEL ME A 
RULTAK ER TIR ER A OMERAEL!"
 
"Ali , te merema rema rema a rechad. Me bertemiu temiu temiu!" ng 
uleldiu a Ngirasib. 
 
Tia el klou el torak a merema el lomekal  er ngi  a Arable. A Avery 
me a Fern a ngar er a uriul el dechor el loreked er tir er a tkul a mlai. 
Me a Homer me a Lurvy a dechor er a eou e ambai er a Arable a 
lomekal  e lolekeed er a torak er tia el lengar er ngi  a Wilbur.
 
A Ngirasib a milengelulau el kmo, "Wilbur, morrenges e kulekoi. Se 
el lenguu a chesimer e bo lolsiseb er kau e kolekes a bedengem e 
meruul er kau el leko ng chetim el mo er a omerael. Ng diak di 
lekau el mo soiseb. Ke mengi l er tir el mo oldubech er kau e ke 
mochu soiseb. E le rebabi  a blechoel el loltamet er tir el oltuu er tir 
er a chesimer."
 
"E ng di olebo  ak ulekes er ngak e ak mo dechudech,” ng mil ekoi 
a Wilbur.
 
"Becheriei a mo dechudech e di morrenges er ngak. Ke olekes er 
kau, e le a lsekum me ke di kau el mo soiseb el diak oltamet er kau 
e a Homer a mo omdasu el kmo ke locha bai kebelung e bai mo 
telkib el medakt er kau."
 
A Templeton a mo ultom e kmo, "Omongoit a bedengem me a odi 
molekes er kau e ngi  di mletkak el kmo ak ngar er a eungel aika el 
bokso e kmal diak  lsoak el motilech e merederd e mosongeb. Ngi  
di mlatk aika el tekingek e meringel el chad el babi  me se lebo 
loldubech er kau el me soiseb e lak mtemel ak."
 
 114 
"Bo mluk e Templeton!" ng mil ekoi a Ngirasib. "Berti  a btelum e te 
merema a rechad. E kau el Wilbur di mchelel akl! E Charlotte, bo 
mungil el mertau!"
 
A torak a mekekokil el me er a bita er a blil a babi  e stob. Ng 
tuobed a Arable el mo er a uriul me ng otengeli  a chesimer e ng 
me metengel a bechil me a Fern me a Avery a suchesokl el 
metengel. A Homer me a bechil a merael el mei omes. Te mo 
dechor el rokui e chemat er a Wilbur me tia el blil el kmal klebokel e 
diak lodengei el kmo ngar er ngi  a beab me a bubuu el ngar er a 
chelsel.
 
"Ng mera el ileakl er a rebabi !" ng mil ekoi a bechil a Arable.
 
"Chochoi, ng mera el kot," ng ulengesenges a Lurvy.
 
"Ng mera el kot el klebokel el babi ," ng dilu a Fern e mocha melatk 
er se er a taem er a el dirk lekekeriei a Wilbur e le ko er a mle sorir 
el omekoad er ngi .
 
"Ng mera el beches e chedidi ch," ng mil ekoi a bechil a Homer e 
kmo, "A cheluch a kmal ngar er ngi  a rel i ."
 
A Arable e ulemes er a Wilbur e kmo, "Ng mera el ungil el babi . Se 
el dosa e ng diak  lsebeched el kmo ng milechel  el kmal kekeriei. 
Ngika a kmal mo ungil el odoim a techel me a lekel se el lebo el 
omekoad er ngi ."
 
Tia er a rrenges aika el tekoi a Wilbur e ng di mlo keterkokl me a 
chaidirengul a mengerderid e mengelulau er a Ngirasib el kmo, "Ak 
umelechesiu er ngak e ak mochu er taorer."
 
A Wilbur a milutek a medal e olengiong el metilech me a klungiolel 
a di riri d.
 
A Fern a uleldiu el kmo, "Ali , ngika a Wilbur el mla metilech!"
 
A Avery a remurt el tmuu er tia el mo blil a Wilbur e kuk oldiu el 
kmo, "Momes er ngak. Ak babi ! Ak babi !" E merael e lolab a teblo 
 115 
el chimal me a chochil el mesuub a babi  a lorael.
 
Tia er a lorael a Avery el mesuub er a Wilbur e a chochil a subechi  
er a Templeton. Me a Templeton a kmo, "Tia ak di milkera e mei er 
ngi  el tekoi! Tirka el mekekeriei el buik ng ko el ngera a klungiolir? 
Ak mera el di mle kiei e osengkak!"
 
A redebar a omes er a Avery el ngar er a chelsel tia el blil a Wilbur e 
choeng er ngi .
 
"Avery, morechedau el me tuobed er tilechang!" Ng mil ekoi a delal 
e kmo, "Ngera uldesuem e tuuenga er tilecha me ke ngar er ngi ?"
 
"Ak babi !" Ng ulenger a Avery e olab a l el a bokso el lolsebek el 
mo er a bab e kmo, "bu-bu-bu."
 
"Ali  tia el torak a merael el olingatech e Edam." ng mil ekoi a Fern.
 
Tia el torak a mera el diak a chad el lomekal  er ngi  e ng mocha 
oltitenganged el mo bedul a eou. Me a Arable a remurt el mo el 
kuresi  a brek me ng stob. A redebar a ulecherchur. E a Charlotte a 
kmal duuesi  er a lengar er ngi  me lak lemoes er a Avery.
 
"Mei e rrokui" ng ulemekedong a bechil a Arable. A Avery a 
milekesako el tuobed er a blil a Wilbur e olengeng er a Wilbur el 
mla taorer. 
 
"Ng mla a taorer a babi !" Ng mil ekoi a bechil a Homer e kmo, 
"Msebsi  er a ralm!"
 
A redebar a kaiuediu el kmal semeriar aika el cheldecheduch.
 
A Lurvy a rirurt el mo melai er a baket el ralm. Me a Fern a 
ngilasech el mo er a blil a Wilbur me ng outubuach e omes er ngi .
 
"Ng locha a kleald a uchul me ng mla a taorer," ng mil ekoi a 
Homer.
 
"Ke le bai el bla lemad?" ng dilu a Avery.
 116 
 
"Morechedau el me tuobed er tilecha el blil a babi !" A delal a Avery 
a uluungeroel er ngi . Me a Avery a tuobed el mei me ng dechor e 
omes er a Wilbur. Ng merema a Lurvy el cheltekil  er a baket el ralm 
me ng subsi  a Wilbur. 
 
"Msebsak!" ng dilu a Avery e kmo, "Ak dirrek el kmal  mekeald."
 
"Bo mluk!" ng uleldiu a Fern. "Bo mluk e btekau". Ng melekoi e a 
medal a kmal el mui er a chiuosech.
 
A Wilbur er a lemekelkelta e ng milekokil el meki s me a redebar a 
mlo kaiuediu er a klungiolel a rengrir.
 
"Ng mla meki s!" Ng dilu a bechil a Arable. "Ak umdasu e ng locha 
a diak  lekelsakl."
 
"Ngak a kot el songerngerang." Ng mil ekoi a Avery. "Ng soak el 
menga a aiskater."
 
"A Wilbur a mla mo ungil. Me le mereko e dorael e ng soak el mo 
omtar e ngar er a mesil el bukitang el meliuekl." Ng mil ekoi a Fern. 
 
Te mocha oldubech er a Wilbur a rua a Homer me a Arable me a 
Lurvy e loltuu er ngi  er a blil el mo er a himbiokai. Te oldubech er a 
Wilbur e ngi  a ko er a olekes er ngi  e meruul er ngi  el leko ng 
chetil el mo er a himbiokai. Me tirka el chad a menga el mocha blak 
a rengrir el mengurs e oldubech er ngi . A Avery a metengel el mo 
me ng olengeseu er tir. A Wilbur a oltab a chochil e melolk e oldiu. 
Me a Homer a kmo, "Ngika a kmal diak lekelsakl el babi ." Ng mo 
er a ul el a Wilbur e tukekli  e kmo, "Ka debong. Moldubech! E 
l uut!"
 117 

Tia er a lodbechi  e losisebi  e a redebar a ulecherchur el chemat er 
a Wilbur. Me a Lurvy a dileel a sersel tia el tuangel me lak el 
sebechel a Wilbur el tuobed. A bocha lemerek e te mocha dmak e 
kideri  tia el lengar er ngi  a Wilbur el ongesechi  er a torak. E kmal 
diak a ta er tir el medengei el kmo ngar er ngi  a beab me a bubuu 
el berrotel er a chelsel le se lomes e ng di ta el Wilbur a losang. 
 
"Mereko e bo dengasech!" Ng mil ekoi a Arable e ngmasech er a 
kingel el e omekal . Me a remechas me a Homer me a Lurvy me a 
Fern me a Avery a mocha ngmasech er a uriul me te dechor el 
loreked er tir er a tkul a torak. Ng merola a mlirir me a redebar a 
mengerodech er a klungiolel a rengrir. A Avery me a Fern a omiroi 
el melmesumech er a recharm e te rieda el mo er a himbiokai.
 
 
 118 
XVII OKDEMAOL
 
Tia er a bocha el stob er a kurangd el ngar er ngi  a himbiokai e a 
mesil el ko er a bukitang a meliuekl me a rengalek el dengchokl 
aika el kingal  a kaocherchur e chacherodech. A ungil el rekodo a 
merael me a bul a kal  a bek el bedengel e kmal ungil. A rechad a 
meseked me a huseng er a rengalek a bek el bedengel el 
mesebesebek er a bab. E kede orrenges er a sbika el melekoi el 
kmo, "Ngike el oumlai er a bibrurek el rotari lebo lenguu a mlil e 
lotebedi  e ng melenget er a lorael er ngi  a rechad!"
 
A Fern a kmal lorecheda me ng kmo, "Ng sebechek el nguu a ta er 
a udoud e ng mla mo soak el mo omais?"
 
"Me ngak me ak tang?" Ng mil ekoi a Avery.
 
"Ngak a mo ousekool er se el dongebis er ngi  el mesil e ulterekokl 
el mo nguu a nguked el oningio," Ng dilu a Fern. 
 
"Ngak a bai mo omekal  aike el mekekeriei el mlai e omes el kmo 
ng sebechek el chumur a ongeu me ng mo katerturk a mlai," aika a 
tekingel a Avery.
 
"Ng sebechek el mo omechar a huseng?" ng uleker a Fern.
 
"Ngak a soak el menga a kukis e melim a aiskater?" ng uleker a 
Avery.
 
A delrir a mil ekoi er a rengelekel el kmo, "Bom chelel akl e msal  e 
ba dokeredi  a babi  e bochu molekoi a somiu."
 
"Msal  e bai debesterir a ududir a rengalek me bo loilil e a himbiokai 
a di dersta er a ta el rak e bochu domdasu er a okeredel a babi ," 
ng mil ekoi a Arable. Ng ulemesterir a dursukolem el sens e kmo, 
"Ali  ailecha a ududiu el ta el sils me komengereomel. E a bo el 
sueleb e ko mei er tiang me kede ousueleb e kom kuk el lmuut el 
mo milil. Ng diak  monga a betok el merekos e le ng mo el mo 
meringel a deliu."
 
 119 
"Ali  ko mo orreked er kemiu a chobo mngasech er a bukitang!" ng 
mil ekoi a delrir.
 
"Ali  ko mo el remi d!" ng mil ekoi a bechil a Homer.
 
"Ko momes a mlai me ng diak motilech!" ng ulechelechel a 
demerir.
 
A Avery me a Fern a mocha chachetakl el chim e melechesokl el ko 
er a meleliloik el bedul a blil a klekool. Te merael el kmal ungil a 
rengrir el di tir el lobeteterir el diak a ko er a ambai er tir. E a delrir a 
dechor el omes er tir e ko er a otuu a telil e mo mesuld er a medal.
 
 120 

Ng uleker a delrir el kmo, "Chomomdasu e tirke ng di sebechir el di 
tir e diak lebo lemekesakl?"
 
Me a bechil a ulenger, "ak umdasu e te mla mo meklou el sebechir 
el di tir. E lmuut ku ng diak  lsebechir el mesuub el di mo tir el 
lobeterir el di merekmo debechiteterir me lolasem. E a rua  seked 
er a himbiokai a ungil el losuub a rengalek er ngi ."
 
 121 
Tia er a lolekerd er a Wilbur e loltobed er ngi  er a blil e lolsiseb er 
ngi  er a basio el lebo er ngi  e a rebetok el chad a di mle mekideb e 
omes. Te menguiu er tia el l echukl el kmo, "CHEREMEL A HOMER 
EL BABII EL MERAEL A CHISEL" e chisngekl el omes er a Wilbur.  
Se el lomes er ngi  e a Wilbur a meruruul a medal e lolecholt er a 
klungiolel. Ng dirrek el kmal mle ungil a rengul er  tia el beches el 
blai el leblo er ngi  e le ng ngar er ngi  a chudel er ngi  me ng 
mekelekolt e lmuut ku ngar er a mechuu e le ng ouchado.
 
A Charlotte a ulemdikm el mo diak a rumes e ng melidab er a 
chelsakl el mo er a eungel a chado el sebechel el ngar er ngi  a 
omes er a Wilbur.
 
A Templeton a kmal medakt el me tuobed e le ng kmal losbadel a 
sils me ng di berrotel er a eungel aika el bokso er a chelsel tia el blil 
a Wilbur. A Homer a ulechubel a imelel a Wilbur er ongolel e locha 
a bebil er a beches el bokso er a blil e sola e merael ngi  me a 
bechil me a rua a Arable el mo omes er a le ngar er ngi  a kerebou. 
A Homer a di mle soal el mo omes er a le ngar er ngi  a 
klaidesachel er a mlai me a bechil a kuk mle soal el mo omes er a 
le ngar er ngi  a meklou el aisbaks. A Lurvy a meketeket er a 
lodedechor e lomesoues el ko er a osisi k er a lodengterir el chad.
 
Tia er a lorael a rebek el chad e a Charlotte a mocha 
mengedecheduch er a Wilbur.
 
"Ng ungil el diak omngar er tiei el kngar er ngi  me ng diak  
lsebechem el mes a  kues," aika lulekoi a Charlotte.
 
"E ngera a obla mues?" ng uleker a Wilbur.
 
"Ngar er ngi  a babi  el ngar er a bita el kmal klou el kumdasu e ng 
kuk klou er kau."
 
"E a lta ng klou er ngak er a rak me ng betok el kal  a bla  lekang 
me a uchul me ng klou," ng mil ekoi a Wilbur e a medal a mochu 
mui er a chiuosech.
 
"Ka hal  e bo kmetengel el mo kmeed e kusang," ng mil ekoi a 
 122 

Charlotte. Ng mil idab a Charlotte el mo er a bebul tia el lengar er 
ngi  ngika el chimo er a babi  e sola e kobsi  er a udel e mekekokil el 
olenganget er ngi  el mo er a eou el mo sebechel el ungil el omes e 
mengedecheduch er ngika el babi .
 
"Kau ng techa a ngklem?" ng uleker a Charlotte el ko er a 
olngongaok a ngerel.
 
Ngika el babi  a ulengengi  e kmo, "Ngak a diak kuungakl," ng 
ulenger ngika el babi  el kmal klou e medecherecher a ngerel. Ng 
dirrek el kmal mle chetel uchel a ngerel. "Ng sebechem el omekedo 
er ngak el kmo, 'Okdemaol.'"
 
"Ke kmal mesaul e Okdemaol," ng mil ekoi a Charlotte e kmo, "Ke 
mlechel  er a oingerang? Kau ke babi  er a kot el buil?"
 
 123 
"E adang. Ak babi  er a kot el buil. Chomomdasu er ngak e ak 
mechel  er a ngodech el buil e ng mo diak kbabi  e mo malk me a 
lechub e ak mo ngodech el charm. Merrengei, ng kmal tuobed a 
cherik er kau el kmal kebelung a kerim."
 
"Ng ko er a diak kusa a klebelngul tia el kerik. Ng mera el betok a 
klebelung el tekoi er tia el beluulechad e ng di tia el kerik a diak el 
ta er ngi . E becheriei e ke kmal mesaul el mla chochoti  a ngklem 
er ngak. Ke mesulang e be kbong." Aika tekingel a Charlotte.
 
Ng milrael a Charlotte el mo er a blil a Wilbur e ouchais el kmo, 
"Ngike el babi  a kmo, ng babi  er a kot el buil. Ng sebechel el babi  
er a kot el buil me ng ungil e ng di ng kmal mekngit a blekerdelel a 
longedecheduch me a loungelakel me ng debsochel. E lmuut ku, 
ng diak lebeches a bedengel el ua ikau. A di mo sebechel lebo el 
lungil er ngi  a klungel me a berredel e ng di ng sebechek el 
ngosukau me aike a di mo diak a belkul."
 
"Ke mo meluches e meruul a tekoi el kirek er a oingerang?" ng 
uleker a Wilbur. 
 
"Ak mo oureor er ngi  er a telia el sils a lak ksa el mesaul." Ng 
ulenger a Charlotte. "Ak ko er a di mekerang e kmal mesaul e kmal 
olengoech a bedengek el diak kua ingak er a ngar er a mong. Ak 
umdasu e ak kmal udelang e mechesei."
 
A Wilbur a ulemes er a Charlotte e mesa el kmal lobereda er a 
klungel a delel e mera el teletelel a kmal mla mo mesaul.
 
"Ke mera el chebuul e Charlotte el kmal obereda e di oureor." Ng 
mil ekoi a Wilbur. "A lta e chomrel i  a blim me lukedi  a chimo er a 
iaes me mkeli  e ke mo mesisi ch."
 
"Ng locha merang," ng ulenger a Charlotte. "E ng di se el 
kumelechesiu er ngak e ng di ua ak dirk  blo kmerek er a kemanget 
e meringel el ureor e le ng kmal mesaul a bedengek." Ng mil ekoi a 
Charlotte e mo rul i  besul e mo bad e mecheriei a Wilbur me ng di 
kie el kmal di suebek a rengul.
 
 124 
Tia el tutau e te kmal betok el chad a mle omes er a Wilbur. Te 
chemat er a blechesul me a kemril el chelirocher me a medal el 
klebokel. Se el lebo lemerek e te kuk mo er a blil a Oktemaol el 
babi  el di ngar er a bitang. Te mo me te kuk chemat er a klungiolel 
me a kldelebungel. Me a Wilbur a di ngar er a bita e se el lorenges 
a chetengakl el kirel a Oktemaol e ng kmal mo suebek a rengul me 
ng kmo, "Ngak ak di mo mekera er a chelecha el lesesmecher a 
Charlotte me lak a mo ngosukak."
 
A Templeton a di berotel e di mechiuaiu er a eungel aika el bokso. 
A sils a mocha sueleb me ng kmal mekeldang me a Homer me a 
Arable me a rebecherir a merola el mei er a lengar er ngi  a Wilbur. 
Te di mlei el telkib e te kuk merema a rua a Avery me a Fern. A Fern 
a mei e loba a mongki  el oningio er ngi  me a Avery a 
mesebesebek a huseng er ngi  el lebla lecheti  er a dingal. Te dirrek 
el mera el di kesib er a kleald e di dechudech ku er a hokori.
 
"Ng kmal ngodech a kleald er a chelechang." ng mil ekoi a bechil a 
Homer. 
 
"Chochoi. Kede kmal kurusi  er ngi  el kleald,” ng ulengesenges a 
bechil a Arable e oba a babier el meruoru er ngi .
 
Te ouderta er tir el mo melemiakl er a torak e mocha omoket a 
bento er tir el mo omengur. E ng di tia rengelel a sils a kmal 
mekeald me ng di rul eterir el di olengeng a kelir e omai a rengrir er 
a blengur. 
 
"Ng oingera e te mo melilt er a rekot me a remo melai a nguked?" 
ng uleker a bechil a Homer.
 
"Ng klukuk," ng ulenger a Homer.
 
Te dengchokl e ngi  a dumia a Lurvy el mla nguu a blangket el 
nguked er a burech.
 
"Tia isei el desa el ousbech er ngi  el blangket,” ng mil ekoi a Avery.
 
 125 

"E adang! Ak di ngiluu e kmo tia se el kmal mo klou a belkuk er 
kemam er a chelechang." Ng dilu a Lurvy e meki s el mocha omerk 
er tia el blangket e olsarech a tkul er aika el tkul a torak me ng ko er 
a chado el omekchuu er tir. Te mocha dengchokl tirka el ngalek a 
Avery me a Fern er a eungel e ko er a ungia a rengrir. 
 
Uriul er a bo lemerek el lomengur e a Avery me a Fern a mlo ultuil el 
lolengul  e imi t a mederir.
 
 
 126 
XVIII KELEKOLT ER A MOCHA KEBESENGEI
 
Ng mekelkelta a beluu e le sils a mocha ngmelt me a kurangd a ko 
er a mesilkelkang e a Templeton a tuobed me ng omerk er a 
osengel. E a Wilbur a kmal longelngul er a chelsel a blil me a 
Charlotte a mechesa el mengaus er a blil. A Templeton a omesoes 
e tmungel a betok el ungil bau el rul i  el kmal menga el mo 
songerenger e meched a rengul. Me ng di diak losbesubed e 
tuobed el mo osi k a kal .
 
"Eoch,chomei a ke smi k a ungil el tekoi "LLECHUKL" e ak mo 
mengaus el mo chosoi er a kebesengei me ak ousbech a beches el 
tekoi." A Charlotte a mil ekoi er a Templeton.
 
A Templeton a di mil emolem er a omerolel el soiseb er a milkolk e 
mengchecheremrum e le ng chetil el lorrenges aika el tekingel a 
Charlotte e le ng di ua leblil a oderuchel.
 
A lemekelekelta a beluu e a rechad a ko er a kmal ungia a rengrir. 
Me a dengki a lokard me ng kmal klebokel a kurangd me a blil a 
oteruul. Ng mo lmuut er aika el meliuekl el mesil me ng di mlo 
kmard a dengki er ngi  me se el domes e a rengud ng kmal 
metongakl. A chelitakl a merael er a telia me a rechoeng a ngloik a 
kaiuediu er a bitang.
 
A Fern me a Avery a mekisa el kmal mlo ungil el mechiuaiu. Te 
meki s el kmal ungil a rengrir. A Fern a di mileki s e mesa a sechelil 
er a Henry Pussy. Me a Henry a kmo mei me debo dengar er se el 
meliuekl el mesil. Te merael el mo me a Henry a mechar a tiket er 
tir el teru e te mo ngmasech. Te dengchokl el teru er a chimo el 
kingal  e ngi  a mocha merael a mesil. A delal a Fern a ulemes el mo 
er tia el mesil e mesa a ngelekel el dengchokl ngi  me a Henry el 
merola el mo er a bab. E a lomes e a ngelekel a ko er a kmal mad 
el ungil a rengul me ng kmo, "Ali , a ngelekek a ko er a kmal sobeka 
ngi  me a Henry."
 
A Templeton a di merael el di omerebart er ngi  e di melengtungel 
el osi k a mo ungil el kelel. Ng miltik a der el bleul  er a babier el 
tutuu. A ltuu er a chelsel e ng bek el bedengel a kal  a ngar er ngi  a 
 127 

cheredoched el tuu me a ngikel me a chedel umel el diokang. Me 
ng soiseb er a chelsel me ng mo tmaut el kma aika el kal  e a rekil e 
ng mesa cheloit el babier er a chais (newspaper) me ng sodeli  a 
tedobech er ngi  e ili  e nguu e merael el mo er a blil a Wilbur. 
 
Tia er a lemei a Templeton e loba a babier e a Charlotte a kmedu el 
rokir a chuklel a blil. E di se el belngel a teleu e le ng mo melecha er 
a beches el tekoi er ngi . Tia mle ungil el techel el a Wilbur me a 
Charlotte me a Templeton el chadcheduch e le ng diak a ta el chad 
er tia el lengar er ngi . 
 
"Ak oureng el ulekum me a tekoi (l echukl) el mngilai a ungil e le tia 
ia  ulebongel el doluches a kirel a Wilbur,” ng mil ekoi a Charlotte.
 
"Tia  kid," A Templeton a mil ekoi e omoket er a babier el lulebang. 
 
"Ngera ng dmu tilecha el babier? Ka mchiui ?" ng ulengit a 
Charlotte.
 
"Tia a kmo, ‘NGAR ER IOU EL RENG!’" ng milenguiu a Templeton.
 128 

 
"Tilecha sebechel el teblo a belkul. Ng sebechel el kmo "ngar er 
eou" el belkul a kmo ng kiei er a eou me a lechub e ng "ngar er a 
eou a rengul" el belkul a kmo ng diak lekedidai a rengul. Tia a kmal 
di mo ungil el smodi  a Wilbur e le ng kiei er a eou e diak lekedidai a 
rengul." Aika tekingel a Charlotte.
 
"Ngi  di lengi  a mo soal e lousbech er ngi  el tekoi." Ng mil ekoi a 
Templeton e ko er a olsebesebek er a medal el mo er a telia e kmo, 
"Ngak a mlei er tia el mle milil e omes a ungil el ues. Ng di mlak mei 
el me meruul a oderuchel."
 
"A ngelseuim a kmal ungil me mereko e bo momerk er a osengem 
e moilil e lolsi ch er a rengum er a himbiokai," ng dilu a Charlotte.
 
Ng kilmir a cheril a Templeton e kmo, "Ak mo doraib el iuekli  tia el 
kurangd er chelecha el kesus. Aike el lulekoi a Ngirasib a kmal el 
 129 
mera el tekoi. Tia se el meral blil a betok el ungil el kal  me a ungil el 
ilumel. E lmuut ku ng betok a sebechek el mertak er ngi  e melngot. 
Me be kbo ku e ngar er a eou a rengul el babi . E di bochu mrekir a 
chuklem e Charlotte el osebelel a klengar er a Wilbur. Chelecha el 
kesus a kuk temek el milil e omengur e loldeu er a renguk e le tia se 
el kmal dirkak kcheremi  er a klechad er ngak el klungiaol," ng di 
mlo merek el mengedecheduch a Templeton e tuobed.
 
A Charlotte a mil emolem el oureor er a blil el di ngar er a milkolk. 
Ng oureor e omes a kerdel a hanabi el bek el bedengel me a bngel 
el kmal meklou a ngerel. Tia er a rrekir a chuklel e ng mocha chosoi 
me a rua Arable me a Homer me a rengalek a merola el mei er a 
torak. Me a lemei e ng mla meluches a 'NGAR  EOU EL RENG!' e 
ng di diak el sebechir el mesang e leng milkolk.
 
Te di mle e a Fern me a Avery a ngmasech er a torak el kursi  a 
blangket el mei me te oubar er ngi  e mo bad. A Lurvy a mo er a blil 
a Wilbur me ng locha a bebil er a beches el bokso el mo dukl el a 
Wilbur. Me a Arable a mo toiui  a ulkel a Wilbur e kmo, "Ki bo mrei 
me kibad me a klukuk."
 
Te mocha ngmasech er a torak el rokui e merael. A Wilbur er a 
rrengesi  a mesil er a torak el melekoi e lorrenges er ngi  el merola e 
ng omdesua el kmo a lemlak lemei a Charlotte e ak locha kmal di 
mo ngak el ta el cheloit. Ng mera el uchul a ungil el klechad er ngak 
ngika el Charlotte.
 
Tia er a lebochu lebad a Wilbur e ng milengedecheduch er a 
Charlotte.
 
"Ng diak lsebechem el oitekli  se el chelitakl el mulengitakl er ngi  er 
a ngar er a mong?" ng ulengit a Wilbur.
 
"Ng diak lsebechek er a chelecha e le kmal mesaul," ng ulenger a 
Charlotte el kmal milengelulau a ngerel. Tia el ngor a lrirengesi  a 
Wilbur el mla er a ngodech el basio er tia el bla er ngi  e Charlotte.
 
"Ke ngar er ker?" ng uleker a Wilbur el ko er a rrau a rengul, "Ng 
diak lsebechek el mesekau e le ng kmal milkolk. Ke ngar er a 
 130 
blim?"
 
"Ngak tia el ngar er a bita er a chelsakl," ng ulegner a Charlotte.
 
"E ngera me ng diak chomngar er a blim? Ng ko er a diak lechitem 
el choiti  a blim?" ng uleker a Wilbur.
 
"Ng kuk di chelecha el kesus e ak cheroid er a blik," ng ulenger a 
Charlotte.
 
A Wilbur a mlo rul i  besul e mo bad e omekedong, "Charlotte, 
omodasu e a Homer ng diak lebo lomekoad er ngak se el lebo le 
Kurismas el temel a omenga el babi ? Ke oumera el kmo ng diak bo 
lomekoad er ngak?"
 
"Chochoi. Ak umera el kmo ng diak lebo lomekoad er kau e le kau 
a kmal ungil el babi . Me ak umdasu e a klukuk e kulterekokl el mo 
nguu a kot el nguked. Sei a mo rul au me ng mo merael a chisem 
me a Homer a mo dmeu a rengul me ng mo diak lolai er a klengar 
er kau. Me lak lsebek a rengum e a rokui a di mo ungil besul. Te 
ultebechel el mo mechikau me ke di kiei el mo cherechar er a 
klungiolel a rengrir er kau me a chisem el mo merael. Me  mereko e 
bo bad."
 
Ng ko er a mlo kel echakl el telkib e ng lmuut a Wilbur el kmo, 
"Ngera ke meruul e Charlotte?"
 
"Ak meruul a di osisiu el ureor el kblechoel el meruul er a ngar er a 
mong."
 
"Ke meruul el kirek?"
 
"Ng diak. A kuruul er ngi  er a chelecha a diak lekirem. Ak ko er a 
omdasu el kmo ng kmal betok ak blechoel el meruul el kirem me a 
chelecha e ak kuk meruul a kuk kirek e a ak dirrek el ousbech a 
betok el tekoi el di ua ikau."
 
"Ka mochoti  er ngak el kmo ngera tia el moruul er ngi ?" ng kmal  
lulengit a Wilbur.
 131 
 
"Becheriei me a klukuk e kuchoti  er kau," ng ulenger a Charlotte. 
"A klukuk er a dirk tutau se el lemetetekakl a l omes er a uchul a 
eanged me a malk lorros me a kerebou lolmesim me longerodech a 
uul me a mlai le bo lrurt er a rael e komes el mei er a bab e ak 
ochoti  a klungiolel a kuruul er ngi  el urreor."
 
Uchei er a lrekir a cheldechedechal a Charlotte e a Wilbur e 
meketeket er a lei t a medal. Ng ongelngul me a telil a lorenges er 
ngi  a Charlotte.
 
A rua Arable a mo remei me a Arable a mo er a uum me ng menga 
a tuu e a bechil a mesumech a dukl ir a rengelekel. A Avery a di 
miltilech e ongelngul er a sulel er a chomilil. E a Fern a mo bad e a 
delal a omekbar er ngi  e kmo, "Ke mlo ungil el milil?"
 
A Fern a ulengasech a medal e kmo, "Ng kmal mle ungil e Chedei. 
Ng kmal dirkak el ta el leboldeu a renguk er a klechad er ngak el 
mo ua itiang."
 
"Tia se el kmal kot e rungalek. Me mereko e bobad me a klukuk," 
ng mil ekoi a delal a Fern.
 
 
 132 
XIX BLIL A NGAIS
 
A bo lekukuk e ng ulemkokl a Wilbur. A lebeki s e ng mel emesa a 
uchul a eanged me a malk a merros me a mlai a mocha merael er a 
rael. Ng milri k el osi k er a Charlotte. A lomes el mo bedul a 
chelsakl e ng milsa a Charlotte el kmal chelel ak e blerek a kleai el 
ochil e ko er a kmal mesengaked. Ng ngel omel er ngi  e tuab a 
medal er a ko er a becheleleu el blus el mamed el klebikl er bita er 
ngi .
 
Ng uleker a Wilbur el kmo, "Ali . Charlotte, ke mla meki s?"
 
"Chochoi," ng ulenger a Charlotte.
 
"Tilecha ng ngera el ko er a blus el mamed el ngar er a bita er kau? 
Ke milruul er ngi ?" ng uleker a Wilbur.
 
"Chochoi. Ng ngisek," ng ulenger a Charlotte el mekekokil er a 
ngerel.
 
"Me tilecha ng btungem el moba el ousekool?" ng uleker a Wilbur.
 
"Ke kmo ng btuu? Tia e kau a diak lebtuu me a ka leko er a klekool 
el klalo. Tia a kmal ngisek el 'tokubets' el ureor a mlo er ngi ."
 
"Ngera a belkul a tekoi el 'tokubets'?" ng uleker a Wilbur.
 
"A tokubets a tekoi er a Siabal el belkul a kmo ngileakl el ngodech 
el ungil. Me ak ousbech er ngi  e lolecholt er a  klungiolel a urerek 
er tia el ngisek e le ng ngar er a uchei er a rokui el tekoi el bla 
kruul."
 
"Ngera  ngar er a chelsel? Ng ngelekem?" ng uleker a Wilbur. 
 
"Chochoi. E diak ledi lechimong. Te ngar er ngi  a reim el dart me a 
okeim el ngelekek el ngar er a chelsel," ng ulenger a Charlotte.
 133 

"Cheang te mera el eim el dart me a okeim el ngalek a ngar er a 
chelsel me a lechub e ke di oungelakel?" ng uleker a Wilbur.
 
"Ng diak kuungelakel. Ng mlo diak a chelsenguk me ak mlo tmaut 
el omechur el mechur el rokui el kmal  eim el dart me a okeim."
 
"Cheang mera el klebokel tia el blirir a rengelekem e Charlotte," ng 
mil ekoi a Wilbur el kmal dmeu a rengul el di ngi  me a lengisel.
 
"Ng mera el klebokel," ng ngulengesenges a Charlotte e melelitaiu 
er tia el ngisel. "Tia a kot el mesisi ch a ikrel le kul ab a mesisi ch el 
klekedal  el meruul er ngi . Tia el ikrel a ko er a l el a dait el di kmol  
er ngi  a ralm me a rengelekek el ngar er a chelsel a diak lebo 
ledekimes me a diak lebo lemekerasem."
 
"Charlotte, me kau ke mo oungalek er a reim el dart me a okeim el 
ngalek?" ng uleker a Wilbur.
 
"A lak a secher me a lechub e ng kerrior el me er tir e ng mo ua 
isei. E ng di aika a diak lebo el mesisi ch el mo ikrel a rak," ng 
mil ekoi a Charlotte. A Wilbur a ko er a rirengesi  a Charlotte el ko er 
 134 
a omritel a ngerel a longedecheduch.
 
"Ngera ko a mekngit a rengum er ngi ? Ng ko er a kmal ungil el 
tekoi e le ng mo betok a rengelekem e kau a ko er a diak ldeu a 
rengum. Ngar er ngi  a telemal ?" ng uleker a Wilbur.
 
"Lak el sebek a rengum er ngak. Ak ko er a oita a bedengek e le ng 
di kea a klisichek me a lmuut el ta ng mekngit a renguk e le ng mo 
diak kusterir a rengelekek," ng mil ekoi a Charlotte.
 
"Ng mekera el mo diak mosterir a rengelekem? Ak omdasu e kede 
rokui el mo mesterir. Se el lebo el mesisi ch el tobed e ng kmal mo 
ungil e le ng mo meseked a blid er a remekekerei el bubuu el di mo 
bereberi d. E dirrek, a lta e se el taem e a rua debar a dirrek el mo 
omechel  me ng kmal mo ungil el mo meseked a blid. Ak omdasu e 
ng kmal mo ungil a debo debetok."
 
"Ng diak dodengei. A lta e ak mo mesterir," a Charlotte a 
ulemdebades a cheldechedechal, "E ng di ngak a kumelechesiu er 
ngak e ng locha diak lebo lemeketeket a klengar er ngak. Ak ko er 
a omelechesiu a bedengek el di mochung."
 
"Ngera a belkul a mochung?"
 
"Ng belkul a kmo a cheluodel a merema me a klisichek a dikeang. 
Wilbur, e ng di diak lsoak a omechesa el omdasu er ngak e le 
chelecha e ng klou el sils er kau me ng kirem el mo chemau ngi . 
Ka momes er se el kulengaus er ngi  el kmo kungil el mes a 
l echukl? Ng bleketakl?"
 
Tia el blil a Charlotte a kmal mle bleketakl. A sils se el ledidichi  e 
aika el chuklel a Charlotte a kmal menga el mo klebokel. Aika 
l echukl a kmal ungil a chel uklel el cheroid el ungil er aike e ledi 
lebla lechaus er a ngar er a mong. Me ng ulterekokl el di mereched 
el tuab a osengir a rechad er ngi  se lebe lengelakl. Te ulterekokl el 
di mo meseked er a medal a Wilbur el menguiu er a beches el tekoi 
e omes e chemat er a Wilbur. Tia a ulterekokl el mo klou el tekoi el 
mo chemas a rengrir a rechad.
 
 135 
A Wilbur a dechor el omngamk er a chuklel a Charlotte e mes a 
chesemel a Templeton. Ng merael a Templeton el me tmuu el mo 
er a telia er a blil a Wilbur e choiti  el mo ultuil.
 
"Ngak e tia el ko el merema remei. Ak kmal mlo mechelaod e le ng 
mera el betok a ungil," ng ultuil a Templeton e melekoi.
 
Ngika el Templeton a dimlak a kokil er a blengur me tia el delel a ua 
delel a diol  el beab er a klungel. Ng mechiuaiu e melamet er a delel 
e le ng kmal el kedeb a telil e kurusi  er a dinges.
 
"Tia se el mera el kot er a bek el ungil el klebesei," ng liluut el 
melekoi a Templeton. "Ng dirkak kues a ildois er a der er a klengar 
er ngak me a rokui el ko er a kmal ungil me a kal  me a basio a mo 
modak e ruli  tia el kesus me ng mo kot er a bek el kot."
 
"Templeton, ke merur er kau, ng diak? Kid a rechad a dongang e 
ngar er ngi  a delbedebeled. Kau a chokmo kemad e a rechad a di 
mesa tilecha el delem e kmo becheriei e ng ngemokel el diak 
lolebodeb er ngi  a lomenger," aika a lulekoi a Charlotte el ko er a 
mel ach er a Templeton.
 
"Mei me kululuuch er kemiu me lak lsebek a rengmiu er a delek. E 
tia a kmal sebechel el otekau a betok el kal ," ng mil ekoi a 
Templeton, "Bai momdasu er kemiu el locha a kmal mo mekngit a 
rengmiu a kuuchais a chisel a Okdemaol el babi  el ngar er a 
bitang. Se er a kurael el mei e ak milsa a mel emau el ribong el 
klebikl er a chelechedal a Okdemaol me ak omdasu e ng ngi  a mla 
nguu a kot el nguked. Me ak kmal  chubkau e Wilbur e le ke mla 
ruebet er a omelai el nguked. Me ng bai ungil a omnguu er a 
rengum er a omelai el nguked e ng diak a mo omeskau a ribong. 
Chelecha el bla bo er a uriul er a himbiokai e ng ultebechel a 
Homer el lebo lak a odoim e ke mocha okodal ."
 136 

"Bo moruul er kau e Templeton e aika el tekoi el molekoi a diak 
modengei a belkul. Me kau a locha kmal medei er a dinges me ng 
dikea modengei a tekoi. Wilbur, lak momtab a lolekoi e ng 
mengesengsang," aika tekingel a Charlotte.
 
A Wilbur a dimlak lsoal el omdasu aika el tekingel a Templeton me 
ng kilderi  a chimo er a cheldecheduch el ko er a mengeuid a tekoi.
 
"Templeton. Chokmo ng diak kom kebelngong er a dngesem e ke 
di siliseb e mesa se el ngisel a Charlotte. Hal  e di kuuchais me ke 
ngmai e mngai me ng diak e lak. Sang a Charlotte a mochu 
oungalek. Ngar er ngi  a eim el dart me a okeim el ngelekel el ngar 
er a chelsel sei kid el ngais," ng mil ekoi a Wilbur.
 
Cheang, ng merang?" ng uleker a Templeton el kmal mlo meklou a 
medal el omes er tia el ngais.
 137 
 
"Chochoi, ng merang," ng ulenger a Charlotte.
 
"Each me tia a ko er a kmal el ungil el tekoi e Charlotte. Tia a mera 
el cheroid er a ungil el klebesei!" aika a tekingel a Templeton el di 
lulekoi e mo bad el imi t a medal. Me a Charlotte me a Wilbur a 
kmal mlo dmeu a rengrir e le ng mo diak longesa er tir.
 
A rua Arable me a Homer a mle er a mochu etiu el klok. Me a lemei 
e ng di mle stob a mlai e te kaikerkerd a rechad.
 
A Fern a di kilerd e omes el mo er a blil a Wilbur e kmo, "Ali ! Ka 
mosa tia el blil a Charlotte el ngar er ngi  a l echukl er ngi !"
 
Me te remurt a rokui el mei me te dechor e omes er tia el beches el 
tekoi el l echukl.
 
"NGAR ER EOU A RENGUL!" ng chiliui  a Homer e kmo, "Tia se el 
kmal ungil smodi  a Wilbur. Ng kmal okesiul a Wilbur."
 
Te rokui el kmal  mlo dmeu a rengrir e le ongasireng el tekoi a mla 
lmuut el dubech. Me a Wilbur a melanges er tir e meruul a medal el 
mad el delemedemek e ngar er eou a rengul. Me a Fern a chisngekl 
e mesa a Charlotte e meludeu a medal. Me a Lurvy a mocha 
ochubel a kelel a Wilbur. Ng omengur a Wilbur e a Lurvy a melitaiu 
er a ulkel.
 
"Ei , me mosa ngilei el chimo er a babi . Ng mla mekabs a 
mel emau el ribong er a chelechedal me ngika ia locha mla nguu a 
kot," ng uleldiu a Avery el mesubed er a rua a Homer me a rua 
demal.
 
Te di milengimet el rokui el mo omes er ngika el chimo er a babi . 
Me a lebong e a rebek el chad a di mlo kaiuengeng e a bechil a 
Homer a longelang. Te omes er tia el ribong e a Lurvy a otebedi  a 
hangkats er ngi  e mesuld a chiuosech er a medal e melai a ngertel.
 
A Fern a remurt el mo er a delal e kmo, "Mei a ududek e ng soak el 
mo milil."
 138 
 
"Bobtekau er tiang. Ke le bochu er a ngi  di el ker," ng mil ekoi a 
delal e dirk el lmangel el kmal chetil a cheremel a Homer el dirkak 
lenguu a nguked.
 
"Ngera a chised me kom longelang?" ng uleker a Homer, 
"Morechedemiu el mei me doureor. Edith, mngai a cheluch el mei."
 
Me a bechil er a Edith a mocha smuld a iuchel a medal e mocha er 
a mlai me ng nguu a butiliang el cheluch el mei.
 
"Ng mla mo temem el melecholb," ng mil ekoi a Homer e tmuu er a 
blil a Wilbur ngi  me a bechil me a Avery me te melecholb er a 
Wilbur. A Avery a olechubel a cheluch er a bdelul me a chelechedal 
a Wilbur e a Homer me a Edith a melatech er ngi . Te mengilt e 
melidek er ngi  e a rechad a omerolir el merema er a kurangd. A 
remle okiu a bita er a blil a Wilbur a mlo mechelaod el omes er a 
Wilbur e le ng kmal beches a bedengel el ko er a medidi ch er a 
dichel a sils. Tia el blil a Wilbur a mlo meseked er a rechad el omes 
e chemat er ngi .
 
"Ngika diak lsa el klou el babi  el ua ngike el ngar er a bita e ng di 
bai soak e le ng kmal ungil a bedengel e beches," ng mil ekoi a ta 
er tirka el dechor el chad.
 
"Chochoi. Ng merang. Ngika a kmal el ungil e le ng beches," ng 
ulengesenges a kuk ta er a rechad.
 
"Chochoi. Ng diak ledi lebeches. E ng dirrek el ngar er eou a 
rengul," ng mil ekoi a ta er a mechas el milenguiu er tia el l echukl 
er a blil a bubuu.
 
Tia el seked a di ulemes er a Wilbur e chemat er ngi , ngi  me tia el 
l echukl er a blil a bubuu e dimlak a ta er tir el mesa a Charlotte.
 
Ng dimlak lemeketeket e a chad er a olekeungel a mocha 
mengedecheduch.
 
"Ali . Morrenges! Tia a tekoi el mo er a Homer el kmo, mnguu a 
 139 

merael a chisel el ongasireng el cheremem el babi  el mei er a 
medal tia el olekeungel el lengar er ngi  a remelilt er a remo melai a 
nguked. Te mo oltobed a nguked er a chelsel a l uich el bung me 
kom ongtial  el loia a cheremem er a chelsel a blil e nguu el me er 
tiei er a mereched el taem. A resorir e lomes el chad a di subed el 
mei," aika a lulekoi a ngar er a olekeungel.
Tia er a rrenges aika el tekoi a rua Arable me a Homer e te di mlo 
 140 
kedekedechor e diak a oteltul  el diak lodengei a loruul er a 
klungiolel a rengrir. A Avery a med a bebil er a bokso e metech el 
mo er a bab e oldiu er a klungiolel a rengul. Ng obri d aika el bokso 
er a bdelul a Fern me ng meri k e ocherechur. E uriul e tir er rokui a 
mlo iliuekl er a Wilbur e melaiu e melungel er a medal me a ulkel.
 
A Charlotte a berotel er bita er a chelsakl el omart er a ngisel e 
omes er tir e a lomelechesua er ngi  e ng mechitecheto a bedengel 
er tia el urelel me a cherel el. Ng medengei el kmo ng di kea a 
klisichel a bedengel e ng di se el lomes me lebla losebeli  a klengar 
er a Wilbur e ng kmal mo dmeu a rengul me ng ko er a kmal mo 
mesisi ch a bedengel.
 
"Morechedemiu e dongetmokl e ng kmal di kea a taem. Lurvy, mei 
medekaingeseu el nguu tia el blil a Wilbur e lokedi !" ng mil ekoi a 
Homer.
 
"Lemei a bebil er a udoud e ng soak el mo milil," ng ul engit a Fern.
 
A delal a ulenger, "Msal! Ng diak mesekak el kmal meriked."
 
"Mnguu se el cheluch el ongesechi ," ng mil ekoi a Arable. Me a 
rechad a mo ketokl el mo olengasech er a cheluch.
 
"Ka mosa a bdeluk el kmo ng di ungil?" ng uleker a Edith.
 
"Ng di ungil," ng ulenger a bechil er a longider er a blil a Wilbur ngi  
me a Lurvy el olekeed er ngi  er a Wilbur.
 
"Kau a dimlak momes er a bdeluk er se ser a kuker er kau," ng 
mil ekoi a Edith.
 
"E rrach ke kmal di ungil e kulengit er kau me lak omsa el 
rereuuchel," aika tekingel a bechil.
 
A Templeton a ul engelngul er a eungel a bokso e di mlekar er tia el 
klou el cherodech. Me a lebeki s e ngerrau a rengul e a lomes er a 
Wilbur el loltak er ngi  er a blil e ng kmo 'ng locha a kirek el merael 
el obengkel a omerael.' Me ng soiseb er a blil a Wilbur e tmuu el 
 141 
merti  er a eungel a bokso.
 
"Kede merolung?" ng uleker a Homer e ngi  me a Lurvy me a 
Arable a kilderi  a Wilbur el ngar er a blil el ongesechi  er a torak. 
Me tir el chad me te ngmasech. A Fern a di ngilasech el mo 
dengchokl el mui a bdelul er a bokso e omerek er a osengel el kmal 
semeriar er tia el seked me a chetengakl el mo er a Wilbur. Ng 
merola tia el torak el mo bedul a medal a olekeungel.
 
A lorael el engelakl er tia el mesil el mengiterebis e a Fern a omes e 
oureng el kmo, "Hai, ulekum me ak dengchokl er se el kot el ngar 
er a bab el kingal  ngak me a Henry."
 142 

 
 143 
XX KO EL DOSEBANG
 
"Ali ! Ali ! Kom rongesak?" ng mil ekoi a chad el ngar er a 
olekeungel el kmal mle klou a ngerel. "A merreder el ta er a 
oungerachel er tia el himbiokai a kmal dmeu a rengul el lolecholt er 
a telungalek er a Homer me a cheremir el merael a chisel el babi . 
Tirka a ngar er a torak el me er tia el medal a olekeungel me ak 
ulengit er kemiu el chad el ngar er a kurangd me moledaes er a mo 
sebechel tia el torak el merael er ngi . Ng chelsel a mekesai el bung 
e te mo okerdi  ngika el babi  er tia el mederir tireka el chad er a 
nguked. Me ak lmuut el lolengit me moledaes me bo lesebechel tia 
el torak el me er tiei. Kom kmal mesaul!"
 
A Wilbur er a rrenges aika el tekoi e ng kmal mlo dmeu a rengul e 
ng di ng ko er a merur e dirrek el mla changar er tia el seked me ng 
ko er a mlo chetelaol a bdetul. Tia el torak a lomekal  er ngi  a 
Arable el kmal mekekokil me ng diak lesbechi  er a rechad el kmal 
betok el di iliuekl er ngi . Tia er a lebocha lestob er a medal a 
olekeungel e a Avery a kmal mle mereched el ridekekl el me el 
otengeli  a chesmerel a uriul.
 
A Edith a mengululau el kmo, "Ak kmal merur e medakt el dechor 
er tia el mederir e rekmal betok el chad."
 
"Mocherechur e tia a ungil el tekoi e chetengakl el dengar er ngi ," 
aika a lulekoi a bechil a Arable.
 
"Mokerdi  a cheremiu el babi !" ng mil ekoi tia el olekeungel.
 
"Ka debong! Dongider!" ng uleked er a omengider a Homer. Te 
betok el chad el mla er a kurangd a ngilasech el mo lengeseu er a 
rua Homer. Me a Avery a dirrek el kmal mle blak a rengul el 
olengeseu.
 
"Rungalek, motungi  a chelechedal a bilem e mokesengi  a 
olekesengelem e a subelengem a robetung," a delal a Avery a 
mil ekoi er a ngelekel.
 
"E Chedei, ng diak mosekak el kmal mechesang," ng ulenger a 
 144 
Avery el ko er a kmal ngor el mechesang.
 
"A Chedil, ngkekid a Henry," ng uleldiu a Fern e melutk er a Henry.
 
"Fern, lak moldiu er tiang e lak molutk er a rechad e ng diak lungil 
el tekoi," ng mil ekoi a delal.
 
"Mei e beskak a ududek!" ng ulengit a Fern e kmo, "A Henry a dilu 
er ngak el kmo aki lmuut el mo ngar er se el meliuekl el mesil e ng 
di locha mla mo diak a ududel e le ng chiloit el mechar a tiket er 
kemam er a cheli ."
 
Me a delal a mekengi  a til e ngmai a okai el sens el msang e kmo, 
"Ngei. E ali  keremi d. Ke di mo el telkib e mo osiuklemam er se el 
debla er ngi  er a cheli ."
 
A Fern a ngmai a ududel e remurt el meluduus er tia el meseked el 
mo er a Henry.
 
"Ngika kid a cheremel a Homer el olekerd er ngi ," ng mil ekoi a 
olekeungel e kmo, "Me msal  e mchieli  a chad el mo 
mengedecheduch el kirel."
 
A Templeton a di berrotel er a eungel a bokso er tia el lengar er ngi  
a Wilbur e kmo, "Ngera a belkul aika el betok el tekoi el ko er a diak 
a ultutelel. Te remuul a chelsengsa el mo mengesa a taem me a 
rokui el tekoi."
 
A Charlotte a di klebikl er tia el le kiliei er ngi  a Wilbur e orrenges 
aika el lolekoi a chad er a himbiokai. Aika el tekoi a rul i  me ng 
kmal di ngi  el mo ungil a rengul er a urerel me a ngelseuil el mo er 
a Wilbur.
 
Tia er a lotengeli  a Wilbur e tia el seked a di mlo omrotech me a 
rulengaok me a ruldiu. Me a Homer a nguu a lkungel er a bdelul e 
osus el kmal mo er a eou. Me a Lurvy a otebedi  a hangkats er ngi  
e smuld a klsbengel a medal e a Avery a mo reborb er tia el bita er 
a Wilbur e melitaiu er a delel a Wilbur el ko er a ousimang er tia el 
seked. Me a bechil a Arable me a bechil a Homer a di dechero ku 
 145 
er tia el bita er a blil a Wilbur.
 
Ng mocha mengedecheduch a chad er a olekeungel el kirel a 
Wilbur el kmo, "Ng soak el nguu tia el techal  el ouchais er kemiu a 
remechas me a rubak me a rengalek me a rokui el chad el kmo tia 
a ngar er a uchei el chetengakl el mo er a cheremel a Homer. Ngika 
el babi  a kmal meketeket er a bo lorael a chisel me ng bita el beluu 
el mo er a bita a mla me omes er ngi . Me a kot el l echukl el mle 
l echukl el kirel a dirkak a chad el obes er ngi . E ngika kid el di 
blechoel ku ongasireng el tekoi el meluches el kirel. Me tia diak di 
el klungiaol el kirel a beluad ng dirrek el mla mo merael a chisel el 
mo er a betok el cheroid el beluu me ng uchul e ng meseked tia el 
himbiokai er kid er chelechang. Tia a longasireng el tekoi a dirkak a 
rehakase me a rebadrei el smodi  me ng belkul a kmo ngika el babi  
a ngodech er a rebek el babi  el di ua aike el bla dechuiu er a blil a 
bubuu."
 
A Wilbur a kmal bekerkerda er a rrengel e okor e outekangel el 
dechor e meruul er ngi  me di lungil a teletelel.
 
Ng liluut a chad el ngar er a olekeungel el melemolem er a 
cheldechedechal el kmo, "Momes er ngi  el babi  el kmal ileakl el 
cheroid e ungil er a rokui el babi . Ka momes er ngi  el meaiu a 
bedengel e beches el diak domes a mekngit er ngi . E momes aike 
el dingal el bekekerekard e klebokel."
 
"Ng se el cheluch el duluusbech er ngi ," a bechil a Arable a 
milengelulau er a Edith.
 
"Ka di mluut e lolengeng er ngi  el kmal ungil a bedengel e mera el 
kmal klebokel. Se el mle l echukl a mera el smodi  a klebekelel 
ngika el babi . Ng diak lsebeched el kmo aike a lulengaus a bubuu 
e le rebubuu a di meduch el mengaus e merekong. Ng diak 
lsebechir el meluches me se el mle l echukl a kmal ongasireng el 
tekoi."
 
"Ailecha a di uldesuiu. Ng techa a dilu el kmo ng diak lsebecham el 
meluches," aika a lulekoi a Charlotte  el di ngar er a blil a babi  e 
mengchecheremrum.
 146 
 
"Kom kmal mesaul el me keldibel el rokui e chelecha e ng soak el 
mo melekoi a tekingel a merreder er tia el beluu. Ak omtechei er a 
merreder e loba tia el lileakl el nguked el l uich me a kleim el kluk 
me a medalia el omsa a Homer el kirel a urerel me a cheremel el 
babi  e 'LILEAKL' e 'KLEBOKEL' e 'NGAR ER EOU A RENGUL' el 
ngi  a uchul e kede kldibel er chelecha me a dirrek el uchul e te 
betok el chad er a cheroid a mlei me kede rul i  tia el himbiokai el 
kmal mo ungil."
 
A klemengetel a cheldecheduch me a chetengakl el mo er a Wilbur 
e ng di dilechor me ng omretela a chochil er a kleald me a diu me a 
betok el mad el di omes er ngi  me ng dimlak  lolechesuar e 
obitelek el taorer er a mederir a rechad.
 
"Ng mla mekesakl a cheremem e Homer?" ng uleker a ngar er a 
olekeungel.
 
A Avery a outubuach er a bita er a bdelul a Wilbur el melaiu er ngi . 
Me a Homer a rereuchel el meruoru er ngi .
 
"Ng diak lekelsakl. Ng blechoel el mo ua isei e le ng kmal el ngar er 
eou a rengul me ng diak lsebechel e lorrenges a betok el 
chetengakl e le ng taorer er a rrengel," aika a lulekoi a Homer.
 
A chad er a olekeungel a omes e kmo, "A le ua isei e ng diak 
lsebeched el omeskemiu a nguked e le ng dirkak a nguked el 
tuobed el mo er a ulekoad el babi ."
 
"Ngika a dirkak el mad. Ng di mle taorer e le ng di ngera e ng mo 
merur. Lurvy, bo mngai a ralm el mei," ng uleldurech a Homer.
 
A Lurvy a metengel e remurt el mo melai a ralm.
 
A Templeton a me ultom e a lomes e ng telilech a Wilbur e a kemril 
a kmeed er ngi . Me ng omes er tia el kemril a Wilbur e kimir a cheril 
e kmo, "Msal e kukisi !" Ng nguim a cheklul e sola e mengchi  a 
kemril a Wilbur el kmal silisichi . Me tia er a lsa el mo meringel e ng 
di milkar a Wilbur el suchesokl el mo dechor e kmo, "Ak ki !"
 147 

 
"Ng mla meki s!" ng uleldiu tia el seked e kmo, "Ng mla meki s! 
Ngika ngike el mera  el ungil el babi  e Homer. Ng ileakl el ngodech 
er a rebek el babi ." Ng kmal dileu a rengrir tirka el meseked el 
chad me a Homer se el menga el mlo ungil a rengul. E diak a di ta 
er tirka el chad el milsa a Templeton me ng diak lodengei el kmo ng 
mla ruli  a kedelrir a ureor.
A ta er a chad er a nguked a ngosecha el olab a nguked. Ng odars 
aika el l uich me a kleim el kluk el msa a Homer e kobsi  a medalia 
er a iklel a Wilbur e oderesi  a chimal el mo chaksiub er a Homer. 
Ta kaiuereked chim e a Wilbur a kmal bekerkerda er a rrengel. Me a 
Avery a oderesi  a a chimal el mo chaksiub er a chad er a nguked 
me a melai a siasing er tir.
 148 

A Arable me a Homer me a rebecherir a kmal mlo ungil a rengrir. 
Ng dirkak el ta lengai a ungil el nguked er a mederir a rekmal betok 
el chad me tia se el kmal klou el chetengakl el tekoi el lebocha er 
ngi .
 
Te olengasech er a Wilbur er a blil e ngi  a merema a Lurvy el 
cheltekil  er a baket el ralm. A Lurvy a kmal suebek a rengul er a 
Wilbur me ng dimlak lebo  lungil el lomes e ochubel a ralm me ng 
imi t er a Wilbur e subsi   a Homer me a Avery. Me tirka el chad a di 
mlo deblechelech.
 
"Ngera a chised?" ng uleker a Homer er a lemetecholb, "Ke 
sochera a Lurvy? Ng diak lsebechem el mesa a babi  el kmo ng mla 
mo mesisi ch?"
 
"Ke ko er a dilu el kmo bo mngai a ralm," ng mil ekoi a Lurvy el ko 
er a mad el debsochel a medal.
 
"Ng dimlak kdu el kmo ak melechob," ng mil ekoi a Homer e tia el 
klou el seked a mo kaocherechur. Me a Homer a di mereko el 
 149 

dorakl. E a Avery a bai kmal mlo soal er a bo  ledekimes me ng 
melelechesokl e meleliloik er tia el mederir a rechad.
 
"Avery, rungalek mereko e lak mousimang," ng ulengit er ngi  a 
delal.
 
E ng di tia el seked a dirk oldiu el doroakl el sorir el omes er a Avery 
a loruul a betok el
 
oltobed a chur. Ng kilderi  tia el baket el ralm el nguu el subsi  e 
meruruul a medal. Me tirka el betok el ngalek a mlo kaiuediu e 
chocherechur er ngi .
 
Tia er a longesechi  a Wilbur er a torak e ng di kea a kmal 
cherrodech. Me a delal a Avery a mei el chotekli  a Avery el 
ongesechi  er a torak e te merola el mekekokterir el omekal  el mo 
er se el lengar er ngi  a rebabi .
 
 
 150 
XXI ULEBONGEL EL SILS
 
A rebek el chad a di tilobed el mo osi k er a Fern. A Charlotte me a 
Wilbur a di tir el ta el ngar er a blil a babi . A Templeton a mechiuaiu 
el medal er a bisel a le klebesei. A Wilbur a dirrek el kmal mesaul a 
bedengel er a delechor er a himbiokai me ng ultuir e di omes er a 
ngkedel el medalia el dirk klebikl er a iklel.
 
Ng ultuir a Wilbur e ulemes el mo er a Charlotte e kmo, "Charlotte, 
ngera me ke ko er a kmal di lmuk?"
 
"Ng soak el mengelakl er ngak," ng ulenger a Charlotte e kmo, 
"Ngak a di mla cheklmuk e diak sa el bekedechedechaol el chad."
 
"Ng merang. E ng di ke ko er a tokubets el kmal di lmuk. Ke 
socherang?"
 
"Ng di mesaul a bedengek. E ng di ng kmal ungil a renguk e le ke 
mlo kot e nguu a nguked er tia el himbiokai. Ak klungiolem me a 
deuil a rengum e di ua lengak. Ng dirrek el kmal dmeu a renguk el 
kirem e le chelecha el mo er a medam e ke keldmokl el diak a chad 
el mo melekoi a kodelem. Te mo ungil el omeka er kau me a 
rebetok el chad a me oldingel e omes er kau. Ke mo kiei el rokir a 
Kurismas me ke mes a betok el ungil el ues. Ke kiei el nguu a 
Baskau e oieli  a ulengul  er a skuul se el lemekelda a beluu me ke 
mo remenges e ngerel a dechedech me a betok el bedengel a 
charm. A klungiolel a beluulechad obo mues."
 
Ng mlo merek el mengedecheduch a Charlotte e a Wilbur a mocha 
merael a iuosech er a medal e dula, "Charlotte, ak ko er a kmal 
merur, a mle uldesuek el kirem er ak kot el mo medengelkau. Ak 
ulemdasu el kmo ke rasechebeab el chad el omekoad a mekekeriei 
el charm e menga a resechel."
 
Ng mlo metetenget a rengul a Wilbur me ng mlo lmuk el telkib e 
liluut el mo mengedecheduch. "Ak meral merrenga er kau e 
Charlotte er aika el betok el ungil el omeruul el bla mruul el kirek. A 
ua ingak el chad el dirkak a ngera el kreli  e leko er kau, a diak 
lekirek a ua ika el ungil el omerelem."
 151 
 
"Wilbur, a de kausechelei e ng diak dosaod a saul," ng ulenger a 
Charlotte, "A rokui el kurruul a mle soak el meruul el kirem. A 
klengar er tia el beluulechad a diak lemekemanget. Kede mechel , e 
ngar el telkib e mo er a kodal  me ng soad el remuul a ungil el kirir a 
rebebil er a rechad me bo el ungil a rengud. Me kemam a rebubuu 
a ko er a di mechesa el melbetabek a blimam a omuked a kelam 
me ng dirrek el somam el remuul a ngar er ngi  a ultutelel el tekoi."
 
"Ke kmal mesaul e Charlotte," a Wilbur a chilat er a Charlotte me 
aika el tekingel e kmo, "Ngak a kmal metitur el mengedecheduch e 
diak lsebechek el smaod aike el kmal ngar er a renguk el ua ikau. 
Ng di soak el subedau el kmo ng kmal dmeu a renguk er kau el mla 
osebelak me ng soak el mo meruul a ngi  di el ngera el kirem. Ak 
meral melekoi e Charlotte."
 
"Ke kmal mesaul e Wilbur. Ak medengei el kmo ng meral melekoi a 
rengum er ailecha el tekingem."
 
"Charlotte, kede locha kmedu el merael el mo remei e le himbiokai 
a mocha merek. A leko di el ngera me de mereched el mo er a blid 
me dosterir a resib me a redebar. Ke semeriar el ua ingak ng diak, 
leko di kngar er a blid kung?"
 
A Charlotte a liluk el telkib e mekekokil el mengululau el kmo, 
"Ngak a diak kluut el mo remei."
 
A Wilbur a di mleki s el mo dechor e oker, "Ke kmo ng diak morael 
el mo remei?" ng lilangel a Wilbur e kmo, "Charlotte, ngera a 
telemal  e udelei?"
 
"Tia a ulebengelel a sils er ngak. A chelsel a ta me a lechub e ng 
eru el klebesei e ak mad.
 
Ng mla mo diak a klisichek el mo melemiakl er a mlai el obekid el 
mo er a blid. Ng dirrek el di kea a udek el otengelak el mo er a 
chutem."
 
A Wilbur a di mle obiou er a chutem el lmangel el mengubuchub e 
 152 
kmo, "Charlotte el kmal betik er a renguk el kuusbech er ngi . Ak 
mekera e chad omdibus er bita er ngak?"
 
"Wilbur, lak omlangel e kau a kmal melai a mederir a rechad me a 
recharm el me omes er kau. Msisichi  a rengum e bo mchelel akl."
 
"Charlotte, ng diak sebechek el chad a omdibus. A lsekum me kedi 
kiei e ak di kiei el obengkem. Ng diak el sebechek el choitau me di 
lekau el ta e mad er tiang."
 
"Lak mongebelung," ng mil ekoi a Charlotte, "Ng diak el sebechem 
el di kiei e le rua Lurvey me a Homer a mereku me te mo 
olengasech er kau er a torak. E lmuut ku, chomkiei er tia e ng diak 
a mo omeka er kau. Me tia el kurangd a bo lengai a mlai me a klalo 
er ngi  me ng mo medideri k e cheloit."
 
A Wilbur a rereuchel el tureki  er a bita el blil el mo er a bitang. Ng 
omais e lotkia blil a ngisel a Charlotte el ngar er ngi  a eim el dart 
me a tacher me a kleua el ngais el dirk mo omeu. Ng omdesua el 
kmo a lak  lsebechel a Charlotte el merael el obengkemam el mo e 
remei e ng sebechek el bai ngmai a ngisel.
 
Ng rirurt a Wilbur el mo er a eungel aika el ngisel a Charlotte e mo 
locha a ochil er a kboub el leko ng mo melemiakl. Ng chilsngekl el 
omes e le ng diak lsebechel el mo ngmasech. E a lomes e a rua 
Homer me a Lurvey a dumiang. Ng ulsi k a rolel el  mereched el 
ngmai aika el ngais er a uchei er a lemei a rua Homer.
 
"Ngar er ker ngika el Templeton?" ng uleker a Wilbur.
 
"Ng mechiuaiu er a eungel aike el bokso el ngar er se el urrukel," 
ng ulenger a Charlotte.
 
A Wilbur a rirurt el mo er tia lemechiuaiu er ngi  a Templeton e mo 
terob el okisi  e tucheli  a Templeton el mo merael er a bab.
 
"Templeton! Morrenges e kulekoi!"
 
A Templeton a ko er a mle rrau a rengul me ng ulemes e ngosecha 
 153 
rengul me ng kmo, "Ngera chised e sechelei? Ngak, ng diak 
lsebechek el mechiuaiu e kulengul  el diak moluchel er ngak me 
kbibiroi?"
 
"Morrenges er ngak e Templeton. A Charlotte a kmal smecher e di 
kesai el klebesei e ng mad. Ng di kiei e kid a mo remei me ng soak 
el ngmai a ngisel a dorael. Ng diak lsebechek el melemiakl me ak 
olengit er kau me mchedechuul aike el ngais el ngmai el meskak. 
Ak kmal lolengit er kau me morechedau el ngmasech el ngmai e a 
rechad a merekung. Ali , ng kmal di kea taem e Templeton."
 
A Templeton a ouuas e melamet er ngi  e olab a chesemel el mo el 
mei e chisngekl el omes aika el ngais el ngar er a kboub e kmo, 
"Kede kuk mocha er ngi  el oderuchel me ng Templeton mrel i tia, 
mesei, mrurt el mo er a ongebitel e mngai a l el a babier el mei. 
Templeton, me ta er a kereel me kuusbech er ngi  me a rokui el 
ureor a di kirel a Templeton."
 
"Ak olengit er kau me morechedau e Templeton e ng kmal di kea a 
temed," ng mil ekoi a Wilbur.
 
E a Templeton a okor e dengchokl e meledes a ochil el diak 
lorreched. E se el loreched a Wilbur e ng mesuub er ngi .
 
"Ng turka renguk el di ngar er a oderuchel. A debeltid e kom kmo, 
'Templeton, mreli  sei, tia, e morechedau.' chomomdasu e ak 
bekord el blil a oderecheliu. Ngera ko mla meskak el kirel a urerek? 
Kom di meduch el oderechak e dirkak a ta el ungil el tekoi el mdeli  
el kirek," aika tekingel a Templeton.
 
"Templeton, ak olengit er kau me lak mongeremrum e morechedau 
el ngmasech e mngai aike el ngais e ng mochu diak a taem. A 
bolak dengai aika el ngais e ak ultebechel el mad er a kngtil a 
renguk el kirel a Charlotte me a rengelekel."
 
A Templeton okor e oisois a ochil e olsebesebek a medal el di ua 
lak a ngerang.
 
Ng dengchokl a Templeton el telkib e kmo, "Ke mesaod er a mad 
 154 
er a kngtil a rengum. Ak uoi chubkau el di meduch el me er ngak e 
le ngar er ngi  a telemal  e uoi dirkak rengesau me a lechub e 
krengesi  a ngi  di le chad el mo mekngit a rengul el kirek. A 
uldesuiu a di kmo a Templeton a diak a belkul el domdasu er ngi  e 
le ng di ta er a rebeab."
 
A Wilbur a kmal ngosecha a rengul me ng uleldiu, "Templeton, 
beki s el mo meruul aika el kulekoi e bo moruul a teletelem e lak 
mongebelu el ko er a ngalek."
 
A Templeton  a omtebutek a medal e meruruul er a delengcheklel e 
kmo, "Ng techa ngke mle oderuchel el mo er a ongebitel?" ng 
uleker, "Ng diak lengak el Templeton. Ng techa ulsebeli  a klengar 
er a Charlotte, ng diak lebediu el ngais el ngak a kildmekli  a 
ulechisi  a ngelekel a Homer. Ng diak lengak a milengchi  a kemrim 
me ke meki s er se er a omtaorer er a himbiokai. Ke ko el mla mo 
dengchokl e omdasu el kmo ngak el Templeton a dirrek el tureka 
renguk er a oderuchel me a ureor?  Chomomdasu e ak beab el 
sibmiu er a rokui el ureor?"
 
A Wilbur a diluko e di kea lodengei a ldung e a Templeton rongesi . 
Ng dechor el omdasu el telkib e lotka el kmo a Templeton a kmal 
chad er a blengur e soal a betok el kal .
 
"Templeton," ng ulemekedo a Wilbur el kmal ngor el omengeluch, 
"Me e derel i  a iaksok er kid el ua tia kid. Ke mo ngmasech e nguu 
se el blil a ngisel a Charlotte el me meskak e chelecha el mo er a 
medad e se el lebe lolecha kelek a Lurvey e kau a kot el mo 
omengur el kma aike el rokui el soam e ak mochu omengur el 
menga a derengem."
 
Ng mleki s a Templeton el mo dechor e kmo, "Ke meral melekoi? 
Ailecha ng mera el tekingem?"
 
"Chochoi. Msal  e kreli  a kerus el olecholt er a kmo ak mo otirakl 
aike el blak dung," ng ulenger a Wilbur.
 
"Ng ungia ku me ak mochu ngmasech el mo nguu a blil a ngisel a 
Charlotte," ng mil ekoi a Templeton e melemiakl el mo er a bab. Ng 
 155 

melemiakl e kurusi  er a klungel a delel e le ng dimlak a kokil er a 
lolngot er a kurangd er a klebesei. Ng mo kmeed er a blil a ngais 
me a Charlotte a olsesei el mo er a cheroid me bo lungil besul a 
Templeton el melubet er a blil a ngais.
 
A Wilbur a dechor er a eou e ambai er a Templeton el kmo, "Ali , ke 
kmal mo kerekikl e mekekokau me ng diak mtemel i  a chimo er 
ailecha el ngais."
 
A Templeton a mekekokil el lolab a ungelel el melubet er tia el blil a 
ngais. Ng berekereked me ng melubet e kmo, "Tia di ua dolubet a 
seboseb el mo bereked er a ngered." Ng chodechuli  el ngubeti  e 
nguu el me metengel el loia er a medal a Wilbur.
 
A Wilbur a ta el lultuu e telil er a deuil a rengul e kmo, "Ke kmal 
mesaul e Templeton e a sulem a diak kubes el mo er a medad el 
rak."
 
 156 
"Ng dirrek el kmal diak kubes," ng ulenger a Templeton e kmo, "Ng 
di ua kulemangch a rekodol . Ali , ng mocha temed el mo er mei."
 
A Templeton a rirurt el mo merti  er a eungel aika el selumech el 
bokso e tir a tireka a rua Homer me a Lurvey me a Avery me a Fern. 
A Wilbur a mla otungi  tia el blil a ngais er a ngerel me ng bereked 
er a bab er a chelsel a ngerel el ngar er a bebul a chural. Ng dirk e 
mle medengei a tekingel a Charlotte er a louchais er ngi  el kmo a 
blil a ngisel a bubuu a ko er a l el a dait el diak el sebechel el mo 
dekimes. Ng loia er a chelsel a ngerel e a rua Homer a mocha oltak 
er ngi  er a torak me ng chilsngekl el omes er a Charlotte e 
merorem a medal el melmesumech. A Charlotte a ulemes er a 
Wilbur e medengei el kmo ng melmesumech e ua ldu er ngi  el kmo 
ng diak  lsebek a rengum er a rengelekem e le kmo kutmeklterir.
 
"Mechika kung!" ng milengululau a Charlotte er a lolekoi aika 
lulebongel el tekingel a uluutekangel el oderesi  a chimo er a chimal 
e omiroi el melmesumech er a Wilbur.
 
Tia er a lorael a Wilbur e a Charlotte a di mle rrek a delengcheklel er 
a chelsel a blil. Ng dimlak el ta me lomakes me a lechub e 
lulengedecheduch. A bo le kukuk e a rechad a mlei me te ngmai a 
charm me a mesil e ng nguubet a tento el mo kairirei. A kurangd a 
di mlo mededaes el di besbas a cheloit er ngi . A chelsel tia mle 
klou el seked er a Himbiokai e ng dimlak a di ta er tirka el chad el 
mo medengeli  a Charlotte. Ng di mle berrotel a klungiolel a urrelel 
me a kldachelbil e ng mengoit a telil er a le kea a rechad me a 
cherodech er a kurangd.
 
 
 157 
XXII SILS ME A KLEALD
 
A Wilbur a merema remei er a blil el teloi er a rebetok el charm. A 
be lrei e ng dirk oubiungel er a ngkedel er a himbiokai me a ngisel a 
Charlotte a dirk ngar er a chelsel a ngerel. Ng mo soiseb er a blil e 
kmo, "Hai . . . ng meral ungil a renguk se el bektuu er a mera el blil 
a charm. Ng ungil a bul me a eltel a ungil." Ng omais er a chelsel a 
blil el telkib e mocha locha aika el ngisel a Charlotte er a urrukel el 
mededaes e ungil. A resechelil a Wilbur el debar me a sib e di 
omes er a Wilbur e le ng kmal dmeu a rengrir er ngi  el mla me 
remei.
 
Aika el meklou el debar a di mlo mengerodech er a deuil a rengrir. 
Te mo kaokeaongel el oldiu el kmo, "Aki otengau er a kot el ungil el 
nguked el bla mnguu. Ke kot el ungil e klebokel me ng kmal dmeu 
a rengmam er a klungiolem."
 
A Lurvey a mlo chelireuakl e ngubeti  tia el medalia el ngkedel a 
Wilbur el mla er a chiklel e nguu el turechekli  er a deel el ngar er a 
bebul a blil a Wilbur. Tia a telecherakl me se el lemei lomes er a 
Wilbur a rechad e ng sebechir el mesang.
 
A Wilbur me ng dirrek el di milil er a chelsel a blil e omngamk er a 
ngkedel.
 
A Wilbur a di ulemeka klebesei. Ng kmal mlo klou e kedelebuu e 
mengchecheldoech a bedengel. Ng kmal mle ungil el omengur e le 
ng mlo medengei el kmo chelecha el mo er a medal e a Lurvey me 
a Homer a diak lebo lomekoad er ngi . Te bai kmal mlo ungil el 
mesiou er ngi  e le ng bek el sils el lorael a osengel. A Wilbur a kmal 
mle ungil a rengul e ng di se el loes aika mle blil a Charlotte el dirk 
telecherakl er a kboub er a blil e ng mo metetenget a rengul. E le 
chelsel a klechad er ngi  e ng dirkak lebetik er a mo ungil sechelil el 
kmal mle bekerurau, e medemdemek a cheldechedechal e ungil 
omerel el el meduch er a betok el tekoi el ua Charlotte.
 
A temel a sils el lemekeald a beluu a mochu merek me a rua Lurvey 
a mla mo mengib a kalebasang me a bangkil. A rua a ringngo a di 
mocha ouid. A recharm a mengi s me a remesab a rodech el di 
 158 
beri d er a chutem. A Lurvey a ngilai aika el bangkil me kalabasang 
el me kudmokl er a chelsel a blil a charm. Te mocha mengetmokl el 
kirel a kelekolt. A Wilbur a dirkak a ta leoes a snow. Ng di mle tutau 
e ng omkokl el tuobed el mo omes a snow. A ltobed e a Avery me a 
Fern a oltitenganged er a bebul a diong el di mla mo kori.
 
"Ng mera el soak el oltitenganged se el kori bebul a ralm," ng 
mil ekoi e ocherechur a Avery.
 
"A bai kot el ungil se el dengar er aike el btar el meliuekl er a 
himbiokai. Se el lebo lechelel akl e a Henry a obisur a kingelam me 
aki meliuekl er a bab e omes er a beluu," a Fern a mil ekoi e ko er a 
meleliloik el mo er a tkul tia el diong.
 
"Olekoi, e kau kede mesaod a snow e kau a dirk ke mesaod a btar 
me a himbiokai. Ailecha kuk kmal meketeket er a bo lemerek el 
tekoi," a Avery a mil ekoi er a Fern e olekesebakl a chimal el ko er a 
ouklou el chad er ngi .
 
A Fern a mil ai a snow er a dingal e kmo, "Ng kmal diak kubes aike 
el kingelam er a himbiokai."
 
Se sei el klebesei er a uriul er a Kurismas e a beluu a kmal mlo imis 
er a kelekolt. Me a recharm a di kiliei er a chelsel a blil a charm e ng 
di se el lebo er ngi  a sils e te tuobed me te omsoes. A resib me a 
debar me te dirrek el di kiliei er a a chelsel a blil a charm. E se el 
lebo lemeched a rengrir e te menga kori. A rebek el charm a di 
kaiuetitech er tia blil a charm e le te chemi s a cheluut me a snow.
 
Se el lebo le temel a Lurvey el mo melecha a kelel aika el charm e 
te di mo chacherodech a recharm el oureng a sulel. Tirka mlo 
tokubets el sorir a kal  me te di kiei el di mengi l a temel a blengur.
 
A Templeton a dirrek el mlo mekerasem el ngar er a i kr me ng 
rirel i  a blil er a eungel a blil a bokso. Ng otamet a simbung me a 
mechut el mamed el mei me ng rul i  a blil el kmal mo ungil. Ngika a 
edei el taem el lebo lomes er a Wilbur er aike el temel a blengur. A 
Wilbur a milemolem a tekingel el mecheriei a Templeton me ng kot 
el mo omengur. Ngika el Templeton a kmal ngemokel e 
 159 
merechorech a rengul me se el lebo lechebangel a kal  e ng obes el 
kmo ng mekekeriei a bedengel. Ng di menga el mo tmurk er a 
chural me se el lebo lemerek e ng kurusi . Ng dimlak lebo le buil e 
ng kmal kedelebunga me ng soad el mecheuid er ngi  el rengud ng 
ngelekel a babi  er a klungel.
 
A ta er a klebesei e a ta er a klou el sib a kmal mla mo melemelim a 
rengul er a kelungel a Templeton me ng mocha ultom er a kakine e 
kmo, "Templeton, bo mo ngemoes er a omengelem me el 
sebechem el kiei el chad el meketeket."
 
"Ng techa soal kiei el mo cherechar," ng ulenger a Templeton e 
kmo, "Ngak a kuk dilubech el soak a kal  me ng diak lsoak 
chomolengeasek er a mur er ngak," ng mil ekoi a Templeton e 
melitaiu er a delel e oltememech er a sib e ngmasech el mo er a 
dukl el me ng mo ultuil.
 160 

A Wilbur a dimlak a ngodech el lemechesa er ngi  e ng di mechesa 
el omekereu aika el ngisel a Charlotte. Ng ngilai el locha er a bita er 
tia el lemecheuaiu er ngi  me se el lebo lebad e ng sebechel a telil 
el tuobed e mengeald aika el ngisel a Charlotte.  A Wilbur a di kiei 
el mengi l er a beluu el mo mekeald me lomeu aika el ngais.
 
A ta er a klebesei e ng dirk kekesus e a chimo er a klou el sib a 
kmo, "Ak ko er a rirengesi  a ngerel a dechedech. Ka morrenges, 
kom remenges ng diak?"
 
A Wilbur a di tilkekli  el meki s el mo dechor me a dingal a di 
decherong. Ng olechederenges e remenges a betok el ngerel a 
dechedeched el di ngi  me a longitakl.
 
"A temel a sils me a kleald a merema me kede ungia el mo 
 161 
sebeched el mo tuobed," ng mil ekoi a sib e merael el bedul rikl el 
kmal dmeu a rengul. A Wilbur a ulemes er a sib er a lorael e a 
lomes e ngika ta er a ngelekel a sib el okiuel el el teletelel a kmal 
dirk mlechel .
 
Ng mekelda a beluu me a snow me a kori a mla toker. A diong a 
omaoch a ralm er ngi  me a mekekeriei el charm a di mesebesebek 
e melekoi er a bebul aika el kerrekar er a bita er a omoachel.
 
Ng bekord locha bek el tutau el dosa a beches el ngelekel a sib el 
mla mechel . A debar a dirk mengaet a ngisel me tirka el bebil er a 
recharm a meledes a bedengir e melai a ungil el cheluut el me 
soiseb er a blirir. A mle medechel el telkib er a blil a Charlotte a 
silebek el tuobed er a rikr.
 
A ta el tutau el dirk lengilasech a sils e a Wilbur a mileki s el mo 
dechor er a bita er tia el blil a ngisel a Charlotte. Ng dechor el ko er 
a blengbangel el diak lodengei a bo loruul e a lomes er tia el blil a 
ngisel a Charlotte e ng mes a betok el ko er a chelechol el merael. 
Ng kmal mlo meklou a medal a Wilbur e mocha kmeed e omes. A 
lomes e ngisel a Charlotte e ng mla omeu. Tirka a kmal mekekeriei 
el di ua meklungel a medal a rasm. Me a bedengir a ua bedengel a 
chab e mechedelekelek me a oubebiduch a ocherir el kmal di ua 
derir er a Charlotte. 
 
A Wilbur a di mlo mritel e rereuchel er a deuil a rengul. Ng dechor el 
omes e ng omeu el der se kldei er a ta el taem. E se lomeu e ng 
tuobed a ngelekel a bubuu e melemiakl el meleliuekl er tia lukir. Te 
olab a ocherir el ombebiroi er a Wilbur e mesuub el melelidab. A 
Wilbur a di dilechor e ng omeu a kmal betok er aika el ngais me ng 
kmo a rengelekel a Charlotte a mocha temir el mechad er a 
beluulechad.
 
A Wilbur a kmal mlo semeriar me ng rirurt el iuekli  a blil e 
ousakadats el metilech e ombebelebult er ngi  e oldiu e remurt el 
mo obangel aika el ngelekel a Charlotte e kmo, "Ali !!! Ali !!! Kom 
rongesak?"
 
A ta er aika el ngelekel a bubuu a ulenger e ng di kmal mle kekeriei 
 162 
a ngerel me ng dimlak  lsebechel a Wilbur el rongesi .
 
"Ngak a sechelil a delemiu er a Charlotte," ng milengedecheduch a 
Wilbur e kmo, "Ng kmal ungil a renguk el omes er kemiu el rokui. 
Ng ngar er ngi  a sebechek el ngoseuir el kiriu? Kom ua ngerang?"
 
Tirka el ngelekel a bubuu a di ulemiroi a chimorir er a Wilbur el ua 
lolecholt er a Wilbur el kmo te dirrek el dmeu a rengrir el mesa e mo 
medengeli .
 
"A le bo er ngi  a omousbech me a somiu e ng kmal sebechek el 
ngosukemiu," aika tekingel a Wilbur.
 
Tirka el ngelekel a bubuu a di omiroi a chimorir er a Wilbur se el 
longedecheduch er a Wilbur. Te kmal mle mechesa el di melidab el 
ngmasech, te metengel e iuekli  tia el kboub e le bla er ngi .
 
A chelsel a mekesai el klebesei e te mocha meruul a blirir el 
mekekeriei el di blechobech er tia el kboub e le bla er ngi . Tirka di 
omeka klebesei me te mla mo ua meklungel a redechel a 
chebouch.
 
A ta el tutau el kmal mle ungil a eanged me a cheluut a mekelekolt 
a lesbechi  er kid e a Wilbur a mileki s el mo nguu a chesimer er a 
telia er a blil. Ng siliseb a cheluut me tirka el ngelekel a bubuu a 
kmal mlo ungil a rengrir. Te mocha melemiakl el mo er a bebul tia el 
sersel a blil a Wilbur e omerk a osengir. A chimo er tir a mlo dechor 
el telkib e mo terrob el nguu a bdelul el loia er a bebul tia el kakine 
e ko er a otobed a udel el ruli  a ko er a huseng e tukekli  me ng 
suebek e ng melemesumech er a Wilbur el kmo, "Bek bong," e 
suebek el remi d.
 
"E a msal! Kau  ke mo er el di diak dekasbesubed e keriedang?" A 
Wilbur a dirk melekoi a tekingel e ng ngika el bubuu a suebek el 
remi d. Te ouderta er tir el ngmasech el remuul a huseng er tir e 
kairiri d. Tia el telkib el chutem a di mlo meseked a bebul er aika el 
betok el ngelekel a Charlotte el di sobekang.
 
A Wilbur a kmal mlo suebek a rengul e dirrek el kmal mekngit a 
 163 

rengul el di dechor e di kea el sebechel kmo ngera er tirka el 
ngalek.
 
Ng lilangel e kmo, "Mluut el mei e rengelekei. Ak olengit er kemiu 
me mluut el mei e tia kid a blid."
 
E tirka el ngelekel a bubuu a di ua ngera el mocha cheroid e di 
chemur a ngerir el melmesumech er a Wilbur el kmo, "Ki bebong."
 
A ta er tirka el mlo okiu uriul a mlo dechor e mengedecheduch er a 
Wilbur er a uchei er a loltobed a udel el meruul er a huseng er ngi . 
Ng dilung, "Wilbur, kemam ousbech el merael er chelecha el 
lemekeald a eolt. Ng temam el suebek el mo osi k a delengcheklam 
er a chelsel a beluulechad."
 
 164 
A Wilbur a kmal mechas a rengul e rrau a rengul me ng uleker, "Me 
ko mo er ker?"
 
"Se el lengikemam a eolt el mo er ngi  se ia kibo er ngi . Ng 
sebecham el kmal mo er a bab, eou, ngebard, ongos, diluches, 
dimes. Ngi  di leker el lengikemam a eolt el mo er ngi  a mo beches 
el belumam."
 
"Me kemiu kom di remi d el rokui e choitak me ng di ngak el ta el 
kiei? chokmo ng kiei a Charlotte e ng locha diak deua isei."
 
Tia el bebul tia el blil a charm a di mui er aika el dart el ngelekel a 
bubuu el di suebek. A resuebek er a eou me a bab me a tirka di ua 
le klou el eabed el mla dokedeki  tia el telkib el chutem. A Wilbur a 
dilechor el omes aika el bubuu er a lokokil el suebek e ulerrenges a 
ngerir el melmesumech er ngi  el telkib e mo diak lrengesterir. 
Ngika a kmal mlo lengoech a bedengel er a kngtil a rengul er a 
resechelil el di mla remi d me ng chiliti  el mo bad el lmangel el mo 
lieta medal.
 
A lebeki s a Wilbur e ng mochu ngmelt a sils. Ng mileki s e omes er 
tia el blil a ngisel a Charlotte e chisngekl el omes er a rikl e ng 
medideri k el diak a di chimo er aika el ngelekel a Charlotte el 
lesang. Ng mileki s e merael el mo bedul se el lebla er ngi  a 
Charlotte me ng dechor e ko er a melatk er a Charlotte. Ng dechor 
e rongesi  a kekeriei el ngor el melekoi.
 
"Ali , ali !!" ng mil ekoi a ngor el ngar er a didil a charm, "Ngak tiei el 
ngar er a bab."
 
"Me ngak me ak ngar er tiei," ongeru el ngor a mil ekoi.
 
"Me ngak me ak dirrek el ngar er a bab," tia a tekingel ongedei er a 
ngor, "Aki di kiliei el tedei e le ng somam el kiei er tia el obengkem. 
Ng kmal somam omerel em me a cheldechedecham."
 
A Wilbur a mlo merirekrik e omes el mo er a bab e mes a kldei el 
blil a bubuu el lemechesa el meruul tirka el tedei el ngelekel a 
Charlotte. Ng melanges el mo er tir e oker, "A belkul aike el tekingiu 
 165 

ng kmo kom di mereko el kiei er a chelsel tia blil a charm me ng 
sebechek el kmo kede kausechelei el mo er a medad el rak?"
 
 
"Ng ua isei, ng kmal ua isei," te ulenger tirka el bubuu.
 
 166 
"Ka molecholt a ngkliu e ng kmal soak el mo medengei," ng uleker 
a Wilbur e omritel er a deuil a rengul.
 
"Ng sebechek el ochoti  a ngklek chokmo ke subedak el kmo ngera 
me ke omritel el ta el chad," ng mil ekoi a ta er a bubuu.
 
"Ak omritel er a deuil a renguk," ng ulenger a Wilbur.
 
"Mada ng ngklek a Deureng," ng ulenger a bubuu.
 
"Ngera a mle uchul a ngklel a demal a delak el mechas?" ng uleker 
ongeru el bubuu.
 
"Ng 'A'," ng ulenger a Wilbur.
 
"Mada  ng ngklek a Ana."
 
"E ngak a mekerang?" ng uleker ngika el ongedei el ngelekel a 
bubuu. "Ng soak chomdibechi  a ungil el ngakl el mo  ngklek el 
diak lsa  el kemanget me a diak le betok a chedechedelel me a diak 
leko er a ngklir a remelingai."
 
A Wilbur a dechor el omdasu el telkib e kmo, "E a ngakl el Nel ie? 
Ng ungil ng diak?"
 
"Chochoi. Ng ko er a kmal soak el ngakl a Nel ie," ng ulenger a 
bubuu. "Ng sebechiu el omekedo er ngak el kmo, 'Nel ie.'"
 
A Wilbur a kmal mlo ungil a rengul el mocha er ngi  a resechelil. Ng 
ulemdasu el kmo tia a ta er a kmal ungil sils er a klengar er ngi  me 
ng mle soal el mo dmu sesei er a cheldechedechal.
 
Ng ulemuchel er a cheldechedechal el kmo, "Deureng, kau me a 
Ana me a Nel ie, ng kmal dmeu a renguk er kemiu el bocha dedak 
el kiei. A delemiu er a le kiei e aki kiliei er tia el terung. Ng kmal mle 
ungil redil el mel omes e ngar er eou a rengul. Ng ulsebelak e riruul 
a kmal betok el kirek. Ng kmal diak kbo kubes er ngi  me a rokui el 
mle ungil el omerel el. Me ak klechad er kid me a klausechelei er 
kid a kulemolem el mo er a medad e le ng di ua omdelemiu er a 
 167 
renguk."
 
"Ng dirrek el kmal soak tia delengchokl me a delongeled el kmal 
ungia e Wilbur," ng mil ekoi a Deureng.
 
"Ngak me ak ta er a kmal soak tia delengchokl me a klausechelei er 
kid," ng ulelsi ch a Ana.
 
"Me ngak me ak dirrek el olsi ch a di osisiu el tekoi," ng mil ekoi a 
Nel ie e mechesa el omekoad er a rekas el mla obuked er a blil.
 
Tia a kmal mle ungil el sils er a Wilbur me ng dengchokl el di 
klikmechur e le ng medengei el kmo a klengar er ngi  a melemolem 
el mo ungil el mo er a medal klebesei.
 
A Wilbur a kiliei el melai a sils me a buil me a rak el dmeu a rengul 
el ngar er a blil e le ng di mla er ngi  a rebetok el sechelil. A Fern a 
mlo klou er redil me ng mlo diak lebe loldingel er a Wilbur e le ng 
mlo mechesa a ureor el klou. E ng di rengelekel a Charlotte a di mle 
kiei me te omechel  me a rebebil er a rengelekir a suebek el remi d 
e ng di ngar er ngi  a kmo te tedei te teua el di kiei el meruul a blirir 
er a di osisiu el basio el le kiliei er ngi  a delrir er a Charlotte.
 
A rua Homer a kmal mle ungil melecholb e omeka er a Wilbur e le 
rechad a dirk omais el me oldingel e omes er ngi . Ng dirkak lobes 
aike el tekoi el mle lechukl er a blil a Charlotte el kirel a Wilbur er a 
lengar er a himbiokai. A Wilbur a kmal mle soal tia el delengcheklel 
el teloi er a rebetok el charm. Te smonga el di kaiuekeed e 
chadcheduch me a sils a di diak lolechesuar e ng mocha ngmelt. 
Te di kiei e ng mocha temel a kelekolt. A deuil a rengul a Wilbur e 
rireli  me ng kmal mlo smau e semeriar el kiei el teloi er a rebeab 
me a resib me a debar me a kerebou me aika el bebil er a recharm.
 
A Wilbur a kmal dimlak lobes er a Charlotte. A deuil a rengul el kiliei 
el obengterir a rengelekel a dimlak el sebechel el mo ua ia a 
delongelel ngi  me a Charlotte er a cherechar. A Wilbur a di mle 
medechel er a rengul a kmo, "A rengelekel a Charlotte a kmal 
klebokel e ungil e ng di diak a ta er tir el mo nguu a deruchel el a 
delrir er a renguk. A Charlotte a kmal mle kot er a rekot el di uldak a 
 168 
klungiolel a beluulechad. Ng mle mel omes, e ngar er a eou a 
rengul, e meduch el mengaus e meluches. Ng dirrek el milak a diak 
dobes el klausechelei.”
 169 
Table of Contents
Title Page
2
I TUTAU
4
II WILBUR
10
III CHIIS
13
IV CHAMIRENG
22
V CHARLOTTE EL BUBUU
28
VI ULENGULL ER A SKUUL
38
VII MEKNGIT EL CHAIS
43
VIII TEKOI ER A BLAI
47
IX KLIMELENGEL A WILBUR
50
X DUB
62
XI MEANG EL DILUBECH
72
XII CHELDECHEDUCH
80
XIII BLECHELEL A UNGIL EL UREOR
86
XIV TOKTANG EL DORIAN
99
XV CHEREMEL A CHULL
106
XVI OMERAEL EL MO ER A HIMBIOKAI
111
XVII OKDEMAOL
121
XVIII KELEKOLT ER A MOCHA KEBESENGEI
129
XIX BLIL A NGAIS
135
XX KO EL DOSEBANG
146
XXI ULEBONGEL EL SILS
153
XXII SILS ME A KLEALD
160
 170 
172

Document Outline